Առաջին 100 օրը բանակում. պրակտիկ խորհուրդներ շարքայիններից
Քաղաքացիական կյանքից զիվորականին անցնելն այնքան էլ հեշտ չէ: Տարբերությունն ակնհայտ է` սկսած օրվա ռեժիմից, վերջացրած միմյանց դիմելու կանոններով: Ծառայության մեկնելուց առաջ շատ տղաներ հարցուփորձ են անում բանակային կյանքի մասին, հետաքրքրվում են, թե առաջին օրերին ինչպես պետք է իրենց պահեն բանակում: Սովորաբար հարցուփորձ են անում ծառայող կամ նոր զորացրված ընկերներից ու ծանոթներից: Խորհուրդները շատ են, մի մասն էլ` երբեմն չափազանցված:
Ահա, բանակային կյանքի գաղտնիքներն իմացող 100 տղաների խորհուրդներն ու ամենից հաճախ կրկնվող հորդորները:
Որքան հնարավոր է արագ համակերպվիր օրվա նոր ռեժիմին, սննդակարգին, արագ սովորիր զինվորական կանոնագիրքը, շարային քայլը, սպայական կոչումներն ու դիմելաձևերը
Մի՛ առանձնացիր ծառայակիցներիցդ, ինտեգրվիր անձնակազմին, հնարավորին չափ քիչ խոսիր ու շատ լսիր
Ինքնահաստատման փորձեր մի արա, բայց և թույլ մի տուր, որ քեզ շահագործեն
Հնարավորության դեպքում օգնիր ում կարող ես, պատասխան օգնության կարիք հաստատ կունենաս ծառայության ընթացքում
Եթե զզվող ես` հրաժարվիր այդ կոմպլեքսից, մաքրություն անելիս վատ մի զգա, եղիր կոկիկ, համազգեստդ էլ պահիր մաքուր
Մի ստիր, բայց ոչ էլ վստահիր` ում պատահի
Եղիր համբերատար և երբեք մի բողոքիր
Աշխատիր հարազատներիդ քիչ զանգել ու հաճախակի չտեսակցել նրանց
ժամացույց մի կրիր, օրացույց մի ունեցիր ու աշխատիր պարապ չմնալ, հնարավորին չափ շատ կարդա
Եթե չես ծխում` մի էլ ծխիր
Տարածել
Կարդա նաև
Ջուլյա Սամուել. Վշտի պարադոքսը | Ted Talk
Լայնեզր գլխարկով, գոթական ոճով բարոնուհին ու էքսցենտրիկ գրող Ամելի Նոտոմբը (տեսանյութ)
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)