10 կանոն անձնական էջը ադրբեջանական հաքերներից պաշտպանված դարձնելու համար
Ապրիլին ու մայիսին պետք է պատրաստ լինել ադրբեջանական հաքերների ագրեսիվ գրոհներին: Հաքերների թիրախում են հայտնվում ոչ միայն կայքերը, նաև հայ օգտատերերի ֆեյսբուքի և Ինստագրամի հաշիվները:
Օգտագործեք գաղտնաբառերի պահպանման հավելվածներ
LastPass-ը մեկն է այն տասնյակ հավելվածներից, որոնք ոչ միայն հիշեցնում են գաղտնաբառերը, նաև օգնում գեներացնել նոր, անվտանգ կոդեր: Վիրտուալ էթիկետում ամենատարածված սխալը նույն գաղտնաբառը մի քանի հաշիվներում օգտագործելն է: Հավելվածը չի թողնի նույն գաղտնաբառը գրանցել տարբեր հաշիվների համար:
Երկաստիճան անվտանգությունը շռայլություն չէ
Չարագործը գաղտաբառի և լոգինի իմացության դեպքում չի կարող մուտք գործել ձեր էջ՝ առանց SMS հաստատման: Կարգավորումներում տեղադրեք երկաստիճան անվտանգություն: Այն գործում է Microsoft-ի, Apple-ի և Google-ի բոլոր ծառայություններում: Երկաստիճան անվտանգությունից հետո պատրաստ եղեք ամեն անգամ հաշիվ մուտք գործելուց առաջ հավաքել այն կոդը, որը կուղարկվի սմարթֆոնին:
Ստուգեք հաշվի ակտիվությունը
Երբ կասկածներ ունեք, որ ձեր հաշիվ այլ մարդ է մտնում, կարող եք ստուգել էջի ակտիվությունը: Օրինակ, Gmail-ը ցույց է տալիս վերջին մուտքը, ինչպես նաև ծանուցում է ուղարկում, երբ մուտք է լինում այլ տարածաշրջանից: Կարող եք հաշվի ակտիվությունը ստուգել Google–ում՝ այստեղ և Facebook-ում՝ այստեղ:
Անվտանգ դարձրեք գաղտնաբառի փոփոխման կարգավորումները
Apple ID-ում գաղտնաբառը փոխելու համար չարագործը պետք է անցնի երկաստիճան աուտենտիֆիկացիա(authentication)`նույնականացման գործընթաց կամ պատասխանի ստուգիչ հարցերի(օրինակ, նշեք ձեր սիրելի շան անունը): Gmail-ում գաղտնաբառի վերականգնման համար պետք է բջջային համարը կամ այլընտրանքային էլ փոստը: Բայց այս բոլոր կարգավորումները պետք է տեղադրել նախապես: Տարբեր օնլայն թեսթերում, երբ հարցնում են շան սիրելի անունը՝ լռեք: Հաճախ նման թեսթերը չարագործները պատրաստում են հեռահար նպատակներով:
Փոխեք գաղտնաբառերը
Տարին մեկ անգամ գաղտնաբառը թարմացնելն անհրաժեշտություն է: Մի զլացեք մտածել բարդ կոմբինացիաներ:
Այլընտրանքային էլ. փոստ
Ակտիվացրեք այլընտըրանքային էլեկտրոնային փոստ՝ տարբեր օնլայն ռեսուրսներում և սոց. ցանցերում գրանցման համար: Մի կիսվեք այդ փոստով ընկերների հետ, թող դա լինի ձեր փոքրիկ գաղտնիքը:
Հետևեք, թե ինչ եք տարածում էջում
Սոց.ցանցերում բաց մի դրեք այն ամենը, ինչ կարող է օգտագործվել ձեր դեմ: Ծննդյան ամսաթիվը, հասցեն և հեռախոսահամարը փակ պահեք անծանոթների համար, կարգավորումներից դրանք բաց թողեք միայն ընկերների համար: Ոչ մի դեպքում գաղտնաբառում մի նշեք սիրելի ֆուտբոլային թիմի անունը, եթե նրանց մասին է ֆեյսբուքում յուրաքանչյուր երկրորդ գրառումը:
Օգտագործեք VPN
VPN –ը օգտակար տեխնոլոգիա է, որն օգնում է թաքցնել իրական գտնվելու վայրը, ինչպես նաև այն օգնում է մուտք ունենալ այն բոլոր ծառայություններին և կայքերին, որոնք չեն գործում երկրի տարածքում:
Հաճախ թարմացրեք օպերացիոն համակարգերը
Հնացած ՕՀ-ն հաքերների համար ևս մեկ խոցելիություն է: Չարագործի կյանքը բարդացնելու համար թարմացրեք սմարթֆոնի օպերացիոն համակարգը և հավելվածները, երբ գալիս են ծանուցումները:
Կապակցված հաշիվներ
Ուշադիր եղեք այն ծառայություններին, որտեղ մուտք եք գործում Ֆեյսբուքյան հաշվով: Իհարկե, ավելի հեշտ է մուտք գործել Ֆեյսբուքով՝ խուսափելով գրանցման գործընթացից: Հետևեք, թե ինչ տվյալների եք հասանելիություն տալիս տվյալ հավելվածի հեղինակներին:
Facebook-ում հասանելի ծրագրերը կարող եք ստուգել այս հղումով, իսկ Google-ում` այստեղ:
Տարածել
Կարդա նաև
Newmag-ը հրատարակել է Ռուբեն Վարդանյանի մասին գիրքը՝ «Ռուբենը» (թրեյլեր)
FrancoFest2024-ին Հայաստան են ժամանելու Գոնկուր ակադեմիայի պատվիրակները
Newmag-ը հրատարակել է «Նոր սերնդի թոշակառուները» գիրքը հայերեն և անգլերեն (թրեյլեր)
Գրականություն, նորաձևություն, մշակույթ /Պանելային 3 քննարկում՝ Ֆրանկոֆեստին