Ուղիղ հեռարձակմամբ ներկայացվեց Ազնավուրի «Վերջին դուռը» գիրքը (տեսանյութ)
![newmag-y-n](https://newmag.am/public/assets/images/posts/5157/f819cb1c86afd5e58cb6c40bbff6f81e.jpg)
Ազնավուր երգում են նրա ծննդյան օրը, ուղիղ եթերում. Տարեդարձի նվերը շանսոնիեի գրքի հայերեն թարգմանությունն է:
Խոստմանը համաձայն, Ազնավուրի ծննդյան օրը Newmag-ը ներկայացնում է շանսոնիեի հայերեն թարգմանությամբ նոր գիրքը: «Վերջին դուռը» գիրքը պատմություն է մարդու, աշխարհի և ճակատագրի մասին: Թարգմանիչը Համլետ Գասպարյանն է, որն անձամբ ճանաչել է Ազնավուրին և գրքերից մեկն էլ թարգմանել է նրա հետ աշխատելով:
Համլետ Գասպարյանի համար Ազնավուր թարգմանելու բարդությունը բառախաղերն են: Դրանք շատ են չափածոյում և արձակում։ Թարգմանչի համար իսկական մարտահրավեր է հայերեն համարժեքները գտնելը։
«Վերջին դուռը» Շառլ Ազնավուրը գրել է 87 տարեկանում՝ կյանքի մեծ փորձով ու ճակատագրի վայրիվերումներով անցնելուց հետո։ «Վերջին դուռը» նոր տեսանկյունով է բացահայտում հեղինակին։ Ազնավուրը նորովի է ներկայանում իր յուրաքանչյուր գրքում։ Սամվել Գասպարյանը խոստովանում է, որ լավ թարգմանչի գործը խմբագրելը հեշտ է ստացվել։
«Վերջին դուռը» բաց երկխոսություն է ընթերցողների հետ, Ազնավուրը շռայլորեն պատմում է իր կյանքի դասերի մասին, խորհուրդներ տալիս։
Newmag-ն այսպիսով ներկայացնում է Ազնավուրի 3-րդ գիրքը։ 2019-ի մայիսին հրատարակվեց «Կյանքից կառչած»-ը, դեկտեմբերին՝ «Մեղմ շշուկովը» և մաեստրոյի 96-ամյակի առիթով՝ «Վերջին դուռը»:
Գրքի հրատարակությանն աջակցել է «Ամունդի-ԱԿԲԱ Ասեթ Մենեջմենթ» ընկերությունը: Սա Newmag-ի «Ամունդի-ԱԿԲԱ Ասեթ Մենեջմենթ» ընկերության երկրորդ գործակցությունն է: Մինչև այս, «Ամունդի-ԱԿԲԱ Ասեթ Մենեջմենթ»-ի աջակցությամբ հրատարակվել է Շառլ Ազնավուրի «Մեղմ շշուկով» գիրքը։
«Վերջին դուռը» գրքում Ազնավուրը պատմում է, թե ինչպես է քվեարկել ընտրություններում, արձագանքել իր մահվան մասին կեղծ լուրերին, ծանոթացել իր «կեղծ» ազգականների հետ, առաջին անգամ նստել նախագահական օդանավ ու աշխատել դեսպանի պաշտոնում։ Եվ վերջապես, հենց այս գրքում ևս մեկ, վերջին անգամ պատասխանում է հարցին. «Դուք Ձեզ ավելի շատ ֆրանսիացի՞ եք զգում, թե՞ հայ»։
![Վերջին դուռը](https://newmag.am/public/assets/images/books/182a66e81e5ee0339e8388988fd57d7f.jpg)
Շառլ Ազնավուր
4800 ֏
Նկարագրություն
Այս գրքում մեծ շանսոնիեն խոսում է ամենապոպուլյար հարցերի մասին։ Ինչու է ժամանակակից արվեստն այդքան կանխատեսելի, հեռուստատեսությունը՝ մակերեսային, շոու բիզնեսը՝ գռեհիկ։ Ինչպես վերաբերվել ձեզ առնչվող հրապարակումներին, որոնք հայտնվում են դեղին մամուլում և ֆեյք լուրերի հոսքում։ Եվ երբ ու որ տարիքում վերջ տալ վատ սովորություններին։ Արվեստ, ամերիկյան մշակույթի պատճենում և քաղաքականություն։ Ազնավուրը պատմում է, թե ինչպես է քվեարկել ընտրություններում, արձագանքել իր մահվան մասին կեղծ լուրերին, ծանոթացել իր կեղծ ազգականների հետ, առաջին անգամ նստել նախագահական օդանավ ու աշխատել դեսպանի պաշտոնում։ Եվ վերջապես հենց այս գրքում առաջին ու վերջին անգամ պատասխանում է հարցին. «Դուք Ձեզ ավելի շատ ֆրանսիացի՞ եք զգում, թե՞ հայ»։
Կարդա նաև
![ԱԲ դարաշրջանն արդեն սկսվել է. Յուվալ Նոյ Հարարին՝ նոր գրքի մասին](https://newmag.am/public/front/assets/images/placeholder.jpg)
ԱԲ դարաշրջանն արդեն սկսվել է. Յուվալ Նոյ Հարարին՝ նոր գրքի մասին
![ՀԱՄԱՇԽԱՐՀԱՅԻՆ ՇՆՈՐՀԱՆԴԵՍ / Յուվալ Նոյ Հարարիի նոր գիրքը հայերեն հրատարակվում է բնօրինակի հետ նույն օրը](https://newmag.am/public/front/assets/images/placeholder.jpg)
ՀԱՄԱՇԽԱՐՀԱՅԻՆ ՇՆՈՐՀԱՆԴԵՍ / Յուվալ Նոյ Հարարիի նոր գիրքը հայերեն հրատարակվում է բնօրինակի հետ նույն օրը
![«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)](https://newmag.am/public/front/assets/images/placeholder.jpg)
«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)
![Որ մասնագիտություններն են նորաձև AI դարաշրջանում (տեսանյութ)](https://newmag.am/public/front/assets/images/placeholder.jpg)
Որ մասնագիտություններն են նորաձև AI դարաշրջանում (տեսանյութ)
![Վեպ՝ զարմանալի, անկանխատեսելի կյանքի, ընտանիքի ու ընկերների մասին (տեսանյութ)](https://newmag.am/public/front/assets/images/placeholder.jpg)