«Բազկամարդը» գրքի հեղինակները՝ «Ներս արի» հաղորդման հյուր

Ըստ ռազմական լրագրող, գրքի հեղինակ Դավիթ Դավթյանի, աշխարհում մի քանի մարդ կա ընդամենը, որ նման ծանր վնասվածքներից հետո ոչ միայն անցել է իր բնականոն կյանքին, այլև պրոֆեսիոնալ սպորտով է զբաղվել և գրանցել լուրջ հաջողություններ միջազգային ասպարեզում: Այդ մարդկանց մասին լեգենդներ են հյուսվում, ֆիլմեր նկարահանվում, իսկ Սարգիս Ստեփանյանի սխրանքների ու յուրօրինակ կենսափորձի մասին քչերն են տեղյակ։ Ու հենց սա էր պատճառը, որ Newmag-ի նախաձեռնությամբ «Բազկամարդը» գրի առան Դավիթն ու Սարգիսը. «Գրքի գաղափարի հեղինակը Newmag հրատարակչության տնօրեն Արտակ Ալեքսանյանն է: Գիրքը գրվել է դադարներով, ամենամեծ դադարը ապրիլյան 44-օրյա պատերազմի օրերին էր»:

 

Սարգիս Ստեփանյանը նշում է, որ եթե ցանկանում ես մեկին համոզել, որ այս կամ այն քայլը կատարի, առավել ևս ծանր վնասվածքից հետո անցնի իր սովորական կյանքին, պետք է սեփական օրինակով դա ցույց տաս. «Այդ պատճառով էլ շատ կարճ ժամանակահատվածում ոտքի կանգնեցի ու որոշեցի, որ պետք է զբաղվեմ նաև սպորտով»:

44-օրյա պատերազմից հետո Սարգիս Ստեփանյանը հիմնեց նաև վերականգնողական կենտրոն, որտեղ օգնություն է ցուցաբերում ծանր վիրավորում ստացած զինվորներին: Դավիթ Դավթյանը «Ներս արի» հաղորդման ընթացքում ընդգծեց, որ Սարգիսն անձամբ է այցելում այդ զինծառայողներին և սեփական օրինակով ցույց տալիս, որ փորձությունները փ դատավճիռ չեն. «Ես անձամբ գիտեմ դեպքեր, երբ Սարգիսն անկողնային վիճակից ոչ միայն մարդկանց վերադարձրել է իրենց բնականոն կյանք, այլև նրանք հիմա մասնակցում են սպորտային տարատեսակ մրցույթների»:

  

Սարգիս Ստեփանյանի պատմությունը, անցած հերոսական ուղին կարող եք կարդալ Newmag-ի «Բազկամարդը» գրքում: