Becoming գիրքը ոչ թե առաջին տիկնոջ, այլ հասարակ կնոջ ու կանացի պարզ երջանկության մասին է
Ուժեղ կանանց մասին պատմող գրքերը մեծ կամքի տեր, իմաստուն կանանց ճակատագրերի մասին են, որոնցից կարելի է անվերջ սովորել: Դրանք սովորեցնում են նայել առաջ ու հավատալ երազանքին: Այսպիսին է նաև ԱՄՆ նախկին առաջին տիկին Միշել Օբամայի գիրքը: Այն Սպիտակ տանն ապրելու ու Բարաք Օբամայի մասին հուշագրություններ չեն. դրանք հուշագրություններ են ինքնաբավ կնոջ մասին, որն ինքնուրույն կառուցել է իր կյանքը, հաղթահարել բազմաթիվ փորձություններ՝ կյանքում ինչ-որ բան ունենալու համար:
Սա պատմություն է իր մանկության մասին, որն անցել է աղքատության մեջ ու մեծ դժվարություններով, ինչպես ֆիզիկական, այնպես էլ հոգեկան:
Նրանք երկու սենյականոց բնակարան էին վարձակալել ու այնտեղ ապրում էի չորսով: Միշելն իր սենյակը կիսում էր եղբոր հետ: Եվ այդ ընթացքում էլ աֆրոամերիկացիների հանդեպ վերաբերմունքը, մեղմ ասած, վատ էր:
Կարծրատիպեր կոտրելու թեման Միշելին կհետևի ամբողջ կյանքի ընթացքում: Դեռ մանկուց նա չէր հարմարվում այն մտքի հետ, որ պետք է բոլորին նման լինի: Երևի հենց դա էլ ձևավորել է նրա բնավորությունը, որը Միշելին պատրաստում էր կյանքի բոլոր ծանր ու դժվար փորձություններին: Երբ Միշելին ասացին, որ իր տեղը Փրինսթոնում չէ, նա բոլորին ապացուցեց, որ իր տեղն այնտեղ է, որտեղ ինքը կորոշի: Հետագայում, դառնալով առաջին տիկին ու բազմաթիվ հանդիպումներ ունենալով ուսանողների հետ, նա բոլորին հավատացնում էր, որ իրենց առջև բաց են բոլոր դռներն ու ոչ ոք իրավունք չունի որևէ մեկի փոխարեն որոշումներ կայացնել, հավատալ կամ չհավատալ երազանքին:
Միշելը մի անգամ հազիվ է զսպել արցունքները, երբ նրան ասել են, որ նա խոսում է սպիտակամորթի նման:
Միշելն իրեն երբեք չի պատկերացրել տնային տնտեսուհու դերում: Նրա համար կարևոր էր կայանալ որպես անհատականություն: Գիրքը ոչ թե առաջին տիկնոջ, այլ հասարակ կնոջ ու կանացի պարզ երջանկության մասին է: Գիրքն իմաստուն է, ինչպես հերոսուհին:
Տարածել
Միշել Օբամա
3400 ֏
Նկարագրություն
Երբ Միշել Ռոբինսոնը փոքր աղջիկ էր, նրա աշխարհը սահմանափակվում էր Չիկագոյի Սաութ Սայդ թաղամասով: Այդտեղ նա ապրում էր երկհարկանի շենքի մի փոքրիկ բնակարանում՝ ննջասենյակը կիսելով եղբոր՝ Քրեյգի հետ: Շուտով կյանքը նրան տարավ շատ ավելի հեռու՝ Փրինսթոնի համալսարան, որտեղ առաջին անգամ սեփական մաշկի վրա զգաց, թե ինչ է նշանակում լինել լսարանում միակ սևամորթ կինը։ Հետո հայտնվեց ապակեպատ մի աշտարակում, որտեղ աշխատում էր որպես կորպորատիվ իրավաբան: Ու հենց այնտեղ ամռան մի առավոտ նրա աշխատասենյակում հայտնվեց իրավաբանական ֆակուլտետի ուսանող Բարաք Օբաման ու գլխիվայր շուռ տվեց խնամքով մշակած նրա բոլոր ծրագրերը: Գրքում Միշել Օբաման առաջին անգամ խոսում է իր ամուսնության վաղ շրջանի մասին, երբ ձգտում էր և՛ աշխատել, և՛ ընտանիքի հոգսերը հոգալ, և՛ նպաստել ամուսնու քաղաքական վերելքին: Նա անկեղծորեն պատմում է ընտանեկան վեճերի մասին, թե իր ամուսինը պե՞տք է առաջադրվի նախագահի թեկնածու, և թե ինչպես ինքը դարձավ քարոզարշավի ամենաճանաչված ու հաճախ քննադատված դեմքը, հետո էլ՝ ԱՄՆ առաջին տիկինը։ «Իմ պատմությունը» գիրքը պատմում է Այովա նահանգի համեստ բնակավայրերի ու Բուքինգհեմյան պալատի շքեղ սրահների մասին, պարուրում սրտամորմոք վշտով, սովորեցնում դիմակայել դժվարություններին: Իր կյանքի պատմությունը համարձակորեն շարադրելով՝ նա մարտահրավեր է նետում բոլորիս, որպեսզի մտածենք ու հասկանանք՝ ով ենք մենք և ինչի ենք ուզում հասնել:
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)