Newmag-ը ուղիղ եթերում ներկայացրեց «Becoming. Իմ պատմությունը» գիրքը
Յուրօրինակ կնոջ գրքի շնորհանդեսը՝ ոչ սովորական ձևով: Newmag-ն ուղիղ եթերում ներկայացրեց ԱՄՆ նախկիին առաջին տիկին Միշել Օբամայի «Becoming. իմ պատմությունը» համաշխարհային բեսթսելլերը: Գիրքի թարգամանության վրա աշխատել է մի ամբողջ 4-հոգանոց թիմ: Ամերիկյան համալսարանի մագիստրատուրայի ուսանողներ են:
Newmag-ում գիտեին, որ 4 հոգով մեկ գիրք թարգմանելու դեպքում կարող էր նկատվել ոճային առանձնահատկություն: Այդ պատճառով թարգմանչական խմբի ղեկավար նշանակվեց Newmag-ի գրքերի թարգմանիչ Լիանա Զաքարյանը:
Միշել Օբամայի գիրքը Մոխրոտիկի պատմությունը չէ: Սա ինքնակենսագրական գիրք է, որտեղ Օբաման առաջին անգամ խոսում է իր ամուսնության վաղ շրջանի մասին, երբ ձգտում էր և՛ աշխատել, և՛ ընտանիքի հոգսերը հոգալ, և՛ նպաստել ամուսնու քաղաքական վերելքին:
Newmag-ի նոր գրքի հրատարակությանն աջակցել է Digitain Armenia ընկերությունը: Տեխնոլոգիական ընկերության համար կարևոր է համաշխարհային գրքերի հրատարակությանն աջակցելը:
[gallery]
Միշել Օբամայի գիրքը ամերիկյան գրախանութներում հայտնվեց 2018-ի նոյեմբերին: Առաջին շաբաթում գիրքը վաճառվեց ավելի քան 1.4 մլն օրինակով։ Հիմա ամբողջ աշխարհում վաճառվել է գրքի 11 մլն օրինակ։ Գրքի հայերեն հրատարակության շնորհանդեսին հայտարարվեց. գիրքը հնարավոր է ձեռք բերել առաքմամբ, բացի գրքից, ներկայացվեց նաև նոր դիզայնով ու ավելի հարմարավետ հրատարակչության նոր կայքը: Հասցեն անփոփոխ` newmag.am:
Տարածել
Միշել Օբամա
3400 ֏
Նկարագրություն
Երբ Միշել Ռոբինսոնը փոքր աղջիկ էր, նրա աշխարհը սահմանափակվում էր Չիկագոյի Սաութ Սայդ թաղամասով: Այդտեղ նա ապրում էր երկհարկանի շենքի մի փոքրիկ բնակարանում՝ ննջասենյակը կիսելով եղբոր՝ Քրեյգի հետ: Շուտով կյանքը նրան տարավ շատ ավելի հեռու՝ Փրինսթոնի համալսարան, որտեղ առաջին անգամ սեփական մաշկի վրա զգաց, թե ինչ է նշանակում լինել լսարանում միակ սևամորթ կինը։ Հետո հայտնվեց ապակեպատ մի աշտարակում, որտեղ աշխատում էր որպես կորպորատիվ իրավաբան: Ու հենց այնտեղ ամռան մի առավոտ նրա աշխատասենյակում հայտնվեց իրավաբանական ֆակուլտետի ուսանող Բարաք Օբաման ու գլխիվայր շուռ տվեց խնամքով մշակած նրա բոլոր ծրագրերը: Գրքում Միշել Օբաման առաջին անգամ խոսում է իր ամուսնության վաղ շրջանի մասին, երբ ձգտում էր և՛ աշխատել, և՛ ընտանիքի հոգսերը հոգալ, և՛ նպաստել ամուսնու քաղաքական վերելքին: Նա անկեղծորեն պատմում է ընտանեկան վեճերի մասին, թե իր ամուսինը պե՞տք է առաջադրվի նախագահի թեկնածու, և թե ինչպես ինքը դարձավ քարոզարշավի ամենաճանաչված ու հաճախ քննադատված դեմքը, հետո էլ՝ ԱՄՆ առաջին տիկինը։ «Իմ պատմությունը» գիրքը պատմում է Այովա նահանգի համեստ բնակավայրերի ու Բուքինգհեմյան պալատի շքեղ սրահների մասին, պարուրում սրտամորմոք վշտով, սովորեցնում դիմակայել դժվարություններին: Իր կյանքի պատմությունը համարձակորեն շարադրելով՝ նա մարտահրավեր է նետում բոլորիս, որպեսզի մտածենք ու հասկանանք՝ ով ենք մենք և ինչի ենք ուզում հասնել:
Կարդա նաև
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)