JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027
Գլխավոր Լուրեր

Newmag-ը հայերեն է հրատարակել Մորգան Հաուզելի հեղա

Newmag-ը հայերեն է հրատարակել Մորգան Հաուզելի հեղափոխական գիրքը՝ «Փողի հոգեբանությունը» (թրեյլեր)

05/27/2025

newmag-y-n

Ֆինանսական աշխարհում առկա է մի պարադոքս, որը շատերի համար անբացատրելի է՝ ինչու՞ են բարձրագույն կրթություն ստացած,, ֆինանսապես պատրաստված մարդիկ երբեմն ամբողջովին ձախողում իրենց գումարները կառավարելիս, մինչդեռ շատ սովորական աշխատողներ հասնում են ֆինանսական անկախության: Այս հարցին պատասխանում է ամերիկացի գրող և ներդրող Մորգան Հաուզելը իր միջազգային բեսթսելլեր «Փողի հոգեբանությունը» գրքում:

40-ամյա Մորգան Հաուզելը ֆինանսական գրողների նոր սերնդի ամենապայծառ ներկայացուցիչներից է: Նա The Collaborative Fund-ի գործընկերն է, սյունակագիր է եղել The Motley Fool և The Wall Street Journal պարբերականներում: Հաուզելը երկու անգամ արժանացել է Ամերիկյան բիզնես խմբագիրների և գրողների միության «Լավագույն բիզնես հոդված» մրցանակին, ստացել The New York Times-ի «Սիդնի» մրցանակը՝ սոցիալական, մշակութային կամ քաղաքական թեմաներով լավագույն հրապարակախոսական էսսեների համար:

Նրա հեղինակած «Փողի հոգեբանությունը» գիրքը դարձել է ֆինանսական գրականության աշխարհում իսկական երևույթ՝ վաճառվելով ավելի քան 10 միլիոն օրինակ ամբողջ աշխարհում և թարգմանվելով տասնյակ լեզուներով: Այս գիրքը պարտադիր ընթերցանություն է բոլոր նրանց համար, ովքեր ցանկանում են իրենց գումարները դարձնել ավելի արդյունավետ և հասկանալ փողի իրական բնույթը՝ հեռու մաթեմատիկական բանաձևերից ու բարդ տեսություններից: 

Հեղինակը բացահայտում է մի կարևոր ճշմարտություն՝ ֆինանսական հաջողությունը սոսկ գիտելիքի արդյունք չէ: Այն ավելի խորքային է և կապված է մարդու վարքագծի, որոշումների, բնավորության ու ընտանեկան պատմության հետ: Հաուզելը հստակ ցույց է տալիս, որ փող ունենալը բնավ կապ չունի ձեր արտակարգ ունակությունների հետ, բայց հարստությունն ուղղակիորեն կապ ունի փողի հանդեպ ձեր վերաբերմունքի հետ:

 

Աշխատությունում հեղինակը բացատրում է, թե ինչու են որոշ մարդիկ, ունենալով բարձրագույն կրթություն և ֆինանսական գիտելիքներ, ձախողվում իրենց գումարները կառավարելիս: Պատճառը հաճախ թաքնված է նրանց մոտեցման և հոգեբանական վերաբերմունքի մեջ: Հաուզելը նաև վերլուծում է, թե ինչքանով են ֆինանսական հաջողությունները կախված երջանիկ պատահականությունից՝ նկատի ունենալով, թե ով եք, որտեղ և երբ եք ծնվել: 

Գիրքը լի է գործնական խորհուրդներով, ինչպես խուսափել ֆինանսական թակարդներից և ինչպես կայացնել կայուն ու խելամիտ որոշումներ՝ բյուջեից կամ մասնագիտական փորձից անկախ: Գրքի ամենակարևոր ուղերձներից մեկը այն է, որ երջանկությունը եղածով բավարարվելու կարողությունն է՝ առանց ավելորդ ակնկալիքների: 

Գրքի գլխավոր գործընկերը Apricot Capital ներդրումային ընկերությունն է։ Շնորհանդեսը տեղի կունենա մայիսի 28-ին, 14:00, Կոնգրես հյուրանոցում։ Շնորհանդեսին կհաջորդի պանելային քննարկում, որին ներկա կլինեն գրքի թարգմանիչ Անուշ Սեդրակյանը, Ներքին Աուդիտորների Ինստիտուտ-Հայաստանի նախագահ Արա Չալաբյանը, Եվրո-Ասիական Կապիտալի Շուկաների Միության (FEAS) գլխավոր քարտուղարի տեղակալ Արմենուհի Հովակիմյանը, Apricot Capital-ի Գործադիր տնօրեն Վաչիկ Գևորգյանը, կվարի Դավիթ Մեջլումյանը։ «Փողի հոգեբանությունը» միայն այդ օրը կվաճառվի հատուկ զեղչով։

Տարածել

Փողի հոգեբանությունը
Փողի հոգեբանությունը

Մորգան Հաուզել

6800 ֏

Նկարագրություն

Ինչո՞ւ են ֆինանսապես կրթված մարդիկ երբեմն աղքատանում, իսկ շարքային աշխատողները՝ միլիոնատերեր դառնում։ Ինչպե՞ս է հնարավոր լինել բարձրագույն կրթությամբ ներդրող, բայց, փողի հետ գործ ունենալիս, անհաջողակ։ Ֆինանսական հաջողությունը սոսկ գիտելիքի արդյունք չէ։ Այն ավելի խորքային է և կապված է մարդու վարքագծի, որոշումների, բնավորության ու ընտանեկան պատմության հետ։ Մորգան Հաուզելը ներկայացնում է փողի վերաբերյալ մեր վարքի լավագույն ուղեցույցը։   «Փողի հոգեբանությունը» գիրքը կօգնի ավելի լավ հասկանալ, թե ինչպես պետք է մտածել փողի մասին, ինչպես խուսափել ֆինանսական թակարդներից և ինչպես կայացնել կայուն ու խելամիտ որոշումներ՝ բյուջեից կամ մասնագիտական փորձից անկախ։