90-ականների անհետացող ստվերները. Գրավաճառներ
90- ականները այդ սերնդի հուշերում տպավորված է որպես ամենահակասական, դժվար ու նույնիսկ որոշ իմաստով էկզոտիկ ժամանակաշրջան: Էներգետիկ ճգնաժամի ժամանակ կար հոսանքի և ջեռուցման երեք աղբյուր` վառարան, ավոտմեքենայի մարտկոց և «լևի հոսանք»:
Միանգամից փակված գործարանները մարդկանց ստիպեցին ապրելու համար վաճառել սեփական իրերը: Փողոցների ամեն անկյունում կարող էիր գտնել ամեն ինչ: Դրանց առյուծի բաժինն ընկնում էր գրքերին, հատկապես խորհրդային «կանաչ հանրագիտարաններին»: Ու այդ ժամանակներից սկսած երևանյան փողոցներում ու գետնանցումներում իրենց հաստատուն տեղը գրավեցին գրավաճառները:
Գրախանութները քիչ էին և թանկ: Գետնանցումներում հնարավոր էր գտնել ուզածդ գիրքը ուզածդ գնով: Նույնիսկ կարող էիր սակարկել: Գրավաճառները ինչ որ իմաստով քաղաքի և այդ հասարկության այցետոմսն են:
Այնտեղ էր, որ «շաուրմայանոցի» կողքին միշտ կանգնած էր թավ մորքուվ գրավաճառը՝ փափուկ Նոյը բերանին: Դեմքի անբարեհունչ արտահայտությամբ, համբերատար կարող էր պատմել ցանկացած գրքի բովանդակության մասին` հարևանությամբ հնչող ռաբիզ երաժշտության ֆոնին:
Գրախանութներից օգտվելու մշակույթը վերադարձավ վերջին մի քանի տարում: Գետնանցումներն էլ մաքրվեցին: Հիմա գիրք գնելու համար ուղեցույցդ «փափուկ Նոյ» ծխող ու ջղային դեմքով մարդը չէ: Ինքդ էլ կարող ես ժամերով կանգնել գրախանութում և կարդալ գրքի ուղիղ կեսը, եթե հետաքրքրեց, կգնես: Խորհուրդ էլ կարող ես հարցնել ժպտերես ու սիրունիկ վաճառողուհուց, որը համբերատար կպատասխանի քո բոլոր, նույնիսկ ամենատափակ հարցերին: Իսկ գետնանցումները մաքրվեցին: Քաղաքի համնուհոտն էլ հետը:
Տարածել
Կարդա նաև
Newmag-ը հրատարակել է Ռուբեն Վարդանյանի մասին գիրքը՝ «Ռուբենը» (թրեյլեր)
FrancoFest2024-ին Հայաստան են ժամանելու Գոնկուր ակադեմիայի պատվիրակները
Newmag-ը հրատարակել է «Նոր սերնդի թոշակառուները» գիրքը հայերեն և անգլերեն (թրեյլեր)
Գրականություն, նորաձևություն, մշակույթ /Պանելային 3 քննարկում՝ Ֆրանկոֆեստին