5 պոպուլիստական միտք․ Ի՞նչ է ասել Բորիս Ջոնսոնը մուսուլմանների և միայնակ մայրերի մասին
Մեծ Բրիտանիայի վարչապետի պոպուլիստական կերպարն ամբողջացնում են նրա հակասական հայտարարությունները։ Նա թիրախավորում է բոլորին՝ փախստականներ, կանայք և նույնիսկ միայնակ մայրերի երեխաներ։ Ներկայացնում ենք հինգ պոպուլիստական միտք Բորիս Ջոնսոնից։
Մուսուլմանների մասին – Շատ ծիծաղելի է, երբ կանայք որոշում են փոստարկղի նմանվել և գլխաշոր են կրում։ Այդ կանայք բանկ կողոպտողի տեսքով են մտնում համալսարան։ Կարծում եմ, որ դասախոսն իրավունք ունի տեսնել այն մարդու դեմքը, ում դասավանդում է։
Եվրամիության մասին – Եվրամիությունը փորձում է Եվրոպական երկրների անկախության հաշվին ստեղծել մեկ ընդհանուր պետություն։ Այդ կառույցը կրկնում է այն, ինչ արդեն 2000 տարի ոչ մեկի մոտ չի ստացվում։ Նապոլեոնը, Հիտլերը և այլ մարդիկ ևս փորձել են, բայց ողբերգական ավարտ են ունեցել։
Կանանց և կրթության մասին – Մալազիայից մեծ թվով իգական սեռի ներկայացուցիչներ կրթությունը մեզ մոտ են շարունակելու։ Նրանք դա ստիպված են անում, որովհետև պետք է տղամարդ գտնեն՝ ամուսնանալու համար։
Փախստականների մասին – Վերջին մի քանի տասնամյակներին մեծ թվով մարդիկ են եկել մեր երկիր և մտածել են, թե սա իրենց հայրենիքն է։ Նման բան չկա։ Փախստականներին պետք է պարտադրել, որ անգլերեն սովորեն։ Նրանք պետք է իրենց անգլիացի զգան։
Միայնակ մայրերի և նրանց երեխաների մասին – Միայնակ մայրերը դաստիարակում են ագրեսիվ, անիրազեկ, վտանգավոր երեխաների։
Տարածել
Յան-Վերներ Մյուլլեր
4800 ֏
Նկարագրություն
Դոնալդ Թրամփ (ԱՄՆ), Մարիե Լը Պեն (Ֆրանսիա), Ալեքսիս Ցիպրաս (Հունաստան), Վիկտոր Օրբան (Հունգարիա), Բեպպե Գրիլլո (Իտալիա), Ռեջեփ Թայիբ Էրդողան (Թուրքիա). պոպուլիստ քաղաքական գործիչներն այսօր եկել են կամ գալիս են իշխանության։ Իսկ ի՞նչ է իրականում պոպուլիզմը, և ովքե՞ր են պոպուլիստները։ Պոպուլիզմը մարդկանց մոտեցնո՞ւմ է իշխանությանը, թե՞ իրականում վտանգում է ժողովրդավարությունը։ Ովքե՞ր են այն «քաղաքացիները» կամ «ժողովուրդը», որի անունից խոսում են պոպուլիստ քաղաքական գործիչները։ Այս հարցերը երբեք այսքան ակտուալ չեն եղել։ Ֆունդամենտալ այս աշխատությունում Յան-Վերներ Մյուլլերը պնդում է՝ պոպուլիզմի առանցքում բազմակարծությունը մերժելն է։ Պոպուլիստները միշտ պնդում են, թե իրենք և միայն իրենք են ներկայացնում ժողովրդին և նրա շահը։ Ըստ Մյուլլերի՝ իշխանությունը վերցնելու դեպքում պոպուլիստները կփորձեն ստեղծել ավտորիտար երկիր՝ բացառելով բոլոր նրանց, ովքեր «ժողովրդի» կողմից չեն։ Գիրքը նաև ներկայացնում է հստակ ռազմավարություն, թե ինչպես պետք է պայքարել պոպուլիստների դեմ և ինչ հակափաստարկներ օգտագործել, երբ նրանք խոսում են «ժողովրդի» կամ «լուռ մեծամասնության» անունից։ Վերլուծական, հասկանալի և պրովոկատիվ այս գիրքը ներկայացնում է պոպուլիզմի պատմական ակունքներն ու օրինակներ բերում Լատինական Ամերիկայից, Եվրոպայից և ԱՄՆ-ից: Գրքում տրվում են պոպուլիզմի հիմնական բնութագրիչները, բացատրվում է պոպուլիստների ընտրական հաջողությունների գաղտնիքը:
Կարդա նաև
ԱԲ դարաշրջանն արդեն սկսվել է. Յուվալ Նոյ Հարարին՝ նոր գրքի մասին
ՀԱՄԱՇԽԱՐՀԱՅԻՆ ՇՆՈՐՀԱՆԴԵՍ / Յուվալ Նոյ Հարարիի նոր գիրքը հայերեն հրատարակվում է բնօրինակի հետ նույն օրը
«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)
Որ մասնագիտություններն են նորաձև AI դարաշրջանում (տեսանյութ)