Խնդիրներ բռնցքամարտի ֆեդերացիայում. մարզիչները դժգոհ են գլխավոր մարզչից

Բռնցքամարտի ֆեդերացիայի համաժողովի առանցքում միանգամից երկու կարեւոր թեմա կար. ֆեդերացիայի ֆինանսական գործունեությունն ու գլխավոր մարզչի հարցը:
Նախագահի ընտրությունը մեկ ամսով հետաձգվեց: Նախագահի այլ թեկնածու չկա, իսկ գործող նախագահ Արթուր Գեւորգյանը հայտարարեց մեկ ամսով իր պաշտոնավարումը դադարեցնելու մասին:

«Ով ունի այդ գումարները, ով ունի գումարներից բացի համապատասխան ծրագիր, թող գա գլխավորի ֆեդերացիան: Ասում են՝ 300 հազար դոլարն ինչ գումար է… այսօր Հայաստանում դա մեծ գումար է: Եթե կան մարդիկ, ովքեր ունեն այդ գումարը, թող ներդնեն հայկական բռնցքամարտում»

«Այո, Թորոսյանի բնավորությունը լավը չէ: Նրա հետ շփվելը բարդ է: Ինտելեկտով անձնավորություն է, իսկ այդպսի մարդկանց հետ միշտ բարդ է: Ռռինգում եւ մարզադահլիճում Աստված է: Նրան կողմ է ազգային հավաքականի 30 մարզիկներից 27-ը: Ես նրան հավաքականի մարզիչ չեմ նշանակել իր արտաքինի կամ ժպիտի համար: Նա արդյունք է ապահովում: Դա նշանակում է՝ մենք ունենք հրաշալի մասնագետ»

Հետևեք newmag-ին  Telegram-ում և  Instagram-ում։