Բրազիլիան սգում է պատմության, մշակույթի ու գիտության համար անվերադարձ կորուստը
Ի վերջո 80 հրշեջները մոտենում են 19-րդ դարի կառույցին, բայց կրակն արդեն պատել էր ամրոցի ամբողջ տարածքը: Ավելի քան 20 միլիոն անգին նմուշ մոխրի վերածվեց բոլորի աչքի առաջ: 3 ժամ անց կրակի հիմնական օջախները մարել էին, բայց պատշգամբներից կրակը բոցկլտում էր ամբողջ գիշեր:
19-րդ դարի կառույցը նորոգման կարիք ուներ: Ճակատագրի հեգնանքով բոլորովին վերջերս Թանգարանի 200-ամյակի առիթով Զարգացման Բանկը կես միլիոն դոլար էր հատկացրել հակահրդեհային համակարգերի համար: Գումարը պետք է փոխանցեին հոկտենբերին:
Անդառնալի կորուստ. Բրազիլիայում թանգարանն այրվել է, ոչնչացվել են 200 տարվա աշխատանքները
Կառույցը բրազիլացիների հպարտությունն ու զբոսաշրջիկների այցելության պարտադիր վայրն էր: Բրազիլիայի թագավորական ընտանիքի նախկին նստավայրը 19-րդ դարի կառույց էր, այստեղ էր պահվում 1784 –ին հայտնաբերված Բենդեգո մետեորիտը, այն կշռում էր ավելի քան 5 տոննա , այստեղ էր նաև 11 հազար տարեկան Լուչան` մարդկային մնացորդների հնագույն գտածոն, Մաքսակալիսաուրուս դինոզավրի հնագույն կմախքը, որը մաս առ մաս ամբողջությամբ վերականգնվել էր, Պոմպեի ավերակներից գրեթե անվնաս մնացած հռոմեական հնագույն ֆրեսկան ու էլի հազարավոր անգին նմուշներ:
Առավոտյան մոտ 10 հազար բրազիլացի գրոհել է թանգարանի շրջափակված տարածքը, պահանջում են պատմել ամբողջ ճշմարտությունը, գտնել ու պատժել մեղավորներին: Նրանք վստահ են, պատշաճ ուշադրության ու հետևողականության դեպքում ողբերգությունից հնարավոր կլիներ խուսափել:
Հետևեք newmag-ին Telegram-ում և Instagram-ում։
Տարածել
Կարդա նաև
«Բարի լույսի» տաղավարում հյուրընկալել են «Մթության մեջ տեսնող տղան» վեպի հեղինակին՝ Ռասա Բուգավիչուտե–Պեցեին (տեսանյութ)
Մայիսը սկսվում է գրքով․ Կիրակի տեղի կունենա «Երազի գիրք» 5-րդ մանկական փառատոնը (տեսանյութ)
Newmag-ն ու Yeraz Projects-ը Երազ մատենաշարով ներկայացնում են «Ավելի հանդարտ, ավելի հեշտ և ավելի երջանիկ ծնողավարում» գիրքը (թրեյլեր)
5-րդ անգամ Newmag-ն ու Yeraz Projects-ը ներկայացնում են «Երազի գիրք» մանկական փառատոնը (անոնս)