Ողբերգական արձակուրդ. Կեմերովոյում մահացել են նույն դասարանի բոլոր աշակերտները
Զոհվել են մեծ թվով երեխաներ, որոնց կիրակի՝ գարնանային արձակուրդի առիթով, ուսուցիչները տարել էին մուլտ նայելու: Տուժել է 44 մարդ, որից 11-ը մնում են հիվանդանոցներում: Տուժածների թվում հայեր չկան:
Հրդեհը բռնկվել էր Կեմերովոյի առևտրի կենտրոնի 4-րդ հարկում, որտեղ տեղակայված էին կինոթատրոններն ու մանկական խաղահրապարակները: Կիրակի կեսօրից հետո այստեղ մեծ թվով այցելուներ էին, ծնողներ՝ երեխաների հետ: Բռնկումից հետո ամբողջ չորրորդ հարկը ծխով է լցվել:
Բռնկումից հետո ամբողջ չորրորդ հարկը ծխով է լցվել:
Սկսվում է իսկական մղձավանջ ու հրմշտոց: Մեծ թվով երեխաներ արգելափակվում են կինոթատրոնում, դուրս գալ չեն կարողանում, քանի որ մուտքերը փակվում են, հրդեհի ազդանշանը չի աշխատում: Երեխաները զանգահարում են ծնողներին: Խուճապը տարածվում է ամբողջ քաղաքում:
Դեպքի վայր են ժամանում հրշեջներ ու փրկարարներ, սկսում են տարհանել` ում կարողանում են: 11-տարեկան մի երեխա ու մի երիտասարդ դուրս են նետվում չորրորդ հարկից: Նրանք ողջ են մնացել, բայց գտնվում են ծայրահեղ ծանր վիճակում:
[embed]https://www.youtube.com/watch?v=n7p901-J-S0[/embed]
Ռուսաստանի նախագահի հրամանով Կեմերովո է մեկնում արտակարգ իրավիճակների նախարարը: Հրդեհի շիջումը տևում է 12 ժամ, որից հետո փլվում է առևտրի կենտրոնի կտուրը և բռնկվում է ևս մեկ հրդեհ: Այդ ընթացքում աճում է զոհերի թիվը: Փրկարարական աշխատանքների սկզբում տեղեկություն է հայտնվում, որ անհետ կորել է 61 մարդ, 5-ին ողջ են հայտնաբերում: Քաոսի ավարտին պարզվում է՝ կա 64 զոհ, նրանց մեջ` մի ամբողջ դասարան:
Քաոսի ավարտին պարզվում է՝ կա 64 զոհ, նրանց մեջ` մի ամբողջ դասարան:
11 մարդ հիվանդանոցում է, ողջ մնացածներից ոմանք կորցրել են ընտանիքի բոլոր անդամներին: Սարսափելի ողբերգության կապակցությամբ Վլադիմիր Պուտինին ցավակցական հեռագիր է հղել Հայաստանի նախագահը: Կեմերովոյում հայտարարվել է 3-օրյա սուգ:
Հետևեք newmag-ին Telegram-ում և Instagram-ում։
Տարածել
Կարդա նաև
Լայնեզր գլխարկով, գոթական ոճով բարոնուհին ու էքսցենտրիկ գրող Ամելի Նոտոմբը (տեսանյութ)
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)