Քաղաքական բոյկոտ. Հայ սպառողները գնալով հրաժարվում են գնել «Coca-Cola»

«Ընդմիշտ Կոկա-Կոլա» գովազդային կոչը կարծես կորցնում է իր արդիականությունը` համենայն դեպս հայկական իրականության մեջ: Կոլայից հրաժարումը` գնալով ավելի ու ավելի է դառնում իրատեսական հայկական սպառողի համար: Որոշ հայ գործարարներ, անգամ, դադարել են իրենց պատկանող սննդի օբյեկտներում վաճառել ընկերության արտադրած ըմպելիքները: Պատճառը, սակայն, ամենևին էլ «Կոկա Կոլայի» արտադրանքի որակի կամ նման խնդրի մեջ չէ, այլ ընկերության գլխավոր տնօրեն Մուհթար Քենտի հակահայկական քարոզարշավին ակտիվ ներգրավվումը, հատկապես` Հայոց Ցեղասպանության հարյուրամյա տարելիցի նախօրեին: