Էմիլիա Քլարք. «Ես խնդրում էի բժիշկներին՝ թույլ տալ ինձ մեռնել»
Բրիտանացի դերասանուհի Էմիլիա Քլարքը The New Yorker-ին պատմել է, որ «Գահերի խաղը» ֆիլմի նկարահանման ժամանակ ուղեղի կաթված է ստացել և երեք անգամ վիրահատվել: Նա երբեք վատառողջ չի եղել: Ճիշտ է՝ արյան ցածր ճնշման հետևանքով հաճախ գլխապտույտներ է ունեցել, սակայն դերասանուհին այդ ամենը կապել է նաև գերհոգնածության ու սթրեսի հետ:
2011-ի փետրվարի 11-ը ճակատագրական էր: «Գահերի խաղը» ֆիլմ առաջին սեզոնի նկարահանման ավարտին Էմիլիա Քլարքն ուժեղ գլխացավ ու սրտխառնոց ունեցավ: Նրան շտապ հիվանդանոց տեղափոխեցին: Հետազոտությունները ցույց տվեցին, որ դերասանուհին գլխուղեղում արյան զեղում ունի: Նման ախտորոշմամբ հիվանդների 1/3-ը մահանում է անմիջապես, մյուսներին հնարավոր է լինում փրկել միայն շտապ վիրահատությամբ:
Քլարքին վիրահատել են Լոնդոնում: 3 ժամ տևած վիրահատությունն անցել է առանց բարդությունների, 4 օր անցկացրել է վերակենդանացման բաժանմունքում: Թվում է, թե ամեն ինչ բարեհաջող է ընթանում, սակայն 2 շաբաթ անց պարզվում է, որ Էմիլիա դժվարությամբ է խոսում, իսկ դա դերասանուհու համար նշանակում էր կարիերայի ավարտ:
«Ես խնդրում էի բժիշկների թույլ տալ ինձ մեռնել: Ես հասկանում էի, որ ամեն ինչ վերջացած է, ես երբեք էլ չեմ կարող նորմալ խոսել»:
Քլարքը հիվանդանոցում անցկացրել է մեկ ամիս: Այդ ընթացքում բժիշկներին հաջողվում է վերականգնել նրա խոսելու կարողությունը:
Կարդացեք նաև.
15 ֆիլմ սեփական ուժերին հավատալու համար
8 ֆիլմ և սերիալ նրանց համար, ովքեր ուզում են անգլերեն սովորել
7 լավագույն ֆիլմերը բանկերի կողոպուտի մասին
Հիվանդանոցից դուրս գրվելուց հետո բժիշկները Էմիլիային թույլ են տալիս վերադառնալ նկարահանման հարթակ: Սակայն գլխացավերից ու գլխապտույտներից վերջնականապես ազատվել նրան չի հաջողվում:
Դերասանուհին հիշում է, թե ինչ դժվարությամբ է նկարահանվել «Գահերի խաղը» ֆիլմի երկրորդ սեզոնում.
«Ամեն վարկյան ինձ թվում էր, թե կուշաթափվեմ: Մեծ ջանք էր հարկավոր կենտրոնանալու համար, յուրաքանչյուր դրվագի նկարահանումն ինձանից մեծ էներգիա էր խլում, ես շատ թույլ էի ինձ զգում ու մտածում էի՝ չեմ դիմանա, կմեռնեմ»:
Դերասանուհին գտնվել է բժիշկների մշտական հսկողության տակ, անընդհատ հետազոտություններ անցել, 2013-ին պարզվել է, որ նորից շտապ վիրահատության անհրաժեշտություն է առաջացել: Երկրորդ անգամ նույն դժոխքի միջով անցնելը դերասանուհուց քաջություն ու մեծ ջանքեր է պահանջվել: Այս անգամ նրան վիրահատել են Նյու Յորքում: Երկրորդ վիրահատությանը հաջորդել է երրորդը: Ամեն ինչ գաղտնի է պահվել: Քլարքը նկարահանող խմբին խնդրել է լրագրողներին ոչինչ չասել իր վիրահատությունների մասին, նա վստահ էր, որ չի ապրի:
Կարծես թե գործընկերներն ու բժիշկները պահել էին խոստումը, միայն մի անգամ National Enquirer-ի լրագրողը հարցրել է ենթադրյալ վիրահատությունների մասին ու ստացել բացասական պատասխան:
«Գահերի խաղը» ֆիլմի վեջին սեզոնի ավարտին Էմիլիա Քլարքը կարողացավ է իր մեջ ուժ գտնել ու պատմել կատարվածի մասին: Հիմա Քլարքը բարեգործական ծրագրի ղեկավար է, նա օգնում է բոլոր նրանց, ովքեր իր նման ուղեղի կաթված են ստացել:
meduza
Հետևեք newmag-ին Telegram–ում և Instagram–ում
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)