«Երկու ռոք աստղ, երկու աղջիկ՝ չհաշված Արարատը» արդեն 2 լեզվով. Newmag-ը գիրքը հրատարակել է ռուսերեն (թրեյլեր)

«Две рок-звезды, две девочки и Арарат»  գիրքը պատմում է 88-ի երկրաշարժի ու դրանից հետո  տեղի ունեցած իրադարձությունների մասին: Համաշխարհային ռոք աստղերը ձայնագրեցին «Smoke on the Water» սինգլն ու դրա հասույթն ամբողջությամբ ուղղեցին Սպիտակի երկրաշարժից տուժածներին: Նրանից երկուսը՝  Դիփ Փարփլի վոկալիստ Իեն Գիլանն ու Բլեք Սաբաթի կիթառահար Թոմի Այոմին դարձան Հայաստանի բարեկամը:

Այս գիրքը Հայաստանի ու ռոք աշխարհի, մեծ ընկերության ու երազանքը կյանքի կոչելու մասին Է, մի երազանքի խրոնոլոգիա:Արա Թադեւոսյանն անկեղծորեն ու մանրամասն նկարագրում է նորանկախ Հայաստանի թերևս ամենաաստղային նախաձեռնության ետնաբեմը, որը կարող է հետաքրքրել ոչ միայն ռոքի սիրահարներին, այլեւ բոլոր նրանց, ովքեր ունեն անիրագործելի թվացող երազանքներ, դրանց հասնելու աննահանջ կամք ու անսպառ եռանդ:

Հայաստանում տեղի ունեցած համերգն անմոռանալի էր Դիփ Փարփլի երկրպագուների համար:  Նրանք եկան խորհրդային Հայաստան, որտեղ ռոքը արգելված էր: Ռոքի լեգենդներն այցելեցին նաև 2009-ին ու գնացին  Գյումրի, որտեղ և Գիլանը  որոշեց վերակառուցել Գյումրիի 6-րդ երաժշտական դպրոցը:Գիրք-վավերագրությունը Գիլանն ընթերցել է անգլերեն ու իր տպավորությունները թողել թղթին. «Այս գիրքը հետաքրքիր ճանապարհորդություն է, որն անցնում է երաժշտության, պատմության, կրքի եւ քաղաքականության միջով: Նկարագրվում են այն վայրիվերումներն ու դժվարությունները, որոնցով անցել է հեղինակը՝ հաղթահարելով բյուրոկրատական քաշքշուկները: Միայն դրանից հետո ենք հասկանում թթի օղու արժեքը, չէ՞»:

Գիրքն անկախ Հայաստանի 30 տարվա պատմության կարեւոր իրադարձությունների վավերագրությունն է: «Երկու ռոք աստղ, երկու աղջիկ՝ չհաշված Արարատի»  հայերեն և ռուսերեն հրատարակությունների գլխավոր գործընկերը IDBank-ն է։