2026-ի առաջին մեծ նախագիծը / ԵՄ EUPL ծրագրի հետ գործակցությամբ Newmag-ը կհրատարակի Եվրոպական նոր վեպեր

Newmag հրատարակչությունը հերթական կարևոր քայլն է անում հայ ընթերցողների շրջանակում եվրոպական գրականության տարածման. ուղղությամբ։ Հրատարակչությունը դիմել է Եվրոպական Միությանգրական մրցանակի (European Union Prize for Literature – EUPL) կոնսորցիումի կողմից հայտարարված ծրագրին և ստացել ֆինանսավորում՝ EUPL հեղինակների ստեղծագործությունների հրատարակման և ռազմավարական առաջխաղացման համար։

Ծրագրի նպատակն է համաչափ ֆինանսական աջակցություն տրամադրել հրատարակչություններին՝ Եվրոպական Միության գրական մրցանակի առաջադրված հեղինակների տեսանելիությունը մեծացնելու և նրանց ստեղծագործությունները նոր լեզվական ու մշակութային միջավայրերում հասանելի դարձնելու համար։

Ծրագրի շրջանակում Newmag-ը 2026 թվականին կթարգմանի և կհրատարակի երեք գիրք՝ երեք տարբեր երկրների EUPL հեղինակներից․

• Ֆիլիպ Մարչևսկի (Բելգիա) — Quand Cécile

• Բեկա Ադամաշվիլի (Վրաստան) — Everybody Dies in This Novel

• Լուցիե Ֆաուլերովա (Չեխիա) — Smrtholka

Այս ընտրությունը միավորում է ժամանակակից եվրոպական գրականության տարբեր ձայներ, թեմաներ և ոճեր։ Newmag-ի համար այս ֆինանսավորումը միջազգային վստահության հերթական հաստատումն է։ Այն ամբողջ ապեսհամահունչ է հրատարակչության ռազմավարությանը՝հայկական ընթերցողին ներկայացնել արդի եվրոպական գրականության կարևորագույն գործերը, խթանել մշակութային երկխոսությունը և ընդլայնել թարգմանական գրականության սահմանները Հայաստանում։