7 պատճառ, որ ֆեմինիզմն ավելի շահեկան է տղամարդկանց համար

Ֆեմինիզմ երևույթը սխալ ենք հասկանում: Թվում է` այն տղամարդկային ամուր բնավորությամբ օժտված կանանց մասին է, ովքեր պայքարում են իրենց իրավունքների համար: Ֆեմինիզմի այսպիսի մեկնաբանությունը վախեցնում է բոլորին:
Տղամարդիկ կարծում են, որ իրենց հետ պիտի մրցակցեն, պայքարեն, և նրանք էլ չեն կարողանա բավարարել սեփական էգոն:Կանայք վախենում են, որ բոլոր հանձնարարությունները իրենց գլխին կլցվեն միանգամից: Մյուս կողմից` կանայք ուզում են ունենալ հավասար իրավունքներ, ինքնադրսևորվելու հնարավորություն, սեփական ֆինանսական միջոցներ: Հաճախ նաև այն պատճառով, որ տղամարդկանց չի կարելի վստահել:
Քանի դեռ կանայք կատաղի պայքար են մղում իրենց իրավունքների համար, տղամարդիկ զայրացած պաշտպանվում են՝ «Ես եմ գլխավորը», «Ես պետք է որոշեմ»:  2 ծայրահեղությունների պայքար է:  Ծայրահեղություններին ուշադրություն դարձնելով`ք անիմաստ վատնում եք Ձեր էներգիան, այն հանգեցնում է անհամաձայնության ու հիասթափության:
Միշտ պետք է ձգտել հավասարակշռության: Կանայք պետք է ավելի խելամիտ լինեն և անընդհատ չշեշտեն տղամարդու թուլությունը կամ բացթողումները և հնարավորություն տան տղամարդուն դրսևորվելու որպես ուժեղ սեռ: Տղամարդիկ ավելի համբերատար ու ըմբռնող պետք է լինեն և գիտակցեն, որ պետք է հրաժարվել կարծրատիպերից:
Ֆեմինիզմի շնորհիվ են կանայք ձեռք բերել  ընտրելու իրավունք, կրթություն ստանալու ու աշխատելու իրավունք, բայց կան երևույթներ, որոնց համար դեռ պետք է պայքարել: Բացի այդ կանանց իրավունքների համար ընթացող պայքարը օգտակար է նաև տղամարդկանց:
Պարզենք, թե ինչու է ֆիմինիզմը տղամարդկանց համար նույնքան կարևոր, որքան կանաց համար:

Դուք 55 տարեկանում չեք մահանա սրտի կաթվածից, աշխատանքի վայրում

Տղամարդկանց կյանքի տևողությունն ավելի կարճ է, քան՝կանանցը: Ամենատարածվածը տղամարդկանց շրջանում սրտանոթային հիվանդություններն են: Իսկ ի՞նչ կապ ունի ֆեմինիզմը: Շատ անմիջական:
Երեխաներին դեռ վաղ տարիքից ասվում է, որ աշխատելն աղջկա գործը չէ, իսկ տղան պետք է ամբողջ ընտանիքը պահի, առավոտից երեկո աշխատի, այլ ընտրանք չունի:
Շարունակությունն ավելի վատ է: Աղջիկները կարող են մաթեմատիկա,  ֆիզիկա չսովորել: Նրանց բավարար է կեսդրույքով մի խանութում աշխատել, նրանք դեռ պետք է երեխաներ ունենան: Աղջիկները չպետք է բարդ ոլորտներ ուսումնասիրեն: Նրանք ախր «չեն կարող»: Կանանց չի կարելի ղեկավար լինել, ղեկավարը տղամարդ պետք է լինի:
Արդյունքում` տղամարդիկ ստիպված են լինում ավելի շատ աշխատել՝և իրենց և կանանց փոխարեն: Բացի այդ, տղամարդիկ մշտական լարվածության մեջ են ապրում, որպեսզի համապատասխանեն տղամարդկային պահվածքի «ոսկե ստանդարտին», իսկ այդ անհանգստությունը մեծացնում է ինֆարկտի հավանականությունը:
Կանանց մոտ իրոք ստացվում է և նրանք բավական թեթևացնում են տղամարդկանց հոգսը: Դադարեք ձեզ և շրջապատին ներկայացնել, որ կանայք ընդունակություններ չունեն և ժամանակն է, որ ինքներդ էլ ընդունեք, որ ձեր հոգսը նրանք թեթևացնում են:
Հնարավորություն տվեք նրանց էլ աշխատել ու ապրեք երկար:

Նա չի վնասի ձեր մեքենան

Առաջին հերթին, որովհետև նա իրենը կունենա: Եթե կանանց նույն աշխատանքի համար վճարեն այնքան, որքան տղամարդկանց, նրանք իրենց համար կգնեն մեքենա և չեն վնասի ձերը:

Դուք կունենաք սեքս կամ հարաբերություն

Դուք կունենաք սեքս, որովհետև կհանդիպեք հետաքրքիր կնոջ և փոխադարձ դուր կգաք իրար: Կանանց տվեք իրենց կյանքը տնօրինելու իրավունք և կտեսնեք, ինչպես կին-տղամարդ հարաբերությունները ինքնաբերաբար կհարթվեն:

Ամուսնանալ պարտադիր չէ

Ֆեմինիզմը պայքարում է, որ կինն ինքնուրույն դառնա ֆինանսապես անկախ, լինի սոցիումի ակտիվ անդամ:Կինը սկսում է գումար ստանալ իր աշխատանքից այլ ոչ թե ամուսնուց: Կամ էլ երիտասարդ աղջկան անընդհատ չեն հարցնում` երբ է ամուսնանալու:
Տղամարդկանց համար սա նշանակում է, որ նրանք կյանքի ուղեկից կարող են ընտրել հանգիստ տեմպի մեջ , որովհետև կանայք այս դեպքում դադարեցնում են տղամարդկանց «որսը»:

Դուք ավելի շատ ընկերներ կունենաք

Եթե կանայք չդիտարկվեն միայն որպես սեքսուալ օբյեկտներ, նրանց հետ կարելի նաև ընկերություն անել: Ուղղակի ընկերություն: Քննարկել միասին կյանքի ինչ որ իրադարձություններ, կիսվել անհանգստություններով, հարցնել խորհուրդներ այն ոլորտների վերաբերյալ, որտեղ կանայք հմուտ են: Միասին ֆուտբոլ գնալ, բարում նստել, պարտք վերցնել:Կնոջ և տղամարդու միջև ընկերություն լինում է և դա հրաշալի է:

Դուք կարող եք աշխատել ինչ ուզում եք

Դուք կարող եք աշխատել անգամ ռուսերենի ուսուցիչ կամ բուժեղբայր: Ոչ ոք չի ասի, որ դա կանանց մասնագիտություն է, որում տղամարդն անելիք չունի: Ֆեմինիզմն առաջարկում է հավասար իրավունքներ և պարտականություններ առանց սեռային խտրականության:Աշխատեք ինչ ուզում եք, ոչ մի խնդիր:

Պարտադիր չէ, որ լինեք զիլ տղա 

Ինչպես հայտնի է տղամարդը պետք է լինի կոպիտ, անմշակ, բայց միաժամանակ պետք է լինի հարուստ ղեկավար, թե չէ էլ ինչ տղամարդ: Նման մոտեցումներն ու կարծրատիպերը ամրանում են մանկությունից: Անհամապատասխանությունն այսպիսի «իդեալներին» հանգեցնում է լավագույն դեպքում մականունների առաջացման:
Գենդերային կարծրատիպերը, որոնք երազում են քանդել ֆեմինիստները, վնասում են ինչպես կանանց, այնպես էլ տղամարդկանց:
Անհրաժե՞շտ է ասել, որ վազելով ուրիշի ստանդարտների հետքերով, տղամարդիկ ձեռք են բերում նևրոզ և մի շարք կոմպլեքսներ, որոնց մասին ոչ ոքի հետ չեն կարող խոսել:Չէ որ տղամարդը միշտ պետք է առողջ լինի և իր խնդիրներն ինքնուրույն կարողանա լուծել:
Ժամանակակից աշխարհը բազմաժանր է, քան ավանդականը: Հին դերերն այլևս դոգմա չեն: Օգտակար է ապրել այս փոփոխվող աշխարհում: Ժամանակն է աշխարհն ավելի լավը դարձնելու և կանաց և տղամարդկանց համար: