Մայքլ Ֆելփս. 50 հաղթանակ

57 ոսկի, 11 արծաթ, 3 բրոնզ: Եկավ այլ բաներով զբաղվելու ժամանակը: Չեմպիոնը կարիք ուներ հանգիստ ապրելակերպի, ուզում էր չշտապել, ժամացույցին չնայել, չպլանավորել ու չպայմանավորվել: Առաջին հերթին հարկավոր էր ազատվել բանակային ռեժիմին հատուկ ամենօրյա մարզումներից:
50-րդ ոսկին նրան ստիպեց վերհիշել անցած ուղու ամենահաջողված կամ չստացված նախաձեռնությունները: Վերաիմաստավորեց, ամփոփեց ու վճռեց հեռանալ 2012-ի օլիմպիական խաղերից հետո: Բոլոր ժամանակների ամենաարդյունավետ օլիմպիականն արդեն 27 տարեկանում ավարտեց իր երբեմն անվերջանալի թվացող ճանապարհը:
12 տարվա կարիերայի ընթացքում Մայքլ Ֆելփսը հասցրեց մասնակցել 4 օլիմպիադայի, սահմանեց համաշխարհային 39 ռեկորդ: Երբ Միացյալ Նահանգների օլիմպիական հավաքականում մարզական ցուցանիշների հարաբերական անկում էր նկատվում, բոլորը հանգիստ էին. չէ՞ որ Ֆելփսը մի քանի ոսկի էլ կավելացնի ամերիկյան հաշվեկշռին: