[Արդեն դիտել ենք] Ֆրանսիական ընտանեկան կոմեդիա. «Ի՞նչ ենք արել Տեր Աստծուն» կամ իմ չաղ հարսանիքը ֆրանսիական ձևով

Վեռնոյ ընտանիքը ֆրանսիական միջին խավի օրինակելի նմուշ է. մայրը հավատացյալ կաթոլիկ է, հայրը՝ Կլոդը, (Քրիսթիան Քլավյե) հարգված նոտար։ Իդեալական ընտանիքի բնականոն կյանքը խանգարում են միայն գեղեցկուհի աղջիկների ամուսինները. մեկն ամուսնանում է հրեայի հետ, երկրորդը` արաբի, երրորդը՝ չինացու։
Յուրաքանչյուր հարսանիքից հետո Կլոդի առողջական և հոգեկան վիճակը վատթարանում է, իսկ կաթոլիկ կինը մխիթարանքի փնտրտուքներում այցելում է բժիշկներին և քահանաներին։ Ամուսինների վերջին հույսը՝ չորրորդ և դեռևս չամուսնացած դուստրը՝ Լորը կարող է ուրախացնել հուսահատված ծնողներին և ընտրել իր համար կաթոլիկ, ֆրանսիացի ամուսնու։ Սական ծնողների դեռ չգիտեն, որ նրա ընտրյալը՝ կատակերգու Շառլը, սևամորթ է։
Ռեժիսոր Ֆիլիպ դե Շովրոնը բազում հղումներ է արել Ժերար Ուրիրի «Ռաբբի Յակոբի արկածների» վրա՝ խաղարկելով ռասիստական հումորը։ Իրականում, Հոլիվուդի «թեթև» ձեռքի շնորհիվ յուրաքանչյուր «հարսանիք» բառ պարունակող կատակերգության վերնագիր արդեն իսկ առաջացնում է դե ժավյուի զգացողություն և ծամծմած ժապավենի համ։ Մինչդեռ դիտելով ֆիլմը` բնօրինակ ֆրանսերեն, և դիտելով այն երևանյան մեծ էկրանին, հայաստանյան հանդիսատեսը ոչ միայն կզգա հարազատության տարրեր, այլ նաև կկիսի Կլոդի դժբախտությունների պատճառները։

• Գոդարի ու Տրյուֆոյի հետնորդը` Քսավյե Դոլան. ֆրանսիական նոր կինոյի նոր աստղը


• 
  

  Երևանում սկսվում է ֆրանսիական կինոտոնը. Ի՞նչ ֆիլմ դիտել Ֆրանկոֆոնիայի կինոշաբաթվա ընթացքում

  
  


• Լևոն Մինասյան. Լինելով ֆրանսիական կինոյի մարդ`ես ստեղծում եմ հայկական ֆիլմեր