Winterfest / Read The Best. Փետրվարի առաջին շաբաթ օրն այցելեք Գրքի և արվեստի փառատոն (տեսանյութ)

Newmag-ը գրքի ու արվեստի ձմեռային փառատոնը կազմակերպում է արդեն 5-րդ տարին, և արդեն 3-րդ տարին է, ինչ Ձմեռային փառատոնն իրականացնում է «Թովմասյան» հիմնադրամի հետ ու Dvin Music Hall-ում: 

Winterfest2026-ի գլխավոր հովանավորներն են Արդշինբանկը, Freedom Broker Armenia ընկերությունը և Սինեմա սթարը, հովանավորներն են նաև Կոկա կոլան, «Լուսարև» գինիներն ու Karl Max ընկերությունը:

Newmag հրատարակչության գրական ծրագրերի ղեկավար Անի Հակոբյանը հաղորդմանն ասաց, որ այս փառատոնը ոչ միայն ձմեռային սեզոնի, այլև ամբողջ տարվա ընթացքում թե՛ Newmag-ի, թե՛ հայաստանյան ընդհանուր գրական կյանքում ամենամասշտաբային ու ամենասպասված փառատոնն է. 

«Մի ամբողջ օր տասնյակ հազարավոր մարդիկ այցելում են գրքերի շնորհանդեսներին ու փառատոնի ընթացքում տեղի ունեցող մյուս մշակութային միջոցառումներին: Ականատես ենք լինում գրքի հերթերի, ինչը շատերի համար դարձել է արդեն սովորական: Եվ հենց գրքասերների հերթերն են մեզ ոգևորում, որ մենք ամեն տարի շարունակենքէլ ավելի մոտիվացված ու պատասխանատու վերաբերվել մեր ընթերցողներին ու պարգևելհրաշալի տոն»:

«Թովմասյան» հիմնադրամի ներկայացուցիչ Ադրիանա Թովմասյանի խոսքով, հիմնադրամն անում է ամեն ինչ՝ աջակցելու ընթերցասեր երիտասարդներին. «Գործակցությունը սկսվել է 3 տարի առաջ, երկու կողմերի համար էլ առաջարկը շատ գրավիչ ու մոտիվացնող էր, որ կարող ենք միասին ձևավորել գեղեցիկ գրական տոն ու դարձնել սպասելի. սա պատիվ ու պատասխանատվություն է»:

Փառատոնին տեղի կունենա տարվա գլխավոր սպորտային գիրք-իրադարձությունը, որին սպասել են բոլորը: 2025-ին Իտալիայում լույս տեսած Հենրիխ Մխիթարյանի՝ «Իմ կյանքը՝ միշտ կենտրոնում» գիրքը հայերենով ներկայացվելու է սիրված ֆուտբոլիստի երկրպագուներին ու հայ ընթերցասերներին: 

Newmag հրատարակչության մուլտիմեդիա բովանդակության պատասխանատու Մանու Իրիցյանը նշեց, որ ձմեռային փառատոնը նվիրված է բացառապես հայ հեղինակներին. 

«Սեզոնային փոքրիկ, խորամանկ բաժանումներ ենք արել, հատուկ պլանավորում չկար, որ հենց ձմեռը պետք է լիներ, ստացվեց ժամանակի ընացքում»: Իրիցյանը տեղեկացրեց, որ բացի Հենրիխ Մխիթարյանի ինքնակենսագրականից, լինելու են Մարիաննա Հակոբյանի՝ «Անունները չփոխե՛լ» լրագրողական հետաքննությունը, Գոռ Կարապետյանի՝ «Linkedin 101» գործնական ուղեցույցը և Դավիթ Գեորգյանի՝ իրական փաստերի վրա հիմնված վեպը՝ «Իմպեդանսը»:

«Թովմասյան հիմնադրամն ու Newmag-ն ամեն տարի գրական մրցույթ են հայտարարում, և այս տարվա մրցույթի հաղթողը Դավիթ Գեորգյանն է, մասնագիտությամբ ռազմական բժիշկ: Շատ հետաքրքիր պատմություն է՝ խորհրդային միության գաղտնի որոշումների, միջուկային զենքի, սիրո ու ընտանիքի մասին»,-մանրամասնեց Մանու Իրիցյանը, հավելելով, ունենալով շատ ընթերցողներ, այդ օրվա գրքերը կլինեն շատ մեծ տպաքանակով:

Freedom Broker Armenia-ն Newmag-ի հետ գործակցում է արդեն մի քանի տարի։ Այն առաջինն է միացել հրատարակչոթյան սոցիալական գրքատվության նախաձեռնությանը: Newmag-ի հետ հրատարակում է նաև «Ֆինանսիստ» ամսագիրը, որը միտված է բարձրացնել ընթերցողի ֆինանսական գրագիտությունը։ Freedom Broker Armenia ընկերության մասնավոր ներդրումների բաժնի ղեկավար Արման Խաչատրյանը կարևորում է Newmag-ի հետ գործակցությունը.

«Սկսվել է 2024-ից, մարզային գրքատվության շրջանակում: Իրականում հենց սկզբից էլ նախատեսել ենք երկարատև գործակցություն՝ իրագործելու ռազմավարական համատեղ ծրագրեր»: Քանի որ ընկերությունը որդեգրել է կրթությունը՝ որպես կարևորագույն ուղղություն, փորձում ենք Հայաստանում հնարավորինս բարձրացնել  ֆինանսական մակարդակը։

Փառատոնին լինելու է ընկերության տաղավարը. «Փորձելու ենք ավելի պարզ բացատրել, թե ինչ է ներդրումը, ինչպես կատարել ներդրումներ, ինչ գործիքներ օգտագործել. Գործնական օրինակներով ցույց ենք տալու, թե ինչպես կարող ենք դա սկսել»,-ասաց Արման Խաչատրյանը:

Newmag Winterfest 2026-ին է միացել նաև Coca Cola-ն: Ընկերության ՀԲՔ Հայաստան պորտֆոլիոյի զարգացման առաջնորդ Տաթևիկ Էլոյանը «Բարի լույսի» տաղավարում պատմեց փառատոնին միանալու նշանակության մասին, և թե ինչու են դարձել նախաձեռնության մասնակիցը.

«Իրականում Newmag-ի գրքի ձմեռային փառատոնը մեզ համար, մեր բրենդի սիրահարների ու իրական սպառողների համար շատ կարևոր իրադարձություն է: Սա մի հարթակ է, որտեղ կարևորվում են իրական արժեքները, ընթերցանությունը, գիրքն ու ինքնազարգացումը, իսկ այս արժեքները Coca Cola-ի համար միշտ եղել ու շարունակում են մնալ առանքցքային» : 

Տաթևիկը հայտնեց, որ փառատոնին Coca Cola-ն ունենալու է գեղեցիկ, խաղային ու ինտերակտիվ տաղավար, որտեղ համադրվելու ենք գիրքը, ֆուտբոլը և սառը ըմպելիքը:

Փառատոնի ընթացքում տեղի է ունենալու նաև «Ծիլ տուր հայերեն–2025» ամենամյա ստեղծագործական մրցույթի պաշտոնական փակումը և մրցանակաբաշխությունը:

Newmag-ի միջազգային գործակցության պատասխանատու Նանե Մանուկյանը ներկայացրեց որոշ մանրամասներ. «Սա պատանիների համար ստեղծագործական մրցույթ է, որի շրջանակում 14-17 տարեկան պատանիները ստեղծագործել են արևելահայերենով, արևմտահայերենով, հայերենի տարբեր բարբառներով, ինչպես նաև օտար լեզուներով, և ներկայացրել են հայրենիքի արժեքների մասին իրենց պատկերացումները»: 

Իսկ թե ի՞նչ կապ ունի հրատարակչությունն այդ մրցանակաբաշխության հետ, բանախոսը նշեց, որ բացի նրանից, որ Newmag-ը ևս այդ արժեքների կրողն է, Ամրոցի հետ գործակցությունն ամրապնդել է դեռ նախորդ տարի, հիմնադրամը հովանավորել է արցախցի հեղինակների գրքերը:

Բացի 4 գրքերի շնորհանդեսներից, կլինեն մշակութային այլ միջոցառումներ: Winterfest 2026-ը կսկսվի թառի հնչյուններով, հանդես կգա «Միքայել Ոսկանյան Եռյակը»: Կկատարի հեղինակային գործեր, Կոմիտաս և Սայաթ-Նովա՝ նոր հնչողությամբ։ Ռիթմի, էներգիայի և զգայական շարժման լեզվով լուսաձայնային և վիզուալ պերֆորմանսով հանդես կգա NISHA Afro House Show-ն: Newmag Winterfest 2026-ն իր տոնական ակորդներով կամփոփի «Հայություն» բենդը:

ԾԱՆՈԹԱՆԱԼ Newmag Winterfest2026-ի ծրագրին

Կարդացեք նաև

• «Հուսով եմ՝ իմ պատմությունը կոգևորի շատերին ու կօգնի շարունակել հավատալ ու երազել». Հենրիխ Մխիթարյանի ողջույնի խոսքը՝ հայ երկրպագուներին (տեսանյութ)
• Winterfest-ին Newmag-ը կներկայացնի Մարիաննա Հակոբյանի «Անունները չփոխե՛լ» գիրքը (թրեյլեր)
• Winterfest-ին տեղի կունենա Դավիթ Գեորգյանի «Իմպեդանս» գիտաֆանտաստիկ էքշն ժանրի գրքի շնորհանդեսը (թրեյլեր)
• Winterfest2026-ին Newmag-ը կներկայացնի Հենրիխ Մխիթարյանի գիրքը՝ «Իմ կյանքը՝ միշտ կենտրոնում» (թրեյլեր)
• Winterfest2026֊ին Newmag-ը կներկայացնի Գոռ կարապետյանի «LinkedIn 101» գիրքը (թրեյլեր)

Newmag Winterfest 2026-ի օրը փետրվարի 7-ն է, 12:00-21:00, Dvin Music Hall-ում, մուտքն ազատ է։

Կարդացեք նաև

• Newmag Winterfest2026 × Cinema Star Armenia / Երբ գիրքն ու կինոն խոսում են նույն լեզվով
• «Ծիլ տուր հայերեն– 2025» մրցույթի փակումը և մրցանակաբաշխությունը՝ Newmag Winterfest-ում
• Freedom Broker Armenia-ն դարձել է Newmag Winterfest 2026-ի գլխավոր հովանավոր
• Գիրք նվիրելու տոնին ընդառաջ Երևանում կանցկացվի Գրքի և արվեստի 5-րդ փառատոնը (անոնս)