Մարտին 27-ին և 28-ին Երևանում կանցկացվի բացառիկ համաժողով՝ ՆՈՐ ՄԻՏՔ X ՆՈՐ ԹԱՐԳՄԱՆՈՒԹՅՈՒՆ / Gulbenkian & Newmag book forum խորագրով (տեսանյութ)
03/21/2025
ՆՈՐ ՄԻՏՔ X ՆՈՐ ԹԱՐԳՄԱՆՈՒԹՅՈՒՆ / Gulbenkian & Newmag book forum-ին տեղի կունենան 5 գրքի շնորհանդես, պանելային քննարկումներ, հատուկ ելույթներ, գրական հանդիպումներ։
Հայաստանում սպասվում է նշանակալի գրական իրադարձություն է։ «Նոր միտք, Նոր թարգմանություն» երկօրյա համաժողովը, որը կազմակերպում են «Գալուստ Կիւլպէնկեան» Հիմնարկութիւնը և Newmag հրատարակչությունը, տեղի կունենա մարտի 27-28-ին:
Առաջին օրը տեղի կունենան խաթարված ներաշխարհի և սթրեսի մասին բացառիկ գրքերի շնորհանդեսներ, պանելային քննարկումներ։
Համաժողովի առաջին օրը կմեկնարկի «Մարմինը ամեն ինչ հիշում է» համաշխարհային բեսթսելլերի շնորհանդեսով: Այս հեղինակային աշխատությունը խորը հայացք է նետում հոգեկան տրավմաների ազդեցությանը և դրանց հետևանքներին:
Վան դեր Կոլկի գիրքը համարվում է հոգեբանական տրավմաների ուսումնասիրության ոլորտում հեղափոխական աշխատություն, որն այժմ հասանելի է նաև հայ ընթերցողին:
Պանելային քննարկում տրավման վերապրելու մասին (մարտի 27, 19։00)
Շնորհանդեսին կհաջորդի պանելային քննարկում՝ նվիրված տրավմաների հաղթահարման թեմային: Քննարկման հիմքում կլինեն երկու նշանավոր գրքեր՝
Ջոան Դիդիոնի «Մոգական մտքերի տարին» – սրտաճմլիկ պատմություն կորստի և սգի մասին, որում հեղինակը նկարագրում է իր ամուսնու մահվան և դստեր հիվանդության շրջանը:
Ջուլիա Սամուելի «Ամեն ընտանիք իր պատմությունն ունի» գիրքը խորաթափանց աշխատություն է, որն ուսումնասիրում է ընտանեկան տրավմաների և դրանց սերնդեսերունդ փոխանցման մեխանիզմները:
Երեկոն կավարտվի «Գալուստ Գյուլբենկյան» հիմնադրամի Հայկական համայնքների բաժնի ղեկավար Ռազմիկ Փանոսյանի հատուկ ելույթով:
Երկրորդ օրվա խորագիրը՝ «Աշխարհն ու մենք»։ Մարտի 28, 18։00 կներկայացնենք Արևելքի ու Արևմուտքի հակամարտության մասին գլխավոր գիրքը՝ Էդվարդ Սաիդի «Արևելաբանություն»-ը, որը կես դար անց առաջին անգամ թարգմանվել է հայերեն:
Այս հեղինակային աշխատությունը համարվում է հետգաղութատիրական ուսումնասիրությունների հիմնաքարային գործ, որը վերլուծում է Արևմուտքի կողմից Արևելքի ընկալման և ներկայացման խնդիրները:
«Կոտրված վահան» գրքի շնորհանդես (մարտի 28, 19։00)
Համաժողովի վերջին միջոցառումը կլինի «Կոտրված վահան» գրքի շնորհանդեսը՝ 44-օրյա պատերազմի մասին առաջին համապարփակ վերլուծությունը: Գրքում հայ և միջազգային փորձագետները ներկայացնում են Արցախի կորստի պատճառները, հետևանքները և դասերը:
Համաժողովին կմասնակցեն՝
- Հյուրեր արտասահմանից
- Հատուկ պատվիրակություն Պորտուգալիայից
- Քաղաքագետներ և միջազգային փորձագետներ
- Թարգմանիչներ և հոգեբաններ
Ծանոթանալ ՆՈՐ ՄԻՏՔ X ՆՈՐ ԹԱՐԳՄԱՆՈՒԹՅՈՒՆ Gulbenkian & Newmag book forum-ի ծրագրին
«Նոր միտք, Նոր թարգմանություն» (Gulbenkian & Newmag book forum) համաժողովը մարտի 27-ին և 28-ին է, Holiday Inn Yerevan հյուրանոցում (Ամիրյան 2): Մուտքն ազատ է:
Տարածել
Բեսել վան դեր Կոլկ
7800 ֏
Նկարագրություն
Տրավման արմատապես փոխում է մարդու ուղեղի կառուցվածքը, խախտում նյարդային համակարգի նուրբ հավասարակշռությունը և մարմնի ֆիզիոլոգիական ռեակցիաները։ Համաշխարհային ճանաչում ունեցող հոգեբույժ Բեսելվան դեր Կոլկն իր բեսթսելլեր աշխատությունում բացատրում է, թե ինչու չեն մոռացվում ցավալի հիշողությունները, ինչպես են դրանք դրսևորվում ֆիզիկական և հուզական խնդիրների տեսքով, և ինչպես կարելի է հաղթահարել դրանց հետևանքները։ Հեղինակն իրական պատմությունների և գիտական հետազոտությունների միջոցով ներկայացնում է նորարար թերապևտիկ մոտեցումներ, որոնք յուրաքանչյուր ընթերցողի կօգնեն վերականգնել հոգեկան ու ֆիզիկական հավասարակշռությունը։
Վիգեն Չըթըրյան
7800 ֏
Նկարագրություն
Այս գիրքը 2020-ի Ղարաբաղյան պատերազմին, նախընթաց դիվանագիտությանը, աշխարհաքաղաքականությանը, արմատացած պատկերացումներին, սպառազինության մրցավազքին ու ռազմական բարեփոխումներին կամ դրանց բացակայությանը, Հայաստանում և Ադրբեջանում հասարակական ու ներքաղաքական զարգացումներին վերաբերող 16 հոդվածների ժողովածու է։ Հայ և օտարերկրացի 17 հեղինակներ քննում են 2020-ի պատերազմում Հայաստանի պարտությունը, դրան նախորդած իրադարձություններն ու զարգացումները։
Այս գրքի հետազոտական աշխատանքներն ու հրատարակությունը ֆինանսավորել է «Գալուստ Կիւլպէնկեան» հիմնարկությունը:
Եդուարդ ՈՒ. Սայիդ
8800 ֏
Նկարագրություն
Այս ընդարձակ, իմացական առումով ազդեցիկ յետազօտութեան մէջ Սայիդ կը ներկայացնէ Արեւելագիտութեան պատմութիւնը: Մերձաւոր ու Միջին Արեւելքի մէջ երկար ժամանակ գերիշխող Արեւմուտքը Արեւելքին կը նայէր գերադաս դիրքերէն: Արեւելքն Արեւմուտքի մէջ կ՚անուանուէր «Orient», այսինքն՝ Արեւմուտքէն «Այլ, Ուրիշ»: Այս տեսանկիւնն Արեւմուտքի մէջ կը շարունակուի արմատացած մնալ, եւ, քանի որ Արեւմուտքը Արեւելքին թոյլ չի տար ինքնաներկայանալ, հետեւաբար նաեւ կ՚արգելակէ Արեւելքը լիարժէք հասկանալու փորձերը:
Այս բեկումնային գիրքը, որ առաջին անգամ հրատարակուած է 1978-ին, կը մնայ ընկերագիտութեան ամենաազդեցիկ ուսումնասիրութիւններէն մէկը, յատկապէս ցեղագիտութեան ու յետգաղութային ուսումնասիրութիւններու ոլորտին մէջ: Սայիդը «Orientalism» հասկացութեան քննադատ էր, զայն կը համարէր Արեւելքի նկատմամբ Արեւմուտքի կեղծ ենթադրութիւններու ամբողջութիւն:
Այս գիրքին ընդմէջէն Սայիդը կը ներկայացնէ «եւրոպակեդրոն նախապաշարումը արաբա-իսլամական ժողովուրդներու ու մշակոյթներու նկատմամբ»: Ան ցոյց կու տայ, որ Ասիայի ու Մերձաւոր Արեւելքի նկատմամբ արեւմտեան մշակոյթին մէջ արմատաւորուած կեղծ ու ռոմանթիք ընկալումը կը ծառայէր իբրեւ Եւրոպայի ու ԱՄՆ-ի գաղութային եւ կայսերական յաւակնութիւններու արդարացում:
Ջուլյա Սամուել
6800 ֏
Նկարագրություն
Ինչո՞ւ են որոշ ընտանիքներ դժբախտությունից հետո առավել ամրապնդվում, իսկ մյուսները՝ կազմաքանդվում: Ինչպե՞ս են ընտանիքներն ապրում վիշտն ու հաղթահարում բարդ շրջափուլերը: Ինչո՞ւ են մեր ընտանիքները մեզ խելագարության հասցնում: Եվ ինչպե՞ս են չնչին փոփոխությունները բարելավում մեր հարաբերությունները:
Հոգեթերապևտ Ջուլյա Սամուելն իր ընտանիքի օրինակով և իր պացիենտ ութ ընտանիքների պատմություններով ուսումնասիրում է սիրո, տրավմայի և կորստի ժառանգական օրինաչափությունները: Սամուելը ներկայացնում է ընտանեկան տրավմաների ազդեցությունն անհատական բարեկեցության, միջանձնային կապերի և սերունդների վրա, հետազոտում է այն հարաբերությունները, որոնք և՛ հուզում են մեզ, և՛ ցավեցնում։ Նա բացահայտում է տատերի և պապերի, եղբայրների ու քույրերի՝ հաճախթերագնահատված ազդեցությունը մեզ վրա: Հեղինակն այս գրքում առաջարկում է ընտանիքում մեր հարաբերությունները բարելավելու գործիքներ, սովորեցնում արդյունավետ հաղորդակցվել, սահմաններ դնել, պայքարել և պատրաստ լինել փոփոխությունների:
Այս գիրքը հուզիչ և հուսադրող ընտանեկան թերապիա է, որը տրավմայի և դժվարությունների ֆոնին պատմում է ներման, հույսի ու սիրո պատմություններ:
Գրքի գլխավոր գործընկեր՝ «Գալուստ Կիւլպէնկեան» Հիմնարկութիւն:
Ջոան Դիդիոն
5800 ֏
Նկարագրություն
Այս գրքում Ջոան Դիդիոնը պատմում է իր կյանքի ամենաբարդ տարվա մասին։ Տարի, երբ հանկարծամահ է լինում նրա ամուսինը՝ գրող Ջոն Գրեգորի Դանը, որի հետ ապրել էր ավելի քան 40 տարի։ Գիրքը հուզիչ հուշագրություն է հեղինակիվշտի մասին, կորուստը հաղթահարելու, պատահածը հասկանալու և նախանշանների մասին, որոք նկատելու դեպքում գուցե կանխեր այն: Հեղինակն ընկղմվում է կորստի ապակողմնորոշիչ և սյուրռեալիստական փորձառության մեջ, մտորում ծեսերի և հիշողությունների մասին, որոնք ձևավորում են կյանքի և մահվան մեր ըմբռնումը: Հուշագրությունը ոչմիայն անձնական ողբերգության պատմություն է, այլ նաև սգո, տոկունության և մարդկային ոգու ամենազորության ուսումնասիրություն:
Կարդա նաև
Տեղի է ունեցել թուրք պատմաբան Թաներ Աքչամի «Ցեղասպան պետության ակունքները» գրքի հեռուստաշնորհանդեսը (տեսանյութ)
Թուրք պատմաբան Թաներ Աքչամի մասնակցությամբ տեղի ունեցավ նոր գրքի շնորհանդեսը (լուսանկարներ)
Տեղի ունեցավ Դեմիր Սյոնմեզի «Վիրավոր արծիվը» գրքի հեռուստաշնորհանդեսը (տեսանյութ)
«Ցեղասպանագիտության շաբաթը» բացվեց հատուկ հրատարակության՝ Վահագն Դադրյանի գրքի շնորհանդեսով (լուսանկարներ)