Ձեռքսեղման 6 կանոն, որը պետք է հիշել
Ձեռքսեղմումը կարևոր է: Երբ սեղմում եք ինչ-որ մեկի ձեռքը, ուղեղում արտադրվում է վստահության հորմոնը` օքստիոցինը: Դուք բացվում եք հաղորդակցման համար, ավելի շատ եք վստահում իրար: Նույնը տեղի է ունենում նրա հետ, ում ձեռքը սեղմում եք: Կարևոր է, ոչ թե պարզապես սեղմել ձեռքը, այլ դա անել ճիշտ: Ձեռքսեղման նրբությունների մասին իր` «Շփման գիտություն» գրքում պատմել է հոգեբան Վանեսա վան Էդվարդսը:
1. Ուղղահայաց ձեռքով
Ձեռքսեղման ժամանակ ձեռքը պետք է պահել ուղղահայաց: Դա թույլ կտա, որ երկու կողմերը լինեն հավասար դիրքերում: Եթե ինչ-որ մեկը այնպես է թեքում ձեր ձեռքը, որ երևում է դաստակը, նա փորձում է դոմինանտ դառնալ: Երբեք մի սկսեք ձեռքսեղմումը այդ դիրքից: Այդպես ցույց կտաք ձեր թուլությունը:
2. Տեսողական կոնտակտ
Տեսողական կոնտակտը սեռքսեղման ուղղակի մաս չի կազմում, բայց մեծ ազդեցություն ունի առաջին տպավորության ձևավորման վրա: Երբ նայում եք դիմացինի աչքերին, ցույց եք տալիս, որ ուզում եք շփվել: Այդպիսի հայացքն ավելի կարևոր է, քան առաջին բառերը: Աչքերի մեջ նայելը, ինչպես ձեռքսեղմումը, առաջացնում է օքսիտոցին հորմոնը: Ենթագիտակցական մակարդակում մարդը նման ձեռքսեղմումը կհամարի բաց, հաճելի, համոզիչ ու հիշվող: Մարդիկ կցանկանան շարունակել շփվել ձեզ հետ: Եթե առաջին հանդիպման ժամանակ չկա տեսողական կոնտակտ, ձեզ կվերաբերվեն կասկածամտորեն:
3. Ուժեղ սեղմում
Ձեռքն ամուր սեղմեք, թույլ ձեռքսեղմումը մարդուն տհաճ է, ձեզ կարող են համարել անվստահելի մարդ: Բայց դա պետք չէ անել շատ ուժեղ: Չափից դուրս ձեռքսեղմումները կարող են վախեցնել ու դիսկոմֆորտ առաջացնել:
4. Երկար ձեռքսեղմում
Իդեալական ձեռքսեղմումը տևում է 3-5 վայրկյան: Չափազանց երկար ձեռքսեղմումն առաջացնում է տարակուսանք ու անհարմարության զգացում: Չափազանց կարճ ու կցկտուր ձեռքսեղմումն էլ տպավորություն կստեղծի, թե հակված չեք շփվել և ուզում եք արագ հեռանալ:
Կարդացեք նաև.
- 5 նշան, որ հոգնել եք կյանքից
- Ի՞նչ անել, եթե գտել եք ինչ-որ մեկի բանկային քարտը
- Էթիկետի 11 կանոններ, որոնք խախտում եք՝ գլխի չընկնելով
5. Թաց կամ քրտնած ձեռք
Թաց ձեռքով սեղմումը հաճելի չէ, բայց ոչ միայն դա: Ձեռքերը քրտնում են, երբ նյարդայնանում եք, իսկ նյարդայնությունը չի օգնի հաստատել լավ տպավորություն: Դիմացինին թաց ձեռքը մի մեկնեք, մի ցույց տվեք ձեր անհանգստությունը:
6. Ձեռքսեղմում, թե գրկախառնություն
Երբ հանդիպում եք հին ծանոթի, դուք կարող եք ոչ միայն նրա ձեռքը սեղմել, այլ նաև գրկել: Եթե խոսքը նոր մարդկանց մասին է, գրկախառնվել պետք չէ, կարող է անհարմար վիճակում դնել դիմացինին: Հետևեք մարմնի լեզվին, երբ ինչ-որ մեկն ուզում է մոտեալ ձեզ: Եթե նրա ձեռքերը փակում են իրանը կամ մի ձեռքը մեկնված է առաջ, գրկախառնվել պետք չէ, միայն ձեռքսեղմում:
Հետևեք newmag-ին Telegram-ում և Instagram-ում։
Տարածել
Կարդա նաև
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)