Ես Զլատանն եմ. 2020-ին newmag-ը կներկայացնի լեգենդար շվեդ ֆուտբոլիստի ինքնակենսագրականը
Զլատան Իբրահիմովիչի առաջին ինքնակենսագրականը լույս է տեսել 2011 թվականին: Հեղինակը շվեդ հայտնի գրող, բազմաթիվ գրական մրցանակների դափնեկիր Դավիթ Լագերկրանցն է:
Դժվար, բայց ուրախ մանկություն
Գիրքը պատմում է Շվեդիայի Մալմյո քաղաքի Ռոզենգորդ շրջանից մի երեխայի մասին, որի գլխավոր նպատակը համաշխարհային ֆուտբոլում հայտնվելն էր: Նա գողանում էր հեծանիվներ, փախչում տանից, երազում ֆուտբոլիստ դառնալու մասին: Նրան դպրոցում չէին սիրում և հաճախ պատանի Զլատանը ստիպված էր փախչել դասերից՝ իր ուրախությունն ու ակտիվ ժամանցը գնդակի մեջ փնտրելու համար: Երբ «Մալմյոյում» նկատեցին նրա տաղանդը, Իբրահիմովիչը երկրորդ պլան մղեց ուսումն ու սկսեց ավելի ակտիվ զբաղվել ֆուտբոլով: Գրքում ֆուտբոլիստը պատմում է այդ տարիների ամենադժվար ընտրության մասին՝ ուսո՞ւմ, թե՞ ֆուտբոլ: Սկանդալներով և մեծ դժվարությամբ նա ավարտեց միջնակարգ դպրոցը, բայց այդ ժամանակ Զլատանի անունն արդեն թնդում էր շվեդական ֆուտբոլում և ուսուցիչները, որոնք նրա դեմքը նույնիսկ տեսնել չէին ուզում, հպարտանում էին նիհար, անճոռնի քթով աշակերտով:
Ընտանիքն ու ֆուտբոլը
Հաճախ նա սոված էր քնում, պաղպաղակ գնելու համար ստացած մետաղադրամներն էլ հավաքում էր նոր խաղակոշիկի համար: Նրա մանկության երազանքը Ֆենոմենո Ռոնալդոյի խաղակոշիկներից ունենալն էր, որոնք թանկ էին, ընտանիքն էլ չէր կարողանում հոգալ երախայի ցանկությունները: Իբրահիմովիչը մեծ ցավով է պատմում իր ընտանեկան կարգավիճակի մասին. ծնողներն անհաշտ էին և ապրում էին առանձին: Սկզբում նրա գլխավոր երկընտրանքն այն էր, թե ծնողներից ո՞ւմ տանն է գիշերելու: Ֆուտբոլիստը հիշում է՝ համաշխարհային փառքին հասնելու ճանապարհն ու ընտանեկան հարաբերությունները բարդ էր, մինչև նրա կյանքում չհայտնվեց Հելենան՝ կինը:
Կարդացեք նաև․
- 10 փաստ՝ ամենասկանդալային բրազիլացու՝ Նեյմարի մասին
- 5 պատճառ, թե ինչու պետք է գնել «Ռոնալդու» գիրքը
- Ի՞նչ է սովորեցնում Մեսսիի գիրքը. այն իրո՞ք այդքան մոտիվացնող է
Նրան չէին սիրում
Իր փառահեղ կարիերայի ճանապարհին Զլատանը ստիպված էր պայքարել ոչ միայն չարախոսների, այլև նույնիսկ թիմակիցների ու մարզիչների հետ: Երիտասարդ ժամանակ նրա հաջողությունները մեծ նախանձ էին առաջացնում հարավսլավական պետությունների մարզիչների ու ֆուտբոլիստների մոտ: Գոռոզ վարքագիծը հաճախ էր սկանդալներ առաջացնում նրա առաջին պրոֆեսիոնալ ակումբում՝ «Մալմյոյում», հետո նաև հոլանդական «Այաքսում»: Նա սիրում էր ճոխ կյանքը, որովհետև լավը չէր ունեցել փոքր տարիքում: Սիրում էր ցուցադրել ու հպարտանալ իր թանկարժեք մեքենաներով, որոնց մասին երազում էր հեծանիվով միայնակ շրջելու ժամանակ: Գրքում Իբարահիմովիչը անդրադառնում է իր համաշխարհային ճանաչման, աստղային հիվանդության, հանրության ուշադրության և այդ ամենի ազդեցությունների մասին:
Ինչո՞ւ է այս գիրքը պարտադիր ընթերցանության սպորտային բեսթսելլեր
Համաշխարհային սպորտում մեծ ճանապարհ անցած կերպարները սովորաբար թողնում են նաև գրական ժառանգություն: Նրանցից շատերը մանրամասնում են կարիերան, պատմում կուլիսային գաղտնիքներ, բայց այս մեկն ավելին է պարունակում: Իբրահիմովիչի ինքնակենսագրականը մյուսներից տարբերվում է իր ուսուցանող բնույթով: Եվրոպական ու համաշխարհային ֆուտբոլը ցնցած հերոսը սովորեցնում է, կրթում սկսնակներին, պատրաստում կարիերայի դժվարություններին, առաջարկում անելանելի իրավիճակներից դուրս գալու ելքեր, տալիս գաղափարներ, մասնագիտական հմտություններ: Սա նաև հիանալի գիրք է սպորտային լրագրողների համար. չէ՞ որ Զլատանի ամենահայտնի մտքները հենց մամուլի առաջ է հնչել, մամուլն է նրան դարձրել սկանդալային, տարբերվող և ավելի հայտնի:
[embed]https://youtu.be/E8vpykZRDDk[/embed]
Հետևեք newmag-ին Instagram-ում և Telegram-ում
Տարածել
Կարդա նաև
Տեղի է ունեցել թուրք պատմաբան Թաներ Աքչամի «Ցեղասպան պետության ակունքները» գրքի հեռուստաշնորհանդեսը (տեսանյութ)
Թուրք պատմաբան Թաներ Աքչամի մասնակցությամբ տեղի ունեցավ նոր գրքի շնորհանդեսը (լուսանկարներ)
Տեղի ունեցավ Դեմիր Սյոնմեզի «Վիրավոր արծիվը» գրքի հեռուստաշնորհանդեսը (տեսանյութ)
«Ցեղասպանագիտության շաբաթը» բացվեց հատուկ հրատարակության՝ Վահագն Դադրյանի գրքի շնորհանդեսով (լուսանկարներ)