5 դրվագ՝ Իգոր Մուրադյանի կյանքից ու հայացքներից

• Մուրադյանը նորանկախ Հայաստանի ամենաժողովրդավար գործիչն էր: Պարույր Հայրիկյանն է նրան այդպես բնորոշում: Պատճառները կան՝ 90-ականների սկզբին, երբ Մուրադյանը Գերագույն Խորհրդի պատգամավոր էր և թեժ քննարկումներ էին ընթանում Հայկական հարցի և Հայաստանի անկախության մասին, շատերը դեմ էին Հայրիկյանի գաղափարներին և սուր քննադատության էին ենթարկում ԱԻՄ ղեկավարին: Մինչդեռ այդ քննարկումներում միայն Իգոր Մուրադյանն էր, որ Հայրիկյանին ելույթի հնարավորություն տալու մասին խոսեց: Մուրադյանն, ըստ քաղաքական գործիչների, նախընտրում էր լսել յուրաքանչյուրին և հետո միայն վերլուծել: 


• Իգոր Մուրադյանը ստեղծեց Ղարաբաղյան կոմիտեն, նախաձեռնեց շարժումը: Իրականում սա մեկ օրվա և մեկ ամսվա գործ չէր: Մուրադյանն այդ ամենի մասին մտածել էր տարիներ առաջ, իրագործել Երևանի ծայրամասերում՝ նկուղներում անցկացրած ժողովների շնորհիվ: Նա այն գործիչներից էր, որը ժամանակից շուտ բարձրաձայնեց հնարավոր վտանգի մասին և կոչ արեց քայլեր ձեռնարկել ՝ Արցախի հարցը լուծելու համար: Մուրադյանն այն քչերից էր, որն Արցախի հիմնախնդիրը դիտարկում էր Հայկական հարցի համատեքստում: 


• Իգոր Մուրադյանը միայն տարածաշրջանային վերլուծաբան չէր: Նա փայլուն տիրապետում էր ամերիկյան դիվանագիտությանը, եվրոպական մտածողությանը, ասիական բանակցություններին: Փորձագետներն ընդգծում են, որ Իգոր Մուրադյանն իր տեսակետն ուներ աշխարհի բոլոր հակամարտությունների, հնարավոր զարգացումների և հավանական լուծումների մասին, պարզապես նախընտրում էր ակտիվ գործել միայն Հայաստանի և Արցախի անվտանգությանը վերաբերող հարցերում: 

• Սկզբից ձախողել են, հետո հաջողել․ ահա 4 նշանավոր մարդու պատմություն


• [Բացառիկ] Ռուբեն Գևորգյանց. Նամակ ընկերոջը (վավերագրողի գրառումները)


• Կատարյալ քաղաքացին ու կատարյալ կառավարիչը. Կյանքի փիլիսոփայությունը՝ չինական իմաստնությամբ

• Ժամանակին ամենամեծ քննադատությունը, որ հնչել է Մուրադյանի հասցեին՝ ռուսերեն խոսելու պատճառով էր: Հետո նրա վերլուծությունները և դիտարկումները հաշվի առնելով համոզվել են, որ այստեղ որևէ միտում չկա, պարզապես Մուրադյանին ավելի լավ էր հաջողվում միտքը ռուսերեն ձևակերպել, քան մայրենի լեզվով: 


• Իգոր Մուրադյանին հուղարկավորեցին ընկերները, մտերիմները: Ներկա չէին բարեկամներ, գուցե չուներ: Իրականացրած շարժման, դավանած հայացքների ու կարևոր նշանակության վերլուծությունների համար Իգոր Մուրադյանին հուղարկավորեցին Եռաբլուրում՝ ազատամարտիկների կողքին:

Հետևեք newmag-ին  Telegram-ում և  Instagram-ում։