Ինդոնեզիայում քվեաթերթիկ հաշվողները շարունակում են մահանալ. արդեն կա 119 զոհ

269 միլիոն բնակչություն ունեցող երկրում որոշեցին նույն օրը անցկացնել նախագահի, խորհրդարանի ստորին, վերին պալատների, տեղական օրենսդիր մարմինների ընտրություններ: Քաղաքացիներն էլ որոշեցին աննախադեպ ակտիվություն ցուցաբերել և ընտրելու իրավունք ունեցող 192 միլիոն քաղաքացիների 82%-ը մասնակցեց ընտրությանը:
Երեկոյան սկսվեց ձայների հաշվարկը, պարզվեց, որ առաջացել է այնպիսի խառնաշփոթ, որ քվեաթերթիկները հաշվել, դասակարգել, հաշվառել անհնար է: Ընտրական հանձնաժողովների աշխատակիցներին էլ շտապեցնում են:
Օր ու գիշեր ընթանում էր ձայների հաշվարկ, հազարավոր պատասխանատուներ աշխատում էին առանց հանգստի, կորցնում էին թվերը, նորից էին հաշվում: Երկու օր անց 500 մարդ հայտնվեց հիվանդանոցում, ոմանք սկսեցին մահանալ:

Երկու օր անց 500 մարդ հայտնվեց հիվանդանոցում, ոմանք սկսեցին մահանալ:

Երեքշաբթի պարզ դարձավ, որ հաշվարկը վերածվում է համազգային ողբերգության: Հաշվողներից 91-ը մահացան, գերհոգնածությունից ուշաթափվում էին նաև ոստիկանները, որոնք հսկում էին ընտրատեղամասերը: Նրանցից 15-ը նույնպես մահացան:
Այսօր պարզ դարձավ, որ մահացածների թիվն աճում է, այս պահին զոհերի թիվն արդեն 119 է: Երկրի նախագահը նրանց անվանել է «ժողովրդավարության մարտիկներ», խոստացել օգնել նրանց ընտանիքներին, որոնք կստանան 2100-ից 2500 դոլար փոխհատուցում: Ձայների հաշվարկը շարունակվում է:

---

Հետևեք   newmag-ին    Telegram–ում և    Instagram–ում

---