iOS 11-ի 8 նոր գործառույթները. այն ամենը, ինչ պետք է իմանալ նոր iOS -ի մասին
Պարզ և հասկանալի կառավարման համակարգ
iOS 11-ում բոլոր ստեղները (լապտեր, Wi-Fi և Bluetooth, տեսախցիկ, էկրանի լուսավորություն) հավաքված են մեկ էկրանի վրա: Դեպի աջ սվայփը տանում է երաժշտական բլոկ, որտեղ բոլոր անհրաժեշտ կարգավորումներն են:
Բացի այդ, կառավարման համակարգը դարձել է «կառավարելի», օգտատերերը կարող են այն ինքնուրույն դասավորել՝ հեռացնելով այն, ինչ քիչ են օգտագործում, փոխարենը ավելացնել՝ ինչ պետք է ունենալ ձեռքի տակ (զարթուցիչ, դիկտոֆոն):
ScreenShot
Սքրինշոթ անելիս (միաժամանակ սեղմում եք միացման ստեղնը և Home կոճակը) էկրանի անկյունում հայտնվում է պատկերը: Սեղմելով վրան, պատկերը կարելի է միանգամից ջնջել կամ խմբագրել ներկառուցված գործքիներով (մատիտ, գրիչ): Հնարավոր է միանգամից պատկերն ուղարկել նաև SMS-ի միջոցով:
Տեսախցիկ և Live ֆոտոներ՝ ինչպես Instagram-ում
Live Photos-ում ավելացել է նկարահանման երեք ռեժիմ: Բացի այդ սովորական լուսանկարներն ու վիդեոները արդեն պահպանվում են HEIF և HEVC ֆորմատներով, որոնք զբաղեցնում են երկու անգամ քիչ ծավալ:
Notes
Նոթերը դարձել են ավելի ֆունկցիոնալ: Ավելացել է փնտրման գործառույթը, ինչպես նաև աղյուսակների կազման, ձեռագիր տեքստի և փաստաթղթերի սքանավորման հնարավորություն տեսախցիկի միջոցով:
Նոր հավելված՝ Files
Files-ը արագ մուտքի հնարավորություն է ստեղծում թղթապանակներին և փաստաթղթերին: Դրանք կարելի է այս հավելվածի միջոցով արագ գտնել և դասակարգել: Հավելվածը կապակցված է բոլոր ամպային ծառայություններին՝ iCloud, Google Drive, Box և Dropbox:
Siri թարմացում
Siri ձայնային օգնականը բարելավվել է, նոր ալգորիթմի շնորհիվ ձայնն ավելի բնական է դարձել: Այսոհետև Siri-ին կարելի է դիմել ոչ միայն բանավոր, այլև գրավոր՝ կարգավորումներից միացնելով Type to Siri-ն:
App Store-ի ռեդիզայնը
Նոր «Այսօր» բաժնի շնորհիվ թարմացված App Store-ը հիշեցնոմ է Apple Music-ը: Այս բաժնում հավաքվում է օրվա լավագույն բովանդակությունը: Նոր App Store-ը նման է ամսագրի՝ հրապարակվում են նորություններ, հարցազրույցներ ծրագրավորողների հետ, ինչպես նաև խորհուրդներ:
ARKit՝ վիրտուալ իրականության հարթակ
ARKit հարթակն օգտատերերին հնարավորություն է տալիս դիտել AR-բովանդակություն՝ առանց ակնոցի կամ հատուկ սաղավարտի: Իհարկե, վիրտուալ իրականության հնարավորությամբ հավելվածները, դեռևս քիչ են, բայց ապագան նրանցն է: AR-հավելվածի մշակմամբ է զբաղվում նաև IKEA ընկերությունը: Հավելվածի միջոցով օգտատերերը կարող են ընտրել կահույք՝ հարմար իրենց բնակարանի ինտերիերին: Սմարթֆոնի էկրանին հնարավոր է տեսնել՝ ինչպես է բազմոցը, աթոռը կամ սեղանը «հարմարվում» սենյակին և անմիջապես գնել այն: Հավելվածի թողարկման ամսաթիվն առայժմ հայտնի չէ:
iOS 11 կարող են բեռնել iPhone 7, iPhone 7 Plus, iPhone 6s, iPhone 6s Plus, iPhone 6, iPhone 6 Plus, iPhone 5s, iPhone SE սմարթֆոնները:
Տարածել
Կարդա նաև
Գրականություն, նորաձևություն, մշակույթ /Պանելային 3 քննարկում՝ Ֆրանկոֆեստին
FrancoFest2024-ին հանդես կգան հայ և ֆրանսիացի կատարողներ ու հեղինակավոր նվագախմբերը
Ուշագրավ փաստեր Ֆրանսիական գրականության ամենահայտնի ու հեղինակավոր գրական մրցանակի մասին (տեսանյութ)
Ազնավուր, Մանուշյան, Սառ, Նոտոմբ ու Լյուգան. Ֆրանկոֆեստի 5 հեղինակները