Ընդհանուր հայտարար․ Նիկոլ Փաշինյանը Կանադայի վարչապետին նվիրեց նրա գրքի հայերեն թարգմանությունը

Վարչապետ Նիկոլ Փաշինյանն ընդունել է պաշտոնական այցով Հայաստան ժամանած Կանադայի վարչապետ Ջասթին Տրյուդոյին: Դիմավորման պաշտոնական արարողությունից հետո երկու երկրների վարչապետները հանդիպումը շարունակել են նեղ կազմով: Հենց այդ ժամանակ էլ Նիկոլ Փաշինյանը Կանադայի վարչապետ Ջասթին Տրյուդոյին նվիրել է նրա «Ընդհանուր հայտարար» գրքի հայերեն թարգմանությունը: 
«Եվս մեկ ապացույց իմ խոսքերի, որ Դուք առանձնահատուկ դեր ունեք Հայաստանի քաղաքացիների ընկալման մեջ, և սա Ձեր գրքի հայերեն թարգմանությունն է, ինչը ես հաճույքով նվիրում եմ Ձեզ», - նշել է վարչապետը:
[embed]https://youtu.be/SxsF-p2buus[/embed]
Ջասթին Տրյուդոյի համար այս նվերն իսկապես անակնկալ էր։ Նա տեղյակ չէր, որ կա նաև իր գրքի հայերեն տարբերակը։   Կանադայի վարչապետը թերթեց գիրքը և շնորհակալություն հայտնեց գրքի համար` նշելով, որ շատ ուրախ է այդ առիթով:

Ինչի՞ մասին է Ջասթին Տրյուդոյի  «Ընդհանուր հայտարար» գիրքը

Ընդհանուր հայտարար գիրքը Ջասթին Տրյուդոն գրել է 2014 թ․, Կանադայի վարչապետ ընտրվելուց մեկ տարի առաջ և Լիբերալ կուսակցության առաջնորդ ընտրվելուց հետո։ Ներկայացված են նրա մանկության հուշերը, մուտքը քաղաքականություն, առաջին ընտրարշավն ու կուսակցության նախագահ դառնալը։ Ջասթինն ամբողջ կյանքն անցկացրել է հանրային ուշադրության կենտրոնում։ Լինելով Կանադայի ամենահայտնի վարչապետներից մեկի՝ Պիեռ Տրյուդոյի ավագ որդին, ապրել է բոլորի աչքի առաջ, բայց առաջին անգամ է անկեղծորեն պատմում իր կյանքի մանրամասները, որոնք միշտ մնացել են փակ դռների հետևում։
The Tyee

«Չնայած վարչապետի որդի լինելու   «արտոնությանը» և այդ պատճառով հանրային մեծ ուշադրությանը՝ Տրյուդոն ներկայանում է որպես համեստ և հողին կպած մարդ»։

The Sydney Morning Herald

«Ընդհանուր շահի, մի հայտարարի գալու և երկիրը միասին կառուցելու մղումով այս գիրքը բացառիկ ակտուալ է Թրամփի և ամբողջ Եվրոպայում ազգայնականների
հաղթանակի ֆոնին»։

Irish Examiner

[gallery ids="54143,54142,54141,54140,54137,54139"]
 

---

Հետևեք newmag-ին   Telegram-ում և   Instagram-ում

---