[Ոսկե ծիրան-2017] Ինչպիսի՞ն է կյանքը նախագահի պաշտոնից հետո. Վրաստանի Էքս-նախագահի կենցաղային դրաման
Վրացի ռեժիսոր Գեորգի Օվաշվիլին տարբեր տարիների մասնակցել է Կառլովի Վարի, Սան Սեբաստյան և Բեռլինալե կինոփառատոններում և ահա այս տարի նրա «Խիբուլա» հոգեբանա-պատմական դրաման Ոսկե ծիրանի Խաղարկային մրցույթի ծրագրում է:
Ռեժիսորի նոր ֆիլմը Վրաստանի առաջին նախագահ Զվիադ Գամսախուրդիայի կյանքի վերջին օրերի մասին է, որը վրացական ազգային շարժումից հետո ստիպված թաքնվում էր Արևմտյան Վրաստանի լեռներում և անտառներում:
Թեև ֆիլմում ոչ մի անգամ չի հնչում պատմաքաղաքական հերոսի իսկական անունը ակնհայտ է, թե խոսքն ում մասին է: Օվաշվիլին պատկերում է ոչ միայն էքս-նախագահի դժվարին կենցաղը, այլն նաև ծանր հոգեբանական մտորումները՝ միքսելով դրանք գյուղացու՝ ներկա քաղաքական վիճակի և Գամսախուրդիայի հանդեպ վերաբերմունքի հետ:Օվաշվիլին պատկերում է նաև պարզ ազգային ուրախությունները, երգ ու պարն ու գինարբուքները, որոնք որոշ չափով մեղմացնում են ստեղծված լարված իրավիճակը:
Արդյունքում ստացվել է ֆիլմ-ճամփորդություն, ֆիլմ-մոլորում, որտեղ գլխավոր հերոսը փորձում է հավատարիմ մնալ իր սկզբունքներին, չլքել իր երկիրը և մնալ այն ժողովրդի հետ, որն իրեն ընտրել է առաջնորդ: Սակայն պարզունակ երկխոսություններն ու ոչ համոզիչ դերասանական խաղը դարձնում է ֆիլմը Օվաշվիլի ռեժիսորի ֆիլմագրության ամենաձանձրալի պատումը, որտեղ հերոսն իր իսկ պտույտներով խճճում է ոչ միայն մյուսներին, նաև ինքն իրեն:
Տարածել
Կարդա նաև
Newmag-ն ու Yeraz Projects-ը ներկայացնում են համաշխարհային բեսթսելլերի 4-րդ գիրքը՝ «Վտվտիկի օրագիրը. Օրեր շնիկի հետ» (թրեյլեր)
Աշնան գլխավոր սիրավեպը. Newmag-ը ներկայացնում է խոհարարական սիրավեպ՝ «Մի գդալ սեր» (թրեյլեր)
Գրքատվություն #16 /Finca Հայաստան ընկերության աջակցությամբ Բերդի համայնքային գրադարանը համալրվեց 500 գրքով (լուսանկարներ)
Կինոմոսկվան հատուկ Newmag Signature Club-ի անդամների համար կազմակերպել էր «Արտոյի երկիրը» ֆիլմի ցուցադրությունը (լուսանկարներ)