[Անիծյալ երկուշաբթին] Մարկ Մենսոն. «Ոչ ոք չի հասկանում, թե ինչ է կատարվում»
Մարդիկ կռվախնդիր են դարձել՝ մեղադրանքներ, վեճեր, զրո հանդուրժողականություն: Այս փոխադարձ մեղադրանքների հիմքում համաշխարհային երկու խնդիր կա:
Առաջինը կորոնավիրուսն է, որը, չնայած մեր ջանքերին, շարունակում է տարածվել ամբողջ աշխարհում: Երկրորդը համաշխարհային տնտեսական կոլափսն է: Երկուսն էլ չափազանց բարդ ու բազմաշերտ են համեմատելու, կամ առավել ևս ենթադրություններ անելու համար:
Երկու խնդիրներն էլ այնքան մեծ են և անկառավարելի, որ մենք նույնիսկ դժվարանում ենք ամբողջությամբ հասկանալ և ընդունել դրանք:
Նախ համավարակը: Մեծ հաշվով ամեն ինչ կորոնավիրուսի շուրջ հակասական է: Որոշումներից սկսած մինչև ախտանշաններ: Կարծում էինք, սահմանափակումներն օգնում են, հետո պարզվեց, որ ոչ այնքան: Կարծում էինք արհեստական շնչառության սարքերը կյանքեր են փրկում, պարզվեց, որ այդքան էլ այդպես չէ: Ենթադրում էինք, որ հիվանդանոցների գերծանրաբեռնվածությունը կոլափսի կհանգեցնի, պարզվում է, դեռ դիմադրում ենք: Ենթադրում էինք, թե վարակակիրներն իմունիտետ են ձեռք բերում, փաստորեն կրկնակի վարակման դեպքերն էլ քիչ չեն: Մի խոսքով, այս հարցում ոչինչ միանշանակ չէ:
Եթե կա մի բան, որ հաստատ գիտենք համավարակի մասին, այն է, որ մենք գրեթե ոչ մի հստակ բան չգիտենք դրա մասին:
Տնտեսական աղետալի հետևանքներն անխուսափելի են: Ընդամենը մի քանի շաբաթում որոշ ոլորտներ՝ հյուրընկալություն, զբոսաշրջություն, ժամանց, ռեստորանային ոլորտ՝ կարելի է ասել ոչնչացան: Դե, գոնե առաջիկա ամիսներին այս ոլորտներն արհեստական շնչառության կարիք են ունենալու: Միայն Միացյալ Նահանգներում ընդամենը մեկ ամսում 26 միլիոն մարդ դարձավ գործազուրկ: Տնտեսության այսպես ասած վերաբացումը կախարդական փայտիկի մեկ հարվածով չի ստացվի: Սպառողների մի զգալի հատված դեռ մի քանի ամիս կամ գուցե մեկ տարի շարունակելու է չօգտվել այդ ոլորտներից: Օրինակ ես չեմ պատրաստվում սահմանափակումների մեղմացումից հետո վազել սրճարան կամ ճամփորդել:
Հիմա մարդիկ երկու ճամբարի են բաժանվել: Մի մասին հանրային առողջությունն է անհանգստացնում ու պնդում են, որ պետք է մնալ տանը: Մյուսներն էլ զգուշացնում են, որ տնտեսական ճգնաժամի հետևանքները ծանր ու անդառնալի կլինեն, եթե մարդիկ օր առաջ չսկսեն աշխատել: Երկուսն էլ ճիշտ են: Եվ հանրային առողջությունը, և տնտեսությունը իրական վտանգի առջև են:
Պետք է նախ ընդունել, որ սա է իրականությունը և հետո ելքեր փնտրել, որոնք նվազագույնի կհասցնեն վտանգը երկու ոլորտներում էլ:
Վեճերն անարդյունք ու անիմաստ են: Կենտրոնացեք հստակ որոշումներ կայացնելու վրա և սպասեք վատագույնին: Ենթադրեք, որ ոչ համավարակը, ոչ էլ տնտեսական ճգնաժամը մոտ ապագայում չեն վերանալու: Այդ կերպ թե հոգեպես, թե ֆիզիկապես և թե ֆինանսապես պատրաստ կլինեք բոլոր հնարավոր սցենարներին:
Տարածել
Մարկ Մենսոն
5800 ֏
Նկարագրություն
Ինքնակատարելագործման այս ձեռնարկում հայտնի բլոգերը սովորեցնում է, որ երջանիկ լինելու համար պետք է ոչ թե անընդհատ ձևեր թափել, իբր ամեն ինչ լավ է, այլ պետք է կարողանալ նայել դժվարությունների աչքերին։ Մեզ տասնամյակներ շարունակ սովորեցրել են, որ երջանիկ և հարուստ լինելու համար պետք է ունենալ դրական մտածելակերպ։ Բայց այդ դարաշրջանն ավարտվել է։ «Թող գրողի ծոցը գնա դրականը,- ասում է Մարկ Մենսոնը: Կյանքը երբեմն դաժան է, և մենք պետք է համակերպվենք այդ մտքի հետ»։ Հեղինակը գիտական հետազոտություններով ու սև հումորի օգնությամբ բացատրում է, որ կյանքի որակը լավացնելու համար ոչ թե պետք է կիտրոնը լիմոնադ դարձնել, այլ պարզապես պետք է ուտել այն։ Մենսոնը եզակի մտերմության ազդեցիկ միջավայր է ստեղծում` անձնական պատմություններ պատմելով և երբեմն անպատշաճ հումորով։
Կարդա նաև
Տեղի է ունեցել թուրք պատմաբան Թաներ Աքչամի «Ցեղասպան պետության ակունքները» գրքի հեռուստաշնորհանդեսը (տեսանյութ)
Թուրք պատմաբան Թաներ Աքչամի մասնակցությամբ տեղի ունեցավ նոր գրքի շնորհանդեսը (լուսանկարներ)
Տեղի ունեցավ Դեմիր Սյոնմեզի «Վիրավոր արծիվը» գրքի հեռուստաշնորհանդեսը (տեսանյութ)
«Ցեղասպանագիտության շաբաթը» բացվեց հատուկ հրատարակության՝ Վահագն Դադրյանի գրքի շնորհանդեսով (լուսանկարներ)