Մեծամոր՝ ատոմակայան. Հայաստանի ամենաերիտասարդ քաղաքի անցյալը, ներկան ու անհայտ ապագան

Խորհրդային մակնիշի շագանակագույն «Մոսկվիչ»-ից իջնող տղամարդը քայլերն ուղղում է դեպի ինձ, լայն ժպտում ու ձեռքն առաջ մեկնելով ասում. «Բարև ձեզ, ես Ֆելիքսն եմ, ատոմակայանի աշխատակիցներից, ինձ հետ եք խոսել հեռախոսով, ինչպե՞ս հասաք Մեծամոր, Երևանից մեր քաղաք եկող տրանսպորտ էլ չկա»: Պատախանի փոխարեն ցույց եմ տալիս արդեն հեռացող տաքսին:

1969 թվականին էներգետիկներն ու շինարարները գցեցին Հայաստանի ատոմային էլեկտրակայանի հիմքերը: Նույն թվականին հիմնադրվեց նաև Մեծամորը: 1970 թվականին Մեծամորն ընդունեց իր առաջին բնակիչներին, որոնց մեջ կային ԽՍՀՄ տարբեր հանրապետություններից եկած 32 ազգությունների ներկայացուցիչներ: