Մենք ենք ընտրում երազանքն իրագործելու ճանապարհը. Միշել Օբաման` կրթության մասին
Այս շաբաթ ԱՄՆ-ում սկսվեց նոր ուսումնական տարին և այդ պատճառով երկրի նախկին առաջին տիկնոջ դիտակետում կրթական խնդիրներն են։ Միայն բարձրորակ կրթության դեպքում սերունդները կհաջողեն։ Եթե գիտելիքդ բավարարում է, ցանկությունդ էլ մեծ է, ուրեմն պետք է ամեն գնով հայտնվել աշխարհի լավագույն բուհեր՝ հենց այդ ցանկությամբ էլ ԱՄՆ էքս առաջին տիկինը հասավ իր նպատակին։ Հետագայում էլ բոլոր հարթակներում կարևորել է երկրում որակյալ կրթության ունենալու գաղափարը։ Այս մասին կարդում ենք նաև իր «Becoming» գրքում, որը մեր հրատարակչությունը թարգմանել է հայերեն։
Երիտասարդների խնդիրներն ու մտահոգությունները գրեթե միշտ Միշել Օբամայի ելույթների առանցքում են: Կրթության կարևորությունն այդ խնդիրների դեմ ամենաշատն առաջարկվող լուծումն է: Նախկին առաջին տիկինը սեփական փորձով գիտի՝ գիտելիքի ամուր պաշարը հաջողության գլխավոր գրավականն է:
Ես գիտակցում էի, որ նպատակին հասնելու համար պետք է զոհաբերել հանգիստը և երբեմն նաև քունը:
«Ես գիտեի, որ պետք է ամեն ինչ անեմ լավագույն արդյունքն ունենալու համար: Պետք էր բարձր գնահատականներ ստանալ, մասնակցել բոլոր ծրագրերին, չուշացնել ֆինանսական աջակցության փաստաթղթերը, որովհետև ծնողներս չէին կարող վճարել ուսման վարձը: Ես գիտակցում էի, որ նպատակին հասնելու համար պետք է զոհաբերել հանգիստը և երբեմն նաև քունը»,- նկատել է Միշելը։
«Becoming» գրքի հեղինակը հիշեցնում է՝ մեր ապագան որոշում ենք ինքներս: Այդ ճանապարհին ամենաազդեցիկ ուժը մեր վերաբերմունքն ու նվիրումն է: Ինքներս ենք որոշում, թե որքան մեծ պետք է լինեն մեր երազանքները: Մենք ենք ընտրում երազանքն իրականություն դարձնելու ճանապարհը:
Եթե չձախողեք` չեք սովորի պայքարել: Խոչընդոտները հաղթահարելու համար պետք է շատ համառ լինել:
«Ձախողումը պետք է չբնորոշի ձեզ: Դեպի հաջողություն ամենակարևոր քայլը ձախողումն է: Եթե չձախողեք` չեք սովորի պայքարել: Խոչընդոտները հաղթահարելու համար պետք է շատ համառ լինել»,-ընդգծել է Օբաման։
Երազանքն իրականություն դարձնելու ճանապարհին խանգարողներ ու կասկածողներ շատ կլինեն։ Միշել Օբաման դրա լուծումն էլ ունի՝ պարզապես մի նկատեք նրանց, թույլ մի տվեք, որ ձեզ կանգնեցնեն: Հիասթափությունները թող դառնան նոր բան սովորելու հնարավորություն: Մեծ հաջողությունների հասնելու ներուժ ունեն բոլորը: Բոլորն արժանի են ու կարող են: Մի՛ կասկածեք ու մի՛ վախեցեք փորձություններից, դրանք անցողիկ են։ Օբամայի խոսքով, պարզապես վստահեք ինքներդ ձեզ և մտքում ունեցեք ձեր նպատակի վերջնակետի երևակայական պատկերը։
Տարածել
Միշել Օբամա
6800 ֏
Նկարագրություն
Երբ Միշել Ռոբինսոնը փոքր աղջիկ էր, նրա աշխարհը սահմանափակվում էր Չիկագոյի Սաութ Սայդ թաղամասով: Այդտեղ նա ապրում էր երկհարկանի շենքի մի փոքրիկ բնակարանում՝ ննջասենյակը կիսելով եղբոր՝ Քրեյգի հետ: Շուտով կյանքը նրան տարավ շատ ավելի հեռու՝ Փրինսթոնի համալսարան, որտեղ առաջին անգամ սեփական մաշկի վրա զգաց, թե ինչ է նշանակում լինել լսարանում միակ սևամորթ կինը։ Հետո հայտնվեց ապակեպատ մի աշտարակում, որտեղ աշխատում էր որպես կորպորատիվ իրավաբան: Ու հենց այնտեղ ամռան մի առավոտ նրա աշխատասենյակում հայտնվեց իրավաբանական ֆակուլտետի ուսանող Բարաք Օբաման ու գլխիվայր շուռ տվեց խնամքով մշակած նրա բոլոր ծրագրերը: Գրքում Միշել Օբաման առաջին անգամ խոսում է իր ամուսնության վաղ շրջանի մասին, երբ ձգտում էր և՛ աշխատել, և՛ ընտանիքի հոգսերը հոգալ, և՛ նպաստել ամուսնու քաղաքական վերելքին: Նա անկեղծորեն պատմում է ընտանեկան վեճերի մասին, թե իր ամուսինը պե՞տք է առաջադրվի նախագահի թեկնածու, և թե ինչպես ինքը դարձավ քարոզարշավի ամենաճանաչված ու հաճախ քննադատված դեմքը, հետո էլ՝ ԱՄՆ առաջին տիկինը։ «Իմ պատմությունը» գիրքը պատմում է Այովա նահանգի համեստ բնակավայրերի ու Բուքինգհեմյան պալատի շքեղ սրահների մասին, պարուրում սրտամորմոք վշտով, սովորեցնում դիմակայել դժվարություններին: Իր կյանքի պատմությունը համարձակորեն շարադրելով՝ նա մարտահրավեր է նետում բոլորիս, որպեսզի մտածենք ու հասկանանք՝ ով ենք մենք և ինչի ենք ուզում հասնել:
Կարդա նաև
Տեղի է ունեցել թուրք պատմաբան Թաներ Աքչամի «Ցեղասպան պետության ակունքները» գրքի հեռուստաշնորհանդեսը (տեսանյութ)
Թուրք պատմաբան Թաներ Աքչամի մասնակցությամբ տեղի ունեցավ նոր գրքի շնորհանդեսը (լուսանկարներ)
Տեղի ունեցավ Դեմիր Սյոնմեզի «Վիրավոր արծիվը» գրքի հեռուստաշնորհանդեսը (տեսանյութ)
«Ցեղասպանագիտության շաբաթը» բացվեց հատուկ հրատարակության՝ Վահագն Դադրյանի գրքի շնորհանդեսով (լուսանկարներ)