Բարաք Օբամա. «Միշտ պատրաստ եմ հաշվի նստել Միշելի հետ»
Երբ Ամերիկայի նախկին առաջին տիկին ու ոճի էտալոն Միշել Օբաման հրատարակեց «Միշել Օբամա. Իմ պատմությունը» գիրքը, ակնառու էր, որ այն միանգամից կհայտնվի բոլոր տների գրապահարաններում ու կգրավի բոլորի ուշադրությունը:
2018-ի նոյեմբերից գիրքը հրատարակվեց ու վաճառվեց 725 000 օրինակով ու դարձավ տարվա բեսթսելլեր:
Եվ հիմա, գիրքը, որը դետալ առ դետալ պատմում է Միշելի կյանքը, նրա ճանապարհը` մանկությունից դեպի Սպիտակ տուն, դարձել է բոլոր ժամանակների լավագույն հուշագրությունը: Բլումբերգը հայտնում է, որ հրատարակչությունը վաճառել է ավելի քան 10 միլիոն օրինակ: Հրատարակչության տնօրենն էլ խոստովանել էր. «Մենք հավատում էինք, որ այս գիրքն աշխարհի ամենահաջողված հուշագրությունը կդառնա»:
Գրքի շնորհանդեսից հետո նախկին առաջին տիկինը ամբողջ Միացյալ Նահանգներով գրքի շրջագայության գնաց, որի ընթացքում էլ գիրքը քննարկեց տարբեր հանրային դեմքերի հետ:
Մի միջոցառման ժամանակ Բարաքն անակնկալի բերեց կնոջն ու մի փոքրիկ բացահայտում արեց իրենց առաջին հանդիպման մասին:
«Ես երբեք չէի հանդիպել այդքան ուժեղ ու ազնիվ մարդու: Մեկը, ով շատ ամուր է, և ես գիտեի, որ միշտ պատրաստ եմ հաշվի նստել նրա հետ: Ես գիտեի, որ եթե նա լինի երեխաներիս մայրը, նրանք յուրահատուկ կլինեն...նա հենց այդ մեկն է:»
Տարածել
Միշել Օբամա
3400 ֏
Նկարագրություն
Երբ Միշել Ռոբինսոնը փոքր աղջիկ էր, նրա աշխարհը սահմանափակվում էր Չիկագոյի Սաութ Սայդ թաղամասով: Այդտեղ նա ապրում էր երկհարկանի շենքի մի փոքրիկ բնակարանում՝ ննջասենյակը կիսելով եղբոր՝ Քրեյգի հետ: Շուտով կյանքը նրան տարավ շատ ավելի հեռու՝ Փրինսթոնի համալսարան, որտեղ առաջին անգամ սեփական մաշկի վրա զգաց, թե ինչ է նշանակում լինել լսարանում միակ սևամորթ կինը։ Հետո հայտնվեց ապակեպատ մի աշտարակում, որտեղ աշխատում էր որպես կորպորատիվ իրավաբան: Ու հենց այնտեղ ամռան մի առավոտ նրա աշխատասենյակում հայտնվեց իրավաբանական ֆակուլտետի ուսանող Բարաք Օբաման ու գլխիվայր շուռ տվեց խնամքով մշակած նրա բոլոր ծրագրերը: Գրքում Միշել Օբաման առաջին անգամ խոսում է իր ամուսնության վաղ շրջանի մասին, երբ ձգտում էր և՛ աշխատել, և՛ ընտանիքի հոգսերը հոգալ, և՛ նպաստել ամուսնու քաղաքական վերելքին: Նա անկեղծորեն պատմում է ընտանեկան վեճերի մասին, թե իր ամուսինը պե՞տք է առաջադրվի նախագահի թեկնածու, և թե ինչպես ինքը դարձավ քարոզարշավի ամենաճանաչված ու հաճախ քննադատված դեմքը, հետո էլ՝ ԱՄՆ առաջին տիկինը։ «Իմ պատմությունը» գիրքը պատմում է Այովա նահանգի համեստ բնակավայրերի ու Բուքինգհեմյան պալատի շքեղ սրահների մասին, պարուրում սրտամորմոք վշտով, սովորեցնում դիմակայել դժվարություններին: Իր կյանքի պատմությունը համարձակորեն շարադրելով՝ նա մարտահրավեր է նետում բոլորիս, որպեսզի մտածենք ու հասկանանք՝ ով ենք մենք և ինչի ենք ուզում հասնել:
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)