10 սխալ, որ ծնողները թույլ են տալիս երեխայի դաստիարակության ընթացքում
Եթե երեխան ինքնամփոփ է և հաճախ է ստում, նշանակում է, որ դուք միշտ սուր եք արձագանքում նրա սխալներին: Ձեր խիստ վերաբերմունքը տեսնելով՝ նա գտել է ելքը. ավելի լավ է ոչինչ չասել կամ սուտ հորինել, քան արժանանալ ձեր կշտամբանքին:
Եթե երեխան խանդոտ է, նշանակում է դուք հաճախ եք նրան համեմատում ուրիշների հետ: Այն, որ նա ավելի վատն է, քան իր ընկերը կամ եղբայրն ու քույրը, երեխայի մոտ կարող է առաջացնել ագրեսիա, տրամադրության անկում, հիմք հանդիսանա հետագա բարդույթների ձևավորմանը, որն էլ հանգեցնում է բոլորին ու ամեն ինչի համար խանդելուն:
Եթե երեխան վատատես է, ապա հնարավոր է, որ դուք չեք ուրախանում նրա լավ արարքներով, քիչ եք խրախուսում, դրա փոխարեն արձագանքում եք միայն վատ պահվածքի ժամանակ: Պետք չէ թաքցնել հիացմունքը:
Եթե երեխան չունի կարծիք կամ չի կարողանում պնդել իր կարծիքը, նշանակում եք դուք հաճախ եք բոլորի մոտ նրան քննադատում, բոլորի աչքի առաջ նկատողություն անում կամ փնովում:
Երեխաների ու դաստիարակության մասին գրել ենք նաև
- Ինչո՞ւ չի կարելի «ամենալավը երեխաներին» տալ
- Ի՞նչ են սովորեցնում մեզ երեխաները
- Ի՞նչը ձեր երեխային կդարձնի հանճար
- Երեխաների հետ պետք է խոսել սեքսի մասին. ահա, թե ինչպես
- Սեքսը` խրճիթի պատուհանից
Եթե երեխան վախկոտ է, նշանակում է դուք նրան չափից շատ եք հովանավորում, թույլ չեք տալիս սխալվել, հնարավարություն չեք տալիս ամենաչնչին դժվարություններն անգամ սեփական ուժերով հաղթահարել, ինչն էլ հագեցնում է նրան, որ երեխան անվստահ է սեփական ուժերի նկատմամբ: Նա կմեծանա դժվարություններից խուսափող ու ոչինչ չձեռնարկող մարդ:
Եթե երեխայի «աչքն ուրիշի ապրանքի վրա է», ապա նշանակում է, որ ժամանակին դուք գնել եք նրա համար այն խաղալիքները կամ հագուստը, որոնք երեխային դուր չեն եկել: Տվեք նրան ընտրելու հնարավորություն:
Եթե երեխան չի հարգում ուրիշի զգացմունքները, նշանակում է դուք երբեք ուշադրություն չեք դարձրել, թե ինչ է զգում նա, ինչ է մտածում, ինչն է նրան հուզում, այլ մշտապես հստակ ուղղորդել եք ինչ անել:
Եթե երեխայի ինքնագնահատականը ցածր է, ապա նշանակում է, որ դուք ավելի շատ խորհուրդ եք տալիս, քան խրախուսում:
Եթե երեխայի պահվածքը կոպիտ է ու անքաղաքավարի, պատճառն այլ տեղ մի փնտրեք, գուցե դուք էլ եք այդպիսին: Փոխեք ինքներդ ձեզ, կփոխվի նաև երեխան:
Եթե երեխան մտադրված ձեզ խանգարում է, նշանակում է նա հոգատարության ու սիրո կարիք ունի, նշանակում է նա ձեր կարիքն ունի:
Տարածել
Կարդա նաև
Ջուլյա Սամուել. Վշտի պարադոքսը | Ted Talk
Լայնեզր գլխարկով, գոթական ոճով բարոնուհին ու էքսցենտրիկ գրող Ամելի Նոտոմբը (տեսանյութ)
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)