Ինչպե՞ս է մեր գործը փոխում մեզ. յուրաքանչյուր քայլ ազդում է անհատականության վրա
Հոգեբանները բացահայտել են, որ անհատի անձնական ծրագրերը, որի մեջ ընգրկվում են թե՛ պաշտոնական պարտականությունները, թե՛ անձնական գործերը, թե՛ ամենօրյա փոքր ծրագրերը և թե՛ մեծ նպատակները, ձևավորում են անհատի կերպարը:
Կարելի է կատարել հոգեբանական վերլուծություն՝ կազմելով օրվա գործերի ցանկը: Օրինակ՝ աշխատանքային, կենցաղային գործերը, զվարճանքը, առողջությանն ուղղված քայլերը, միջանձնային ու ներանձնական ծրագրերը:
Հոգեբանները հատկապես ուշադրություն են դարձնում ներանձնական ծրագրերին: Որպես կանոն դրանք վերաբերում են անձի անհաջողություններին և բացահայտում են մարդու կրեատիվ մտածելակերպը: Ինչո՞ւ են հոգեբաններն ուշադրություն դարձնում հենց ներանձնական ծրագրերին: Մեկ պարզ պատճառով՝ դրանք բացահայտում են թե ինչքանով կփոխվի անձը. եթե մարդը ներանձնական ծրագրերը կազմում է իր ցանկությամբ, ապա դրանք կկատարի ու կհասնի հաջողության, եթե դա արվում է ուրիշի թելադրանքով՝ ծրագրերը երբեք չեն իրականա, ինչքան էլ լավը լինեն:
Բնավորություն փոխելը դժվար է, իսկ ահա գիտակցաբար սեփական՝ ներանձնական ծրագրեր կազմելը շատ հեշտ է: Դա էլ կօգնի փոխել բնավորության գծերը:
Որպես կանոն, նյարդային մարդիկ ունեն նեգատիվ էմոցիաներ և ներանձնական ծրագրերը համարում են դժվար իրագործելի, լարված: Եթե անգամ դրանք կատարվում են, միևնույն է, այդ մարդիկ չեն ուրախանում:
Երբ փորձում ենք ինչ-որ նպատակի հասնել, հաճախ այնպիսի քայլերի ենք դիմում, որոնք զարմացնում են շրջապատին, քանի որ մեզ բնորոշ չեն: Հիշե՛ք, ձեր անհատական մոտեցումն ավելի կարևոր է, քան անհատական հատկությունները:
Տարածել
Կարդա նաև
Գրականություն, նորաձևություն, մշակույթ /Պանելային 3 քննարկում՝ Ֆրանկոֆեստին
FrancoFest2024-ին հանդես կգան հայ և ֆրանսիացի կատարողներ ու հեղինակավոր նվագախմբերը
Ուշագրավ փաստեր Ֆրանսիական գրականության ամենահայտնի ու հեղինակավոր գրական մրցանակի մասին (տեսանյութ)
Ազնավուր, Մանուշյան, Սառ, Նոտոմբ ու Լյուգան. Ֆրանկոֆեստի 5 հեղինակները