Ով էր Նունեն, ում հոտնկայս ծափահարեց Իեն Գիլանը. մանրամասներ մեր գրքային հերոսների մասին (տեսանյութ)
Newmag հրատարակչության գրքերից Արա Թադևոսյանի «Երկու ռոք աստղ, երկու աղջիկ` չհաշված Արարատը» մի իսկական ճամփորդություն է դեպի հիշողությունների պահոց: Իեն Գիլանի ու Թոմի Այոմիի հայաստանյան այցի ժամանակ բազմաթիվ պատմություններ են վավերագրվել: Այս անգամ կպատմենք գյումրեցի Նունեի և լեգենդար ռոք երաժիշտների հանդիպումների մասին, որոնք աղջկա կյանքում ճակատագրական որոշումների պատճառ են դարձել:
Կանաչ նոթատետրը, որի վրա 2009-ին ստորագրեցին Իեն Գիլանն ու Թոմի Այոմին, այսօր էլ Նունեի սենյակում` անձնական ամենակարևոր իրերի ցանկում է: Ռոք երաժիշտների հետ հանդիպեց Գյումրիի երաժշտական դպրոցում: Դպրոցը երկրաշարժից հետո տեղափոխվել էր տնակներ: Սովորում էր վոկալ բաժնում: Պատրաստվում էին մեծ համերգի՝ ռոք երաժիշտների համար: Նունեի հիշողությունում մինչև այսօր էլ վառ են օրվա կարևոր դռվագները. «Փոքր համերգ էինք կազմակերպել, ես երգեցի իրենց համար»:
Չէի պատկերացնում, որ տասը տարի հետո նորից կհանդիպեմ, հիմա արդեն նրանց հանիպելու էի մարդ, ով մոտ էր ռոքին:
Երգեց, բոլոր հնարավոր վայրերում ընդմիշտ պահեց սիրելի ռոքերների ստորագրություններն ու լավագույն հուշերը երաժշտական դպրոցից, որը հետո նորից նրանց՝ Իեն Գիլանի ու Թոմի Այոմիի շնորհիվ պետք է վերակառուցվեր: Նունե Նազայանն անկեղծանում է՝ երկրորդ անգամ նրանց հանդիպելու մասին չէր էլ երազում. «Չէի պատկերացնում, որ տասը տարի հետո նորից կհանդիպեմ, հիմա արդեն նրանց հանիպելու էի մարդ, ով մոտ էր ռոքին»:
Տասը տարիների ընթացքում Նունեն հասցրեց ստեղծել ռոք խումբ, երգել տարբեր բեմերում, անփոփոխ մնաց միայն անկյունը՝ այն, ինչը միշտ պետք է հիշեցներ՝ ռոքի լեգենդների հետ հանդիպումը: Իր նախագծերի մասին Նունեն հպարտությամբ է խոսում. «Իմ սենյակում ռոքային փոքր անկյուն եմ ստեղծել, իմ սիրելի երաժիշտների նկարներն են, ու իմ նկարները Թոմի Այոմիի ու Յան Գիլանի հետ»:
Իմ սենյակում ռոքային փոքր անկյուն եմ ստեղծել, իմ սիրելի երաժիշտների նկարներն են, ու իմ նկարները Թոմի Այոմիի ու Յան Գիլանի հետ»:
2019-ին նորից սկսվեց այն, ինչի մասին չէր էլ մոռացել: Ռոք խումբ արդեն չուներ, բայց որոշեց Իեն Գիլանին նորից հանդիպել, այս անգամ ռոք կատարմամբ գյումրեցի բոլոր երեխաների անունից հայտնել իր շնորհակալությունը՝ նոր դպրոցի ու մեծ սիրո համար: Նունեն այդ օրվա մասին հիշելիս՝ միշտ հուզվում է.«Հուզիչ պահ էր, երգից հետո Գիլանն ու Այոմին ոտքի կանգնեցին»:
«Այ լով յոր մյուզիք» այս բառերը լսեց Յան Գիլանից ու այդպես էլ դրանք դուրս չեկան մտքից: Ռոք երաժիշտ դառնալու ցանկությունը վերածվեց արդեն գլխավոր հոբբիի ու նպատակի: Հիմա արդեն ոգեշնչված սիրելի ռոք երաժիշտների գնահատականից, որոշել է թողարկել իր անձնական ալբոմը:
Տարածել
Արա Թադևոսյան
2900 ֏
Նկարագրություն
Այս գիրքն ամենախենթ երազանքն իրականություն դարձնելու մասին է։ Երազանքն այնքան համարձակ էր, որ անիրագործելի էր թվում։ Այդպես լրագրող Արա Թադեւոսյանը մի օր որոշում է Հայաստան հրավիրել համաշխարհային այն ռոք աստղերին, որոնք ժամանակին օգնեցին Սպիտակի երկրաշարժից տուժած երկրին։
Այս գիրքը երազանքը կյանքի կոչելու յուրօրինակ ճանապարհային քարտեզ է. ինչպե՞ս սկսել, ինչի՞ց, ի՞նչ անել, երբ հեռախոսազանգերն ու էլնամակները մնում են անպատասխան, երբ բոլորը՝ ընկերներից մինչեւ հովանավորներ, թերահավատ են քո գաղափարի հանդեպ, երբ նախապես ծրագրվածը վերջին 24 ժամում գլխիվայր փոխվում է։
Ինչ է պետք անմիջապես անել, եթե աստղը, ի վերջո, ժամանել է, բայց ատամնացավով։
Արա Թադեւոսյանն անկեղծորեն ու մանրամասն նկարագրում է նորանկախ Հայաստանի թերեւս ամենաաստղային նախաձեռնության ետնաբեմը, որը կարող է հետաքրքրել ոչ միայն ռոքի սիրահարներին, այլեւ բոլոր նրանց, ովքեր ունեն անիրագործելի թվացող երազանքներ, դրանց հասնելու աննահանջ կամք ու անսպառ եռանդ։
Կարդա նաև
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)