Գիրք, որ ստիպում է մտածել․ համաշխարհային մամուլը՝ Sapiens բեսթսելլերի մասին
![newmag-y-n](https://newmag.am/public/assets/images/posts/5237/940557114c94db87c5cfb3f8530f8e8a.jpg)
Sapiens-ը Բարաք Օբամայի նախընտրելի գրքերից է: Այս մասին հենց Օբաման է պատմել CNN-ին տված հարցազրույցում 2016-ին:
«Հետաքրքիր է ու վիճահարույց: Այն ցույց է տալիս, թե որքան կարճ ժամանակ ենք ապրում այս աշխարհում, որ գյուղատնտեսությունը կամ գիտությունն ընդամենը վերջերս են ի հայտ եկել և որ ճիշտ կլինի հաշվի առնել այդ ամենը», - ասել է Բարաք Օբաման։
Գիրքը նաև Բիլ Գեյթսի սեղանին է:
«Այս գիրքը խորհուրդ եմ տալիս բոլոր նրանց, ում կհետաքրքրի մարդկության վաղ պատմությունը՝ զվարճալի, հետաքրքրաշարժ տեսանկյունից...դժվարությամբ եք գիրքը մի կողմ դնելու», - ասել է Բիլ Գեյթսը։
Ամերիկացի հանրահայտ գրող, սցենարիստ Սեբաստիան Յունգերը գրքի մասին ամենակարճն է արտահայտվել:
«Փառք Աստծո, որ ինչ-որ մեկը վերջապես գրեց հենց այս գիրքը», - ասել է Սեբաստիան Յունգերը։
Sapiens-ի մասին կարծիքներ են գրել ազդեցիկ պարբերականներ՝ Wall Street Journal-ից մինչև Forbes:
- «Sapiens-ն ուսանելի է, մտորելու տեղիք է տալիս ու հստակ է... հրաշալի գիրք է»․ Wall Street Journal
- «Յուվալ Նոյ Հարարիի հանրահայտ Sapiens -ը մարդու էվոլյուցիայի համար նույնն է, ինչ Սթիվեն Հոքինգի Ժամանակի համառոտ պատմությունը՝ ֆիզիկայի: Հարարին հիանալի ցույց է տալիս, թե ինչպես մենք դանդաղ ի հայտ եկանք ու ի վերջո դարձանք մոլորակի տերերը»․ Forbes
- «Sapiens-ն ընթերցողին տանում է մեր ցեղատեսակի պատմությամբ մեկ սրընթաց շրջագայության: Հարարիի՝ նմանը չունեցող ինտելեկտը լույս է սփռում մարդկության պատմության ամենակարևոր առաջընթացների վրա: Սա կարևոր գիրք է լրջախոհ, ինքնազննումի հակված սափիենսի համար»․ Washington Post
- «Հազվագյուտ գիրք է՝ ցնցող ու ապշեցուցիչ»․ Observer
«Հրացաններ, Մանրէներ ու Պողպատ», «Փլուզում» ու «Աշխարհը մինչև երեկ» գրքերի հեղինակ, Պուլիցերյան մրցանակակիր Ջարեդ Դայմընդը գրում է:
«Sapiens-ն անդրադառնում է պատմության ու ժամանակակից աշխարհի ամենամեծ հարցերին ու գրված է անմոռանալիորեն վառ լեզվով», - գրել է Ջարեդ Դայմընդը։
New York Times-ի բեսթսելլերների՝ «Կանխատեսելի ու իռացիոնալ. Իռացիոնալության հակառակ կողմն» ու «Ազնիվ ճշմարտությունն անազնվության մասին» գրքերի հեղինակ Դեն Արիելիի խոսքով, գիրքը կարդացողին սպասում է կլանված ընթերցանություն:
Ամերիկյան մամուլում հայտնվել են նաև կարծիքներ, որ մարդու գոյության պատմությունն ավելի լավ դեռ չէր ներկայացվել, դրանից կտրվել չի ստացվում ու որ սա գիրք է, որը ստիպում է իսկապես մտածել:
![Sapiens. Մարդկության համառոտ պատմություն](https://newmag.am/public/assets/images/books/309abcb9742bbeda1c9a97030a7c393c.jpg)
Յուվալ Նոյ Հարարի
5800 ֏
Նկարագրություն
Հարյուր հազար տարի առաջ Երկրի վրա ապրում էր մարդկային առնվազն 6 ցեղատեսակ, այսօր՝ միայն մեկը՝ Homo sapiens-ը: Ի՞նչ պատահեց մյուսների հետ, ու ի՞նչ է սպասվում մեզ:
Մարդկության պատմության մասին գրքերի մեծ մասը կա՛մ պատմական, կա՛մ կենսաբանական մոտեցում է ցուցաբերում, բայց Յուվալ Նոյ Հարարին այս խիստ ինքնատիպ գրքով կոտրում է կարծրատիպերը: Նրա պատմությունը սկսվում է 70,000 տարի առաջ, երբ նոր էր ի հայտ գալիս աշխարհաճանաչողությունը: Հարարին պատմում է, թե զարգացում ապրող մարդն ինչպես է ազդել համաշխարհային էկոհամակարգի վրա և թե ինչպես է կայսրություններ ստեղծել։ Հեղինակը միաձուլում է պատմությունն ու գիտությունը՝ վերանայելով տարածված տեսակետները, անցյալի զարգացումները կապելով ժամանակակից խնդիրների հետ, առանձին իրադարձությունները դիտարկելով ավելի մեծ գաղափարների համատեքստում: Հարարին ստիպում է առաջ նայել, քանի որ վերջին մի քանի տասնամյակների ընթացքում մարդիկ սկսել են շրջանցել բնական ընտրության այն օրենքները, որոնք չորս միլիարդ տարի կառավարել են կյանքը: Ինչի՞ կհանգեցնի այս ամենը, ու ինչպիսի՞ն ենք ուզում դառնալ մենք:
Հայերեն հրատարակության համար հատուկ նախաբան է գրել «Գալաքսի» ընկերությունների խմբի համահիմնադիր, «Յուքոմ» ընկերության տնօրենների խորհրդի նախագահ Գուրգեն Խաչատրյանը։ Յուվալ Նոյ Հարարիի երեք գրքերի հայերեն թարգմանությունն իրականացվել է «Գալաքսի» ընկերությունների խմբի հետ գործընկերությամբ:
Կարդա նաև
![ԱԲ դարաշրջանն արդեն սկսվել է. Յուվալ Նոյ Հարարին՝ նոր գրքի մասին](https://newmag.am/public/front/assets/images/placeholder.jpg)
ԱԲ դարաշրջանն արդեն սկսվել է. Յուվալ Նոյ Հարարին՝ նոր գրքի մասին
![ՀԱՄԱՇԽԱՐՀԱՅԻՆ ՇՆՈՐՀԱՆԴԵՍ / Յուվալ Նոյ Հարարիի նոր գիրքը հայերեն հրատարակվում է բնօրինակի հետ նույն օրը](https://newmag.am/public/front/assets/images/placeholder.jpg)
ՀԱՄԱՇԽԱՐՀԱՅԻՆ ՇՆՈՐՀԱՆԴԵՍ / Յուվալ Նոյ Հարարիի նոր գիրքը հայերեն հրատարակվում է բնօրինակի հետ նույն օրը
![«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)](https://newmag.am/public/front/assets/images/placeholder.jpg)
«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)
![Որ մասնագիտություններն են նորաձև AI դարաշրջանում (տեսանյութ)](https://newmag.am/public/front/assets/images/placeholder.jpg)
Որ մասնագիտություններն են նորաձև AI դարաշրջանում (տեսանյութ)
![Վեպ՝ զարմանալի, անկանխատեսելի կյանքի, ընտանիքի ու ընկերների մասին (տեսանյութ)](https://newmag.am/public/front/assets/images/placeholder.jpg)