Շիրակը գնաց կտրուկ քայլի. ակումբը դուրս է գալիս առաջնությունից

Ի՞նչ է ասում Շիրակը
Ակումբում ունեն հստակ դիրքորոշում` ՀՖՖ-ն Շիրակի միավորները նվազեցնելու իրավասություն չունի. «ՀՖՖ բոլոր պաշտնոատար անձիք չեն կատարում օրինական ուժի մեջ մտած դատական ակտի պահանջը և նվազեցրել են Շիրակի միավորները մրցաշարային աղյուսակում և չեն վերականգնել աղյուսակը, ինչը անխուսափելիորեն զրկում է ակումբին իրավական ճանապարհով իր իրավունքների պաշտպանությունից»,- ասված է հայտարարության մեջ:
Գյումրիի ակումբը պահանջում է ՀՖՖ նախագահի, ինչպես նաև ամբողջ աշխատակազմի հրաժարականը։  Շիրակը առաջնություն կվերադառնա միայն ՀՖՖ նոր կազմ ձևավորվելուց հետո։
Ինչո՞ւ ՀՖՖ-ն չի կատարել դատարանի որոշումը
Մինչև ՀՖՖ-ին դատարանի որոշման մասին տեղեկացնելը, «Շիրակի» միավորներն արդեն նվազեցվել էին: Ստացվում է, դատարանի որոշման պահանջը կատարելն իրավաբանորեն անհնար էր և ժամանակավրեպ. «Դա ուղղակիորեն կխախտեր Հայաստանի ֆուտբոլի բարձրագույն խմբի մասնակիցներ «Ալաշկերտ», «Գանձասար-Կապան» և «Բանանց» ֆուտբոլային ակումբների իրավունքները, քանի որ որոշման կատարման արդյունքում այդ թիմերն արդարացիորեն բարելավել են իրենց դիրքերը մրցաշարային աղյուսակում»:

• Առեղծվածային ու սկանդալային առաջնությունն ավարտվեց. Ալաշկերտի չեմպիոնության պատմությունը


• Շիրակը ՀՖՖ-ի որոշումը համարում է ապօրինի, ՀՖՖ-ն շարժվել է ըստ օրենքի. սկանդալի ժամանակագրությունն ու հետագա զարգացումները


• Մեծ խաղերում փոքր մրցավարներ պետք չեն. ինչո՞ւ Էլ Կլասիկոն դիտեցի թվիթ անելով

Հետևեք newmag-ին  Telegram-ում և  Instagram-ում։