Միացիր համաշխարհային կարաոկե փարթիին Sing Karaoke-ում

Բեռնեք Sing Karaoke հավելվածը, միացեք համաշխարհային վիրտուալ կարաոկե ցանցին և սկսեց դուետներ երգել աշխարհի երաժշտասերների հետ:
Sing Karaoke-ում կարաոկե փարթի հնարավոր է կազմակերպել ամենուր, երբ և ում հետ կամենաք: Ճիշտ երգի ընտրության դեպքում վիրտուալ ուրախ հավաքը երաշխավորված է:
Sing Karaoke-ում ամեն ինչ պարզ է, հավելածը սոցցանցի տրամաբանությամբ է: Յուրաքանչյուր օգտատեր կարողանում է ստեղծել անձնական հաշիվ, որտեղ կարելի է տեղադրել լուսանկար, կարճ պատմել սեփական անձի, երաժշտական նախասիրությունների մասին: Անձնական էջում պահպանվում են այն բոլոր երգերի աուդիոֆայլերը, որոնք օգտատերը երգել է: Sing Karaoke-ում կարող եք ընկերանալ, փոխանակվել անձնական հաղորդագրություններով, մեկնաբանել մյուսների ելույթները:
Երգ ընտրելը ևս պարզ է, կարող եք օգտվել «search»-ից կամ գտնել այն կատալոգներից: Երաժշտությունները դասակարգված են ըստ հայտնիության և ժանրերի:
Sing Karaoke կա բազմաժանր երաժշտություն (The Cure, Lady Gaga, Johnny Cash, Ed Sheeran), ներկայացված է անգամ կորեական K-Pop-ն ու  թայվանական քանթրի:
Ընտրելով երգը և ֆոնոգրաման՝ պատրաստվում եք սոլո-ելույթի: Դուետ այլ օգտատերերի հետ կարող են կատարել VIP-օգտատերերը, որի համար կա ամսական վճար:
Որոշ օգտատերեր համատեղ կատարման են հրավիրում վիդեոկապի միջոցով: Երբ սկսվում է երգը, էկրանին հայտնվում են երգի բառերը, բայց պետք է երգել միայն այն տողերը, որոնք նշված են կապույտով:
Էկրանին երևում է նաև նոտայի բարձությունը, երկարությունը, անհրաժեշտ տոնայնությունը: Պետք է տեմպը ճիշտ պահել: Երբ երգն ավարտվում է, կարող եք աուդիոֆայլին ավելացնել նաև ֆիլտրներ, օրինակ դահլիճային հնչողություն:
Կատարման ավարտին ձայնագրությունը պահվում է և ներկայացվում էջի հետևորդների դատին:
Sing Karaoke-ն հասարակ հավելված չէ, որտեղ կարելի է ֆոնոգրամայի տակ հիթեր կատարել, սոցցանց է երաժշտական ժամանցի համար: Այն իսկական անտիդեպրեսանտ է և կամուրջ ամբողջ աշխարհի երաժշտասերների համար:
Բայց այստեղ կա մեկ կարևոր պայման՝  ամաչել չի կարելի:
Բեռնելու համար. App Store , Google Play

LIFEHACKER