Սկսիր մտածել, որ ձախողումներով վճարում ես հանճարեղության համար. Ռեյչլ Հոլիս
«Աղջիկ ջան, ուշքի արի» և «Աղջիկ ջան, մի՛ արդարացիր» գրքերի հեղինակ Ռեյչլ Հոլիսը մոտիվացիոն խորհուրդներ է տալիս ձախողելու և հաջողելու մասին:
Հուսամ` ձախողել ես: Հուսամ` ընկել ես գետնին, հուսամ` ցավել է: Հուսամ` քեզ համար դժվար է: Հուսամ` զգում ես, որ հետդարձի ճանապարհ չկա: Հետո ցանկանում եմ, որ բոլորը տեսնեն` ինչպես եք ոտքի կանգնում: Ցանկանում եմ շարունակես առաջ գնալ: Ուզում եմ ուժ և քաջություն ունենաս` մի քայլ անելու, հետո մյուսը, հետո ևս մեկը: Մենք չենք դառնում այն, ինչ պետք է դառնանք այն ժամանակ, երբ սկսում ենք մրցավազքը: Մենք դառնում ենք այն, ինչ պետք է դառնայինք այն ժամանակ, երբ ընկնում ենք ու նորից բարձրանում:
Քո փոխարեն ոչ ոք ոչինչ չի անելու: Դու գիտես, որ կարող ես դա անել, որովհետև ներքին ձայնդ այդպես է ասում: Սրտիդ ձայնն ասում է, որ ունակ ես ավելիին: Մենք անիմաստ ենք վատնում ամեն վայրկյանը, երբ փորձում ենք պատասխաններ գտնել: Այս ճանապարհորդության, այս լեռների մյուս կողմում հայտնվելու և վերջնակետը հատելու միակ ճանապարհը ոտքի կանգնելն է: Մարդիկ նայում են իմ կյանքին, նայում են այն ընկերությանը, որ ես հիմնել եմ, ու տեսնում են հաջողություն: Նրանք կարծում են, թե ես հատուկ եմ, խելացի, կամ ինչ-որ ազդեցիկ կապեր ունեմ: Հիմարություն:
Այն, ինչ ես անում եմ, կարող են անել բոլորը: Ես ոտքի եմ կանգնում: Ընկնում եմ, հետո կրկին ոտքի եմ կանգնում: Նորից ու նորից: Ես հաճախ եմ ձախողել: Եվ երբ աշխարհը ծիծաղել է ինձ վրա, ես այն օգտագործել եմ որպես վառելիք` առաջ շարժվելու համար: Դա կարող ես անել նաև դու: Դու երբեք ոչինչ չես կառուցի, ծնողներիդ համար տուն չես գնի, առհասարակ ոչնչի չես հասնի, եթե կարճաժամկետ ձախողումը դարձնես երկարաժամկետ որոշում:
Այս դեպքում ձախողումը երաշխավորված է:
Բավական է մտածել, որ ամեն ինչ վատ է: Սկսիր մտածել, որ ձախողումներով վճարում ես հանճարեղության համար: Բոլորը կփորձեն քեզ սովորեցնել, թե որն է ճիշտ: Բայց դու պարտավոր ես առաջ շարժվել: Գնալ առաջ, նորից ու նորից: Երբ ընկնես, առաջ շարժվիր,երբ քնես, առաջ շարժվիր, երբ դժվար է, միևնույն է, առաջ շարժվիր: Կարևոր չէ, թե ով է առաջինը սկսում մրցավազքը, կարևոր է, թե ով է այն ավարտում առաջինը: Այս մրցավազքն ավարտին հասցնելու մի ճանապարհ կա` ձախողել, հետո առաջ գնալ:
Տարածել
Ռեյչլ Հոլիս
5800 ֏
Նկարագրություն
Ռեյչլ Հոլիսը հաճախ է նկատել, որ կանայք չեն օգտագործում իրենց ամբողջ ներուժը։ Հոգու խորքում նրանք ձգտում են ավելիին, բայց վախենում են խայտառակվել, անկատար կամ ոչ կոմպետենտ երևալ։ Ավելին, կանանց ինքնագնահատականը շատ հաճախ ձևավորվում է ուրիշների բնորոշումներով։ Մինչդեռ Ռեյչլն ասում է՝ հարկավոր է ունենալ սեփական եսը, ձևավորել անձնական ցանկություններն ու ձգտումները։ Հեղինակը կոչ է անում ձերբազատվել բարդույթներից, սեփական ուժերի հանդեպ վստահություն ու հավատ ձեռք բերել։ Այս գրքում Ռեյչլը դիմում է իր ընթերցողին և ասում՝ պետք չէ արդարանալ, պետք է գործել նպատակասլաց ու առանց վարանելու։ Թե ինչպես, կիմանաք գիրքը կարդալով։
Կարդա նաև
Տեղի է ունեցել թուրք պատմաբան Թաներ Աքչամի «Ցեղասպան պետության ակունքները» գրքի հեռուստաշնորհանդեսը (տեսանյութ)
Թուրք պատմաբան Թաներ Աքչամի մասնակցությամբ տեղի ունեցավ նոր գրքի շնորհանդեսը (լուսանկարներ)
Տեղի ունեցավ Դեմիր Սյոնմեզի «Վիրավոր արծիվը» գրքի հեռուստաշնորհանդեսը (տեսանյութ)
«Ցեղասպանագիտության շաբաթը» բացվեց հատուկ հրատարակության՝ Վահագն Դադրյանի գրքի շնորհանդեսով (լուսանկարներ)