Տեղի ունեցավ Շառլ Ազնավուրի «Ով» երգի հայերեն տարբերակի հեռուստապրեմիերան (տեսահոլովակ, տեսանյութ)

Երգի ու տեսահոլովակի պրեմիերան տեղի ունեցավ Newmag Winter Fest-ին :Հոգեթով ու հուզիչ այս ստեղծագործության բառերը հայերեն է թարգմանել Սամվել Գասպարյանը: «Ո՞վ» երգի նոր՝ հայերենը հնչում է Սոֆի Մխեյանի կատարմամբ: Պատասխանատվությունը մեծ էր, քանի որ իրեն քչերն են այս ոճով լսել ու տեսել. «Ես շատ ուրախ եմ, որ ինձ բաժին է հասել հենց այս ստեղծագործութունը, պետք է ասեմ, որ օրիգինալը չէի լսել, ու երբ լսել եմ, շատ հավանել եմ: Թարգմանված տարբերակն ուղարկվեց ինձ, ու ես միանգամից այո պատասխանեցի»:

Երգչուհին խոստովանեց, որ մի փոքր մտավախություն ուներ, թե ինչպես ֆրանսերենից հետո կհնչի հայկական տարբերակը, քանի որ մեղեդին գրվել է ֆրանսերեն տեքստի հնչողությամբ. «Երբ ինձ ուղարկվեց թարգմանված տարբերակը, այքնան գեղեցիկ էր, այնքան սեր, կիրք զգացմունք ու էմոցիա կար թարգմանության մեջ»:

Ազնավուրն այս երգը գրել է 60-ականներին: 1963-ին լույս տեսավ նրա «Qui» ձայնասկավառակը: Այս երգը մեծ ճանաչում ունեցավ նաև նաև իսպաներեն ու իտալերեն կատարումների շնորհիվ:  «Ով»-ն Ազնավուրի 3-րդ հայերեն վերածնված երգն է Newmag-ում: Տեսահոլովակի ռեժիսորն Արթուր Մանուկյանն է. «Խնդիրը հետևյալն էր, ստանալ ոչ թե տեսահոլովակ, այլ երգի վիզուալիզացիա, որը կուղեցկի Սոֆիի ստեղծագործությանը, որը հայերերն թարգմանությամբ է»:

Այս նախագծի երաժշտական պրոդյուսերը Մարտին Միրզոյանն է: Յուրաքանչյուր անգամ նա յուրովի է մոտենում աշխատանքին՝ հաշվի առնելով երգչի ձայնային ու ոճային առանձնահատկությունները. «Ես այն երջանիկներից եմ, որ առիթ եմ ունեցել շփվել Ազնավուրի հետ, լսել նրա մոտեցումները հենց ստեղծագործությունների վերաբերյալ: Ասում էր, որ չեմ սիրում, երբ նմանակում են ինձ: Նրա յուրաքանչյուր ստեղծագործություն այնքան շատ ասելիք ունի, որ հնարավոր է ամեն մի կատարողի համար հենց իր մոտեցմամբ էլ ներկայացնել»:

2021-ից երաժշտական այս նախագծի մտահղացումը հրատարակչության տնօրեն Արտակ Ալեքսանյանինն  է, գլխավոր հովանավորը հայ-ֆրանսիական Ամունդի Ակբա ընկերությունն է:

Կարդացեք նաև

• [Նոր երգ, նոր տեսահոլովակ] Newmag Winter Fest-ին տեղի կունենա Շառլ Ազնավուրի «Ով» երգի հայերեն տարբերակի պրեմիերան (տեսանյութ)