Բազային զգեստապահարան. 10 իր, որ պետք է ունենալ զգեստապահարանում
Անձնական ճաշակը, նախասիրությունները, մարմնի կառուցվածքն ու ոճի ընկալումն, իհրակե, իրենց դերն ունեն զգեստապահարանի բազային հագուստի ընտրության հարցում, բայց կան համընդհանուր մակրոմիտումներ, որոնք կարող են լինել յուրաքանչյուր զգեստապահարանում:
Գուլպա-բոտիլյոններ
Նեղ ու ոտքը գրկող վզով բոտիլյոնները հավաքածուներում հայտնվեցին դեռ նախանցյալ տարվա ամռանը: Առաջիններից մեկը, որ առաջարկեց դրանք ընդգրկել մոդայիկ իրերի շարքում, Դեմնիա Գվասալիան էր: Այդ բոտիլյոնների ֆենոմենն այն է, որ համադրելի են գրեթե յուրաքանչյուր երկարության փեշի, կարճ տաբատների հետ: 2017-ին, գուլպա վզով բոտիլյոնները, կարելի է ասել, փոխարինում են բալետկա կոչվող կոշիկներին:
Հուդի
Եւս մեկ իր, որը նույնպես շուտով կստանա հավերժական դասականի կոչում: Առանց լոգոտիպերի, պարզ, սև կամ մոխրագույն հուդին իսկական փրկություն է, երբ առավոտյան, չգիտես, ինչ հագնել: Օրինակ, Vetements-ն առաջարկեց Rammstein պրինտով հուդիները: Այնուամենայնիվ, եթե ուզում եք զգեստապահարանում ունենալ մի իր, որը երկար դուրս չի մոդայից, ընտրեք մինիմալիստական տարբերակները:
Ծավալուն բաճկոն
Գրասենյակային ոճն ավելի ու ավելի շատ է դառնում պոդիումային նորաձևության մաս: Այսօր դասական համարվող բաճկոն+ տաբատ կամ բաճկոն+ կիսաշրջազգեստ համադրությունն, իսկական հիթ է: Բայց գլխավորն այն է, որ բաճկոնը պետք է լինի ոչ թե մարմինը գրկող, այլ ծավալուն, մի քանի չափ մեծ: Իդեալական օրինակ ցույց է տալիս Calvin Klein-ը: «Հայրիկի ոճ»-ը հիշեցնող բաճկոններ առաջարկում է նաև Vetements-ը: Ծավալային, վանդակավոր կամ գծավոր, համադրված սովորական, պարզ շապիկի հետ: Նման համադրությունն իդեալական է շորտի, բարձր գոտկատեղով տաբատի հետ:
Կաշվից տաբատ
Իր, որը մի ժամանակ ասոցացվում է բացառապես ենթամշակույթի հետ: 2017-ին կաշվից տաբատը կարելի է համադրել գրեթե ամեն ինչի հետ` մետաքսից շապիկից, մինչև հաստ գործվածքով բլուզ: Կաշվից տաբատը վերադառնում է մոդա: Եթե համարձակ եք, փորձեք կրկնօրինակել Calvin Klein-ի առաջարկած տարբերակը:
Մեծ պուխավիկ
Ծավալային, մեծ պուխավիկն անփոխարինելի իր է ձմռան ցրտին, ու պարտադիր իր ամեն մի մոդայիկ կնոջ զգեստապահարանում: Մեծ փքված բաճկոնը կարելի է հագնել, ինչպես դասական հագուստի, այնպես էլ սպորտային իրերի հետ: Հենց դա էլ այն դարձնում է սուպերմոդայիկ ու բազային իր: Ուշադրություն դարձրեք նմանատիպ արտահագուստ առաջարկող Maison Margiela, Vetements, Tod’s բրեդների առաջարկներին: Օրինակ, H&M ու Maison Marigela բրենդների կոլաբորացիայի արդյունքը` համատեղ ստեղծած բաճկոնը, կարելի է գնել նաև eBay-ում:
Վինտաժային մուշտակ
Մուշտակների մոդան բնական մորթիների ընտրությունից տեղափոխվել է արհեստական մորթիներ: Թրենդը գլխավորում են մուշտակների երկու տեսակները` գունավոր, նախշերով ու ապլիկացիաներով, ինչպես նաև` դասական, բաց շագանակագույն տեսակները: Այս երկու տեսակի մուշտակներին ու թրենդներին միավորում է մեկ բան` 60-ական ու 70-ականների լիցքաթափող սիլուետը: Իդեալական տարբերակ է առաջարկում Ալեսանդրո Միկելեն` Gucci-իի դիզայները:
Վերնաշապիկ
Ժամանակն անցնում է: Երբ ասում ենք, որ սովորական վերնաշապիկը միշտ նորաձև է, 2013-ին ամենևին այլ վերնաշապիկի մասին էինք խոսում, իսկ այսօր ամենևին այլ վերնաշապիկ նկատի ունենք: Ամբողջ առանձնահատկությունը դետալներն են, փոքրիկ յուրահատկությունները: Այս տարի ու առաջիկա տարիներին նորաձև կլինեն մի քիչ ծավալուն թևերով, օձիքով, վիկտորիանական ոճի ու կոնտրաստային վերջավորությամբ վերնաշապիկները:
Ճտքակոշիկներ
Եւս մեկ փոխարինող բոտիլյոններին: Կազակ կոչվող ճտքակոշիկները հիշեցնում են, որ ամերիկյան ոճի հանդեպ հետաքրքրությունը մեծացել է: Նոր սեզոնին այդ ոճը կլինի ամենուր. ծոփքեր, վերնաշապիկների վրա գրպաններ, կակտուսներ, կաշվե իրեր ու կովբոյական գլխարկներ: Եթե նույնիսկ կովբոյական ոճը հաջորդ սեզոնին էլ ակտուալ չլինի, կազակ ճտքակոշիկները կլինեն դեռ նորաձև: Ճտքակոշիկներն ամեն մի կերպար դարձնում են յուրահատուկ, այն համադրելի է, ինչպես «կանադական սմոքինգի», այնպես էլ ծավալուն բոմպերի հետ: Ավելին այն նաև հիանալի համադրություն է բարակ կապերով զգեստի հետ:
Կեդեր
Մենք ապրում ենք կեդերի ու տարբեր սպորտային կոշիկների դարաշրջանում: Միտքը, որ որոշ ժամանակ առաջ կեդերն ու սպորտային կոշիկները կրում էինք միայն մարզասրահում, այսօր առնվազն տարօրինակ է հնչում: Սպորտային բրենդներից բացի, բազմազան ու չափազանց յուրահատուկ մոդելներ են առաջարկում նաև լյուքս դասի կամ մասս-մարկետի տարբեր բրենդներ: Կոլաբորացիաների թիվն էլ տարեցտարի աճում է: Բայց սովորական, մինիմալիստական տարբերակները նույնպես թրենդից դուրս չեն գալիս:
Աչքի ընկնող ականջօղեր
Business of Fashion-ը վստահեցնում է, որ փայլուն, մեծ ականջօղերի ու կլիպսերի թրենդը աճում է, քանի որ մեծանում է նաև սելֆիների հանդեպ սերը: Այսօր նկատելի, աչքի ընկնող զարդերն, իսկապես, շատ ակտուալ են: Եթե փնտրում եք բիժուտերիա, որը կծառայի մի քանի տարի (կամ նույնիսկ մեկ տասնամյակ), ընտրեք մետաղական կամ սպիտակ բյուրեղներով օղեր: Դրանք սազում են և բաց, երեկոյան զգեստների, և սպորտային հագուստի հետ:
Տարածել
Կարդա նաև
Լայնեզր գլխարկով, գոթական ոճով բարոնուհին ու էքսցենտրիկ գրող Ամելի Նոտոմբը (տեսանյութ)
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)