Ադրբեջանցիները կրակում են, տավուշցիները դույլերով փամփուշտներ հավաքում. կյանքը` կրակահերթի տակ

Հունիսյան գնդակոծություններից ավելի շատ Բաղանիսն է տուժել: Մինչև օրս սահմանամերձ համայնքում խոսում են Բեգլարյանների տան գնդակոծության մասին: Ադրբեջանական դիրքերից արձակած փամփուշտներից մեկը կոտրել էր փոքրիկ Հովհաննեսի սենյակի փատուհանն ու ներս մտել: Հովհաննեսը հենց այդ սենյակում է քնում: «Փամփուշտը ծակել էր պատուհանը ու մտել վարագույրի մեջ, տաքությունից վարագույրը կոլոլվել է», պատմում է Հովհաննեսի հայրը: