Օրն առավել արդյունավետ կազմակերպելու բանաձև. Օրվա պարտադիր անելիքների ցանկ

Երբ դեռ փոքր ենք, յուրաքանչյուր օրը սկսվում է ծնողական խրատներով. «Լվա՛ ատամներդ», «Կե՛ր ապուրդ», «Հավաքի՛ր խաղալիքներդ» և այլն: Երբ մենք մեծանում ենք, մեր հոգատար ծնողները, միևնույն է, հավատարիմ են մնում իրենց խրատներին. «Վե՛ր կաց, դասերից կուշանաս», «Դի՛ր գլխարկդ», «Դատարկի՛ր մոխրամանը»: Իսկ հետո մենք ավելի ենք մեծանում, դառնում ենք մեր կյանքի տերն ու գիտակցում, որ այժմ մեզ ոչ ոք խրատներ չի տա՝ ինչ, երբ և ինչպես անել: Եվ հենց այստեղ մեզ օգնության է հասնում պարտադիր գործողությունների ահա այսպիսի մի ցուցակ.
1. Ցույց տալ մեր սերը մեզ համար թանկ մարդկանց: Կյանքը չափազանց կարճ է` այն զայրույթի և չարության վրա ծախսելու համար: Առավոտյան մեկ ժպիտը, բարի խոսքը կամ համբույրը կարող են օրը հրաշալի դարձնել ոչ միայն Ձեզ, այլև Ձեր հարազատների համար: Բաց մի՛ թողեք այդ հնարավորությունը:
2. Օրական 10-15 րոպե հատկացնել մաքրությանը: Պետք չէ միանգամից մաքրազերծել ամբողջ տունը, պետք չէ կտորով վազել ամեն մի փոշու հետևից: Սակայն ամենօրյա կարճատև այդ գործողությունը կլինի Ձեր տան մաքրության գրավականը:
3. Ըմպել մեկ բաժակ ջուր: Ըմպեցի՞ք: Շատ լավ: Իսկ հիմա ևս մեկը:
4. Ամեն օր մեկ քայլով մոտեցեք Ձեր նպատակին: Ճիշտ ուղղությամբ կատարվող շարունակական գործողությունները թույլ կտան նույնիսկ փոքր ջանքերի շնորհիվ հասնել բավական լավ արդյունքի:
5. Որևէ նոր բան սովորել: Ուղեղի դեգրադացիան սկսվում է հենց այն օրից, երբ որևէ նոր բան չեք սովորում: Աշխատեք, որքան հնարավոր է, հետաձգել այդ օրը:
6. Հրումներ արեք: Սա լավագույն վարժությունն է մարմինը կիսապառկած վիճակում պահելու համար: Այն ցանկացած էներգետիկ ըմպելիքից էլ լավ է բարձրացնում է տոնուսը:
7. Ամեն օր գովել գոնե մեկ մարդու, բնականաբար, արժանի մեկին: Այդ կերպ Դուք աննկատ կերպով մեկ տարվա ընթացքում կերջանկացնեք 365 մարդու: Հրաշալի արդյունք կլինի:
8. Կազմակերպել լռության 5 րոպե: Ընդամենը 5 րոպե` այս ամբողջ քաոսի մեջ:
9. Շփվե՛լ: Խոսքն իրական շփման մասին է և ո՛չ վիրտուալ: Այսօր այնքան հեշտ է ազատվել բոլորից սոցիալական ցանցերի, չաթերի, էլեկտրոնային փոստերի միջոցով, որ երբեմն գիտակցում ես` իրական շփումը կյանքումդ սեքսից էլ քիչ է:
10. Զբաղվել մեդիտացիայով կամ պարզապես ժամանակ հատկացնել Ձեր կյանքում գոյություն ունեցող դրական բաների մասին մտածելու համար: Փորձեք ամեն գիշեր, քնելուց առաջ մի քանի անգամ խորը և դանդաղ շնչել, թուլանալ և պարզապես լինել դրական ալիքի վրա: Առավոտյան ֆիզիկական վարժությունների համադրությամբ սա կօգնի Ձեզ ավելի հանգիստ քնել, իսկ օրվա ընթացքում լինել ավելի ակտիվ:
11. Զբաղվել ֆիզիկական ակտիվության ցանկացած տեսակով: Պարտադիր չէ ձգտել ռեկորդների կամ կուրորեն հետևել արդի ֆիտնես-նորաձևության բոլոր քմահաճույքներին: Օրվա ընթացքում նվազագույնը 30 րոպե տևող զբոսանք, վազք, լող կամ յոգա. ընտրեք Ձեզ առավել հարմարն ու փոխեք ինքներդ Ձեզ:
12. Ձևացնել, որ սուպերհերոս եք: Այնքան ժամանակ, մինչև որ իսկապես կդառնաք:
13. Օգտագործել մրգեր և բանջարեղեն. աղցաններ, ռագու, ապուրներ, աղանդեր: Հազվադեպ է լինում, երբ բոլոր գիտնականները, նույնիսկ բրիտանացի, համակարծի են թվարկածի օգտակարության հարցում:
14. Ավելի շատ ժամանակ անցկացնել դրսում: Զբոսնեք մենակ կամ չորքոտանի բարեկամի հետ, հեծանիվ քշեք... Մի խոսքով, պոկվեք համակարգչից և օդափոխեք Ձեր խեղճ թոքերը:
15. Պարզապես շնորհակալ լինել հերթական օրվա համար: Յուրաքանչյուր նոր լուսաբաց իր հետ նոր կյանքի հնարավորություն է բերում: ԵՎ միայն մեզնից է կախված՝ կօգտվե՞նք մենք այդ հնարավորությունից: