ULTRAVIOLET. S01E02 / «Իմ ընկեր պոետ Աշոտը» (տեսանյութ)
04/02/2025
Վիոլետ Գրիգորյանը բացում է հայ բանաստեղծական յուրօրինակ էջ՝ ներկայացնելով գրող Աշոտ Խաչատրյանի բազմաշերտ գրական աշխարհը։ Ինչպիսի՞ն էր մարդը բանաստեղծության հետևում, ի՞նչ պատմություններ են թաքնված նրա տողերի միջև։ ULTRAVIOLET / «Իմ ընկեր պոետ Աշոտը» / 2-րդ էպիզոդ:
Անձնական հուշերի, անտիպ պատմությունների և մտերիմ ընկերների վկայությունների միջոցով՝ Վիոլետը վերակենդանացնում է գրողի կերպարը։ Հանգավորված քառյակներից մինչև ազատ ոճի պոետիկա՝ բացահայտվեք Խաչատրյանի ստեղծագործական ուղու գաղտնիքները ULTRAVIOLET-ի հետ։
«Էսօր հիշել եմ գրող ընկերոջս՝ Աշոտ Խաչատրյանին, որ արդեն երկար տարիներ է, ինչ տեղափոխվել է Մոսկվա։ Եթե մի քանի տարին մեկ գա, կհանդիպենք, մինչդեռ կար ժամանակ, որ հանդիպում էինք ամենօր, ավելին՝ մութ ու ցուրտ տարիներին մի փոքրիկ գրողական ու ընկերական համայնքով օրերով միասին էինք, համարյա միասին էինք ապրում։ Գրական բոհեմ, որ առաջացել էր ցուրտն ու սովը միասին հաղթահարելու «տնտեսագիտություն:
Աշոտը իմ մտերիմ ընկերն էր, մենք ոչ թե ժամերով, այլ օրերով, ամիսներով ու տարիներով ենք զրուցել իրար հետ ամեն ինչի մասին։ Ես եմ նրա ու իր ընկերուհու, հետագայում՝ կնոջ, կապի առիթն ստեղծել, ու ընկերուհին էլ միացավ մեր բոհեմական շրջիկ խմբին։ Սկզբում քնում էր օղու շուրջ մեր երկար զրույցների ընթացքում, հետո սկսեց մեզ հետ խմել, հետո՝ մեզնից անցավ։ Հետո ես ամուսնացա Վահան Իշխանյանի հետ, ու նա էլ միացավ մեր խմբին։ Երբ Աշոտը Մոսկվա գնաց, ես ու Վահանը հաճախ էինք հիշում ու կարոտում Աշոտին, ու Վահանի՝ հետմահու տպված «Դառը ծով» վեպում կան էդ հիշողություններն ու կարոտը»։
Գրող Աշոտ Խաչատրյանը հրատարակել է բանաստեղծությունների մեկ գիրք և խմբագրել «Գրական թերթի» երիտասարդական հավաքածուի մեկ համար, որտեղ զետեղված էր նաև իր «Ժամանակը և դիպվածը» պատմվածքը: Նա հայտնի էր նաև որպես հրաշալի գրական հոտառություն ունեցող գրող ու թարգմանիչ, ով կարևոր դեր է կատարել 90-ականների մութ ու ցուրտ տարիների գրական կյանքում:
Կարդացեք նաև
Տարածել
Կարդա նաև
Newmag-ը ներկայացնում է քաղաքագետ, հրապարակախոս Տիգրան Հայրապետյանի 5-րդ հատորը՝ «Վերջին աշունը» (թրեյլեր)
Հայտնի է Գոնկուրի հայաստանյան ընտրության հաղթողը (լուսանկարներ)
«Աշխարհն ու մենք» խորագրով շարունակվեց ու ամփոփվեց Newmag-ի ու «Գյուլբենկյան» հիմնարկության երկօրյա Ֆորումը (լուսանկարներ)
«Նոր միտք, նոր թարգմանություն» ֆորում. օր 1-ին / Հոգեբանական 3 գիրք՝ մարմինն ու հոգին բուժելու համար (լուսանկարներ)