ԱՄՆ դեսպանատան գրքառատ նվերը․ Հանրային և քաղաքական դեմքերը ստացան Newmag-ի բեսթսելլերները
![newmag-y-n](https://newmag.am/public/assets/images/posts/5151/06d18abce4b93d0cfa69a6cf0ca57a83.png)
Ինքնամեկուսացման օրերին ժամանակը արդյունավետ անցնկացնելու լավագույն միջոցներից մեկը նաև ընթերցանությունն է։ Newmag-ի և Հայաստանում ԱՄՆ դեսպանատան գործակցությամբ բազմաթիվ քաղաքական գործիչներ, պաշտոնյաներ, լրագրողներ, դերասաններ և շոու-բիզնեսի ներկայացուցիչներ ստացան ամերիկացի հեղինակներ Դեյվիդ Ալենի «Ինչպես հասցնել բոլոր գործերը», Փոլ Իգնեշիուսի «Հիմա մասամբ գիտեմ» և Դեյվիդ Ռեմնիքի «Ալի. Աշխարհի արքան» գրքերը: Ընթերցողները ստացան նաև ՀՀ-ում ԱՄՆ դեսպան Լին Թրեյսիի նամակը։
Ամերիկացի հեղինակների գրքերը ամենատարբեր թեմաներով են։ Լայֆհաքերից մինչև սպորտ, պատմական իրողություններ և բացահայտումներ։ Օրինակ, Դեյվիդ Ալենի գիրքը հատկապես ակտուալ է այս օրերին, որովհետև գիրքն օգնում է կենտրոնանալ սթրեսի հաղթահարման վրա։
«Մենք գնահատում ենք, որ Newmag-ը ջանք է ներդնում ամերիկացի հեղինակների գրքերի թարգմանության համար` ստեղծելով նոր լսարան», - ասում է ԱՄՆ դեսպանատան հասարակայնության հետ կապերի բաժնի տնօրեն Լիա Միլլերը։
Գրքի և ընթերցանության մասին իրենց կարծիքը ընթերցողները հայտնեցին սոցցանցերի իրենց էջերում։ Ինքնամեկուսացման պայմաններում կարևոր է շարունակել մարզել ուղեղը և կենտրոնանալ կարևոր գործերի վրա։
Միտքը զբաղված և կենտրոնացած պահելու լավագույն միջոցը ընթերցանություն է։ Հաստատված մեթոդ է, որ գիրք կարդալը զարգացնում է հոգեկան առողջությունը:
«Չնայած, հասարակությունը վերադառնում է բնականոն կյանքին և մարդիկ՝ աշխատանքին: Շատ կարևոր է, որ շարունակենք պահել հակահամաճարակային կանոները: Ընթերցանությունը դրա լավագույն միջոցն է», - ասում է Լիա Միլերը։
Ամերիկյան լավագույն նոն-ֆիքշըն ժանրի գրքերը հայերեն թարգմանելն ու այն լսարանին ներկայացնելը Newmag-ի ծրագրային քաղաքականության մասն է։ Բացի այս 3 գրքերից, Newmag-ը հայ ընթերցասերներին ներկայացրել է նաև ամերիկացի հեղինակներ Միշել Օբամայի, Մարկ Մենսոնի, Ռեյչլ Հոլիսի , Գերի Չեփմենի և Փոլ Օֆիթի գրքերը, որոնք նույնպես սիրվել են ընթերցողների կողմից։
«Ընթերցասեր հասարակությանը խորհուրդ եմ տալիս այս ընթացքում կենտրոնանալ ընտանիքի, ընկերների, և անձնական աճի վրա. հոբբի ունենալ, կամ սովորել նոր հմտություններ, որոնց նախկինում ժամանակի սղության պատճառով չէիք հասցնում տիրապետել։ Սովորեք նոր ուտեստներ պատրաստել, տիրապետեք երաժշտական գործիքի կամ փաստավավերագրական ֆիլմեր դիտեք», - ասում է Լիա Միլլերը։
Այս սթրեսային ժամանակներում առողջությունն ամենակարևորն է, իսկ հոգեկան առողջությունն ու լավ ինքնազգացությունը կարելի է ամրապդնել գիրք կարդալով։
[gallery]
![Հիմա մասամբ գիտեմ](https://newmag.am/public/assets/images/books/2408eb42dc69d8a2f0e603361b36cc8d.jpg)
Փոլ Ռ. Իգնեշիուս
5800 ֏
Նկարագրություն
Այս բացառիկ ինքնակենսագրականը ներկայացնում է ԱՄՆ-ում ամենաբարձր պետական պաշտոնը զբաղեցրած ամերիկահայ պետական և ռազմական գործիչ Փոլ Իգնեշիուսի հուշերը։ Նա պատմում է, թե ինչպես է իր ընտանիքը, փրկվելով Աբդուլ Համիդի սպանդից, հաստատվել Անգլիայում, ապա տեղափոխվել ԱՄՆ։ Փոլ Իգնեշիուսն առանձնակի ջերմությամբ է հիշում իր մանկության և պատանեկության տարիները, երբ Գլենդելի իրենց տուն էին այցելում Վիլյամ Սարոյանը, Ռուբեն Մամուլյանը։
Փոլ Իգնեշիուսը պատմում է նաև Հարվարդում սովորելու, Երկրորդ համաշխարհային պատերազմին մասնակցելու և ԱՄՆ կառավարությունում աշխատելու մասին։ Ի վերջո, հեղինակը նկարագրում է այն պատմական ուղևորությունը, որի ընթացքում այցելել է Արևմտյան Հայաստան և Երևան։
Հայերեն թարգմանության համար գրքում հատուկ նախաբան են գրել Փոլ Իգնեշիուսի զավակները՝ Դեյվիդ, Սառա, Էմի և Ադի Իգնեշիուսները։
Կարդա նաև
![ԱԲ դարաշրջանն արդեն սկսվել է. Յուվալ Նոյ Հարարին՝ նոր գրքի մասին](https://newmag.am/public/front/assets/images/placeholder.jpg)
ԱԲ դարաշրջանն արդեն սկսվել է. Յուվալ Նոյ Հարարին՝ նոր գրքի մասին
![ՀԱՄԱՇԽԱՐՀԱՅԻՆ ՇՆՈՐՀԱՆԴԵՍ / Յուվալ Նոյ Հարարիի նոր գիրքը հայերեն հրատարակվում է բնօրինակի հետ նույն օրը](https://newmag.am/public/front/assets/images/placeholder.jpg)
ՀԱՄԱՇԽԱՐՀԱՅԻՆ ՇՆՈՐՀԱՆԴԵՍ / Յուվալ Նոյ Հարարիի նոր գիրքը հայերեն հրատարակվում է բնօրինակի հետ նույն օրը
![«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)](https://newmag.am/public/front/assets/images/placeholder.jpg)
«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)
![Որ մասնագիտություններն են նորաձև AI դարաշրջանում (տեսանյութ)](https://newmag.am/public/front/assets/images/placeholder.jpg)
Որ մասնագիտություններն են նորաձև AI դարաշրջանում (տեսանյութ)
![Վեպ՝ զարմանալի, անկանխատեսելի կյանքի, ընտանիքի ու ընկերների մասին (տեսանյութ)](https://newmag.am/public/front/assets/images/placeholder.jpg)