Շառլ Ազնավուր․ «Ես ծեր չեմ, պարզապես տարեց եմ»
![newmag-y-n](https://newmag.am/public/assets/images/posts/5169/c7d8fbdfd9fb0d5b03dff8e7ed60062d.png)
Ազնավուրը խոստովանում է, որ երբ նստում է գրասեղանի առաջ, ու գրում երգի բառեր, չի զգում, թե ինչպես է ժամանակը թռնում: Ոչ՛ քաղցի, ո՛չ ծարավի զգացում չի ունենում, մոռանում է արտաքին աշխարհի մասին ու կենտրոնանում, քանի որ բառի հետ խաղ չես անի, հենց այնպես օդ չես կրակի՝ կամ հանգավորումը լավն է, կամ՝ ոչ, երրորդ տարբերակ չկա․ պնդում է իր «Վերջին դուռը» գրքում:
«Սիրել ու հրաշալի բառերը կողք կողքի չեն հնչում: Պետք է այնքան փնտրես մինչև գտնես ճիշտ բառը: Հաճախ այդ ընթացքը երկար է տևում, քանի որ ուզում եմ՝ երգս Ֆեռարիի շարժիչի հզորությամբ կառուցվի», - ասում է Շառլ Ազնավուրը։
Անկեղծանում է՝ սրտնեղում է, երբ հեռուստացույցից հնչած երաժշտության տեքստերը ֆեռարիի անտեսանելի շարժիչ չեն ունենում: Կատակում է՝ այդ ընթացքում Բոդլերը, Ապոլիները, Հյուգոն, ֆերրեն և այլ մեծ պոետներ գերեզմանում շուռ են գալիս:
87 տարեկանում գրած գրքում շանսոնյեն խոսում է իր առաջ բացված ու դեմքին փակված դռներից, նաև ա՛յն դռներից, որոնք ինքն է հրելով բացել կամ հարվածելով փակել: Տարիներից իմաստնացած Ազնավուրը համոզված է՝ երբ հեռանալու ժամանակը գալիս է՝ պիտի գնաս, բաց թողնես, որքան էլ, որ լքել բայը չես սիրում,- «Վերջին դուռը» կիսաբաց պահելով՝թույլ է տվել, որ ընթերցողը տեսնի, թե ինչ է փոթորիկներ են իրեն հասցրել մինչև 2011 թվական. Գիրքը հենց այդ ժամանակ է լույս տեսել:
«Ես ծեր չեմ, պարզապես տարեց եմ: Չնայած 87 տարեկան եմ, բայց ինձ որբ եմ զգում: Ասում են, թե տղամարդիկ չեն արտասվում : Պատահում է, որ արցունքներս գլորվում են գիշերվա կեսին, երբ ծնողներիս եմ հիշում, նույն կերպ ցավում եմ կյանքից հեռացած ընկերներիս համար», - ասում է Ազնավուրը։
«Ես անկազմակերպ եմ ու կարիք ունեմ մտքերս ի մի բերելու»,- «Վերջին դռան» առաջին տողերում իր երկրպագուների մոտ սիրտն է բացում՝ իր ինքնակեսնագրական գրքերը շարադրելիս միտքը մի թեմայից մյուսն է անցնում. ախր իր կյանքը նույնպես երբեք մի գծով չի ընթացել մինչդեռ «Ստվերից լույս մեկ քայլ էր, միայն հետո հասկացավ՝ հենց այդ քայլն էլ իր ամբողջ գոյության առաքելությունն էր»։
![Վերջին դուռը](https://newmag.am/public/assets/images/books/182a66e81e5ee0339e8388988fd57d7f.jpg)
Շառլ Ազնավուր
4800 ֏
Նկարագրություն
Այս գրքում մեծ շանսոնիեն խոսում է ամենապոպուլյար հարցերի մասին։ Ինչու է ժամանակակից արվեստն այդքան կանխատեսելի, հեռուստատեսությունը՝ մակերեսային, շոու բիզնեսը՝ գռեհիկ։ Ինչպես վերաբերվել ձեզ առնչվող հրապարակումներին, որոնք հայտնվում են դեղին մամուլում և ֆեյք լուրերի հոսքում։ Եվ երբ ու որ տարիքում վերջ տալ վատ սովորություններին։ Արվեստ, ամերիկյան մշակույթի պատճենում և քաղաքականություն։ Ազնավուրը պատմում է, թե ինչպես է քվեարկել ընտրություններում, արձագանքել իր մահվան մասին կեղծ լուրերին, ծանոթացել իր կեղծ ազգականների հետ, առաջին անգամ նստել նախագահական օդանավ ու աշխատել դեսպանի պաշտոնում։ Եվ վերջապես հենց այս գրքում առաջին ու վերջին անգամ պատասխանում է հարցին. «Դուք Ձեզ ավելի շատ ֆրանսիացի՞ եք զգում, թե՞ հայ»։
Կարդա նաև
![ԱԲ դարաշրջանն արդեն սկսվել է. Յուվալ Նոյ Հարարին՝ նոր գրքի մասին](https://newmag.am/public/front/assets/images/placeholder.jpg)
ԱԲ դարաշրջանն արդեն սկսվել է. Յուվալ Նոյ Հարարին՝ նոր գրքի մասին
![ՀԱՄԱՇԽԱՐՀԱՅԻՆ ՇՆՈՐՀԱՆԴԵՍ / Յուվալ Նոյ Հարարիի նոր գիրքը հայերեն հրատարակվում է բնօրինակի հետ նույն օրը](https://newmag.am/public/front/assets/images/placeholder.jpg)
ՀԱՄԱՇԽԱՐՀԱՅԻՆ ՇՆՈՐՀԱՆԴԵՍ / Յուվալ Նոյ Հարարիի նոր գիրքը հայերեն հրատարակվում է բնօրինակի հետ նույն օրը
![«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)](https://newmag.am/public/front/assets/images/placeholder.jpg)
«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)
![Որ մասնագիտություններն են նորաձև AI դարաշրջանում (տեսանյութ)](https://newmag.am/public/front/assets/images/placeholder.jpg)
Որ մասնագիտություններն են նորաձև AI դարաշրջանում (տեսանյութ)
![Վեպ՝ զարմանալի, անկանխատեսելի կյանքի, ընտանիքի ու ընկերների մասին (տեսանյութ)](https://newmag.am/public/front/assets/images/placeholder.jpg)