Ես կարող եմ. Հաշմանդամություն ունեցող անձանց աշխատանքային ֆոտովավերագրություն

Վիգեն Մնոայնը մոտ մեկ ամիս շրջել է Երևանով, Արարատի և Արագածոտնի մարզերով, լուսանկարել հաշմանդամություն ունեցող անձանց հենց իրենց աշխատավայրերում:

«Հաշմանդամություն ունեցող անձինք կարող են աշխատել տարբեր բնագավառներում և այս նախագիծը հենց դրան է ուղղված»:

Սա Վիգեն Մնոյանի առաջին սոցիալական բնույթի նախագիծը չէ: Նմանատիպ ֆոտոշարք նա նախկինում էլ է ներկայացրել, բայց խոստավանում է` այս մեկն այլ է` ավելի բարդ ու պատասխանատու էր:

«Այն, որ դու ինչ-որ նպատակի համար կարող ես օղակ լինել, ավելի հաճույքով ես աշխատում»:

Յուրաքանչյուր լուսանկարում ներկայացված է մեկ մասնագիտություն և հաշմանդամություն ունեցող մասնագետը:  «Ես կարող եմ» խորագրով ցուցահադեսը մայրաքաղաքում դեռ երկար կմնա: Կազմակերպիչները ժամանակ առ ժամանակ կփոխեն ցուցահանդեսի աշխարհագրությունը հաշմանդամություն ունեցող մարդկանց առօրյան շատերին ցույց տալու համար: