Արդյունավետ աշխատելու 7 միջոց, եթե քիչ եք քնել
1. Մարզվեք
Անքուն գիշերվանից հետո իհարկե վազքի դուրս գալու կամ մարզասրահ գնալու ցանկություն չի լինում: Բայց հենց այդ էլ անհրաժեշտ է անել: Ֆիզիկական ակտիվությունն ավելացնում է սրտի կծկումների արագությունը, որը սերոտոնինի` նեյրոմեդիատորի արտանետում է առաջացնում: Այն լավ տրամադրության գրավականն է:
Եթե առավոտյան մարզումների համար ժամանակ չունեք, աշխատեք ավելի շատ շարժվել օրվա ընթացքում: Պարբերաբար թռչկոտեք ու կտեսնեք, որ այդ կարճատև մարզումներից հետո ձեզ ավելի լավ կզգաք:
2. Մի կենտրոնացեք անքնության վրա
Վատ անցկացրած գիշերվա մասին մտքերը ձեզ ավելի կհոգնեցնեն: Զբաղվեք ձեր առօրյա գործերով, մի հիշեք թե որքան քիչ եք քնել: Հակառակ դեպքում ամբողջ օրը վատ տրամադրություն կունենաք, որի հետևանքով ձեր արդյունավետությունն ավելի կնվազի:
3. Սահմանափակեք ձեր գրաֆիկը 3 առաջադրանքով
Հազիվ թե ձեզ հաջողվի որակով անել ձեր գործերը, երբ լավ չեք քնել: Ընտրեք ամենակարևոր ու հրատապ երեքը: Ցանկալի է դրանք ավարտին հասցնել օրվա առաջին հատվածում, քանի դեռ առավոտյան մարզումների ու սուրճի ազդեցությունը մեծ է:
4. Նախաճաշին առողջ սնվեք
Անքնությունից հետո ինչ-որ քաղցր բան ուտելու ցանկությունն ավելի մեծ է: Թվում է` այն տրամադրություն է բարձրացնում: Բայց նախաճաշին անհրաժեշտ է ուտել սպիտակուց ու ածխաջրեր պարունակող սնունդ:
5. Սառը ջուր
Ջուրն ընդհանրապես առողջարար է, իսկ սառը ջուրը կօգնի կայտառանալ: Սա փոքր շոկ է օրգանիզմի համար: Մարզումներն ու սառը ջուրը կլիցքավորեն ձեզ:
Կարդացեք նաև.
- Երկբևեռ տրամադրություն. ինչո՞ւ է այն նկատվում տաղանդավոր մարդկանց մոտ
- Գոյատևման 8 միֆեր, որոնք կարող են կյանք արժենալ
- 15 միջոց քունը կարգավորելու համար
6. Հնարավորության դեպքում աշխատեք մաքուր օդին
Մաքուր օդն օգնում է լիցքաթափվել ու աշխուժանալ: Ավելի հաճախ զբոսնեք կամ աշխատեք մաքուր օդին: Արևի ճառագայթները խթանում են վիտամին D-ի արտադրությունը: Վիտամին D-ի պակասը կարող է հանգեցնել քնի խանգարմանը:
7. Մի չարաշահեք կոֆեինը
Սուրճը էներգիայի միակ աղբյուրը չէ: Չափից շատ սուրճ կամ թեյ խմելու արդյունքում կենտրոնացումը, հակառակը, թուլանում է: Դուք ավելի նյարդային եք դառնում, չեք կարողանում ձեր ուշադրությունը կենտրոնացնել աշխատանքի վրա:
Հետևեք newmag-ին Telegram-ում և Instagram-ում։
Տարածել
Կարդա նաև
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)