Ի՞նչ է երջանկությունը. պատասխանում են երևանցիները (ՖՈՏՈՊԱՏՄՈՒԹՅՈԻՆ)
Գիտնականներ - Երջանկություն. ֆիզիոլոգիական վիճակ, որն առաջանում է ուղեղում «երջանկության հորմոնների»` էնդորֆինի, սերոտոնինի և դոֆամինի սինթեզից: Դրանց գործունեությունը կարող է խախտվել էնդոկրին, վիրուսային և ժառանգական հիվանդությունների առկայության ժամանակ:
Փիլիսոփաներ - Երջանկությունը լիարժեք կյանքն է, որի համար բավարար չեն միայն ֆիզիկական հաճույքներն ու նյութական ապահովվածությունը: Կատարյալ երջանկության հասնելու համար պետք է զարգացնել գիտակցությունն ու տրվել հոգևոր ուրախություններին:
Հոգեբաններ - Երջանկությունը կյանքից մեծագույն բավականություն ստանալն է. մաքսիմում դրական էմոցիաներ և մինիմում բացասական:
Տնտեսագետնեչ - Հարուստ և համեմատաբար մեծ ՀՆԱ ունեցող պետությունների բնակիչներն ավելի երջանիկ են:
Երևանցիներ - Իսկ նրանք ի՞նչ պատկերացումներ ունեն երջանկության մասին: Ֆոտոպատմություն` սովորական մարդկանց ու երջանկության մասին:
Արմեն Հովանի
Երաժիշտ
«Երջանկությունն այսօր է: Այս պահը: Ապագան անորոշ է, անցյալն էլ այլևս մերը չէ»:
Գայանե Գաբոյան
Լրագրող
«Ես երջանիկ եմ, որովհետև գիտեմ ինչ եմ ուզում: Ինձ թվում է հենց դա է երջանկությունը, երբ հստակ գիտես ինքդ քեզ, գիտես ինչ ես ուզում, ինչ ես անում ու ինչի համար»:
Տատիկ, որը չցանկացավ ներկայանալ
«Երջանկությունը թոռներս են, որոնք իրենց նպատակի շեմին են: Իմ թոռներով եմ երջանիկ: Սիրված տատիկ եմ»:
Ի դեպ, հենց այդ նույն ժամանակ նրա անչափահաս թոռնուհին ջութակ էր նվագում Գարեգին Նժդեհի արձանի դիմաց:
Տիգրան Աճեմյան
Երիտասարդ հայրիկ
«Երջանկությունը կնոջս ու երեխայիս հետ այգում զբոսնելն է»:
Տարածել
Կարդա նաև
Ջուլյա Սամուել. Վշտի պարադոքսը | Ted Talk
Լայնեզր գլխարկով, գոթական ոճով բարոնուհին ու էքսցենտրիկ գրող Ամելի Նոտոմբը (տեսանյութ)
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)