Նկարագրություն
20-րդ դարում անհնար է արվեստը հասկանալ առանց կոնտեքստի։ Այժմ գեղանկարչության յուրաքանչյուր ուղղություն ունի իր տեսությունը։ Հենց արվեստը հասկանալու մասին է այս գիրքը։ Ի վերջո ի՞նչ է նրա ամենահայտնի կտավը՝ «Սև քառակուսին»։ Ո՞րն է դրա արժեքը։ Արվեստի երկու նոր տեսակները՝ լուսանկարչությունն ու կինեմատոգրաֆը, որոնք առաջացան 19-րդ ու 20-րդ դարերի խաչմերուկին, դասական գեղանկարչությունից վերցրին դիմանկարներ և բնապատկերներ ստեղծելու գործի մեծ մասը։ Եվ գլխավորապես ֆոտոն սկսեց իրեր և ձևեր պատկերել։ Այսինքն՝ աշխարհը կտավի վրա ճշգրիտ պատկերելու կարիք այլևս չկար։ Հենց այդ ժամանակ էլ Մալեվիչն առաջարկեց գեղանկարչության նոր ձև՝ սուպրեմատիզմ։ Ըստ այդմ՝ արվեստը պետք է լինի առանց սահմանների, կանոնների, պետք է առաջադրի միտք ու բովանդակություն, մերժի իրականության սոսկական պատճենումը։ «Սև քառակուսին» դարձավ մանիֆեստ, շրջադարձային կետ՝ անցյալում թողնելով դասական արվեստը։ Այս գրքում Մալեվիչը բացատրում ու հիմավորում է իր որոշումը, ներկայացնում արվեստի զարգացման մասին իր պատկերացումը։
Լրացուցիչ տեղեկություն
Օրիգինալ անունը ЧЕРНЫЙ КВАДРАТ
Կատեգորիան Գիտահանրամատչելի
ISBN 978-9939-884-41-7
Հրատարակության տարին 2021
Էջերի քանակը 432
Չափսը 16x24, կոշտ կազմ
Թարգմանիչ NewMag
Հեղինակներ
Կազիմիր Մալեվիչ
Կազիմիր Մալեվիչը (1878-1935) հանրահայտ ռուս նկարիչ ավանգարդիստ է, արվեստի տեսաբան, փիլիսոփա, սուպրեմատիզմի՝ նորագույն ժամանակի աբստրակտ արվեստի ամենավաղ դրսևորումներից մեկի հիմնադիրը։ Նրա «Սև քառակուսին» կտավը՝ 20-րդ դարի ամենաառեղծվածային գործերից մեկը, մարտահրավեր է ավանդական գեղանկարչությանը։ Մալեվիչի համոզմունքը պրովոկատիվ էր. «Արվեստի խնդիրը պարզապես առարկաներ պատկերելը չէ, այլ ոչ էական դետալներից ազատվելն ու ինքնին արվեստ դառնալը»:
Թողնել կարծիք